ಕೊಹ್ಲಿ ಕ್ರಿಕೆಟ್​ ಕಲಿತ ಜಾಗದ ಮಣ್ಣು ಲಂಡನ್​ಗೆ ಪಾರ್ಸೆಲ್!​ ಶುಭಹಾರೈಸಿದ ಶಾಲೆ -

ಲಂಡನ್​ನ ಓವೆಲ್​ನಲ್ಲಿ ಭಾರತ-ಆಸ್ಟ್ರೇಲಿಯಾ ವಿರುದ್ಧ ಪಂದ್ಯಕ್ಕೂ ಮುನ್ನ ಭಾರತ ತಂಡದ ನಾಯಕ ಕೊಹ್ಲಿಗೆ ಬಾಲ್ಯದಲ್ಲಿ ಕ್ರಿಕೆಟ್​ ಆಡಿದ ಜಾಗದ ಮಣ್ಣನ್ನು ವಿಶಾಲ್​ ಭಾರತಿ ಸ್ಕೂಲ್​ ಲಂಡನ್​ಗೆ ಪಾರ್ಸೆಲ್​ ಕಳುಹಿಸಿದೆ.

ಲಂಡನ್​: ಲಂಡನ್​ನ ಓವೆಲ್​ನಲ್ಲಿ ಭಾರತ-ಆಸ್ಟ್ರೇಲಿಯಾ ವಿರುದ್ಧ ಪಂದ್ಯಕ್ಕೂ ಮುನ್ನ ಭಾರತ ತಂಡದ ನಾಯಕ ಕೊಹ್ಲಿಗೆ ಬಾಲ್ಯದಲ್ಲಿ ಕ್ರಿಕೆಟ್​ ಆಡಿದ ಜಾಗದ ಮಣ್ಣನ್ನು ವಿಶಾಲ್​ ಭಾರತಿ ಸ್ಕೂಲ್​ ಲಂಡನ್​ಗೆ ಪಾರ್ಸೆಲ್​ ಮೂಲಕ ಕಳುಹಿಸಿದೆ.

ಭಾರತ ಕ್ರಿಕೆಟ್ ತಂಡ 1983ರಲ್ಲಿ ಕಪಿಲ್​ದೇವ್​ ನೇತೃತ್ವದಲ್ಲಿ, 2011ರಲ್ಲಿ ಮಹೇಂದ್ರ ಸಿಂಗ್​ ಧೋನಿ ನಾಯಕತ್ವದಲ್ಲಿ ವಿಶ್ವಕಪ್​ ಜಯಿಸಿತ್ತು. ಇದೀಗ ಕೊಹ್ಲಿ 2019 ರ ವಿಶ್ವಕಪ್​ ಟೀಮ್​ನಲ್ಲಿ ಕ್ಯಾಪ್ಟನ್‌ ಹೊಣೆ ಹೊತ್ತಿರುವುದಕ್ಕೆ ಹೆಮ್ಮೆಪಟ್ಟಿರುವ ಬಾಲ್ಯದ ಶಾಲೆ, ಕೊಹ್ಲಿ ಕ್ರಿಕೆಟ್​ನ 'ಅಆಇಆಈ' ಕಲಿತ ಜಾಗದ ಮಣ್ಣನ್ನು ದೂರದ ಲಂಡನ್‌ಗೆ ಪಾರ್ಸೆಲ್ ಕಳುಹಿಸಿಕೊಟ್ಟು, ಶುಭ ಹಾರೈಸಿದೆ.

ಸ್ಟಾರ್​ಸ್ಪೋರ್ಟ್ಸ್​ ತನ್ನ ಅಫೀಶಿಯಲ್​ ಟ್ವಿಟರ್​ನಲ್ಲಿ ಕೊಹ್ಲಿಗೆ ಮಣ್ಣನ್ನು ಪಾರ್ಸೆಲ್​ ಮಾಡಿರುವ ವಿಚಾರವನ್ನು ಟ್ವೀಟ್​ ಮಾಡಿದೆ. ಕೊಹ್ಲಿಗೆ ಶುಭ ಹಾರೈಸಿ, ನಿಮ್ಮ 5 ಸ್ನೇಹಿತರೊಂದಿಗೆ ಶೇರ್​ ಮಾಡಿ ಎಂದು ಬರೆದುಕೊಂಡಿದೆ.

'ಇವಾಗ ಮಣ್ಣು ನಂತರ ಗೋಮೂತ್ರನಾ?'

ಮಣ್ಣನ್ನು ಕೊಹ್ಲಿಗೆ ಕಳುಹಿಸಿದ ವಿಚಾರವನ್ನು ಸ್ಟಾರ್​ ಸ್ಪೋರ್ಟ್ಸ್​ ಟ್ವೀಟ್​ ಮಾಡುತ್ತಿದ್ದಂತೆ ಕೆಲವರು ಶಾಲೆಯನ್ನು ಟೀಕಿಸಲು ಶುರು ಮಾಡಿದ್ದಾರೆ. ಇದೀಗ ಮಣ್ಣು ನಂತರ ಗೋಮೂತ್ರ ಕಳುಹಿಸುತ್ತೀರಾ? ಎಂದು ಛೇಡಿಸಿದ್ದಾರೆ.
ಕೊಹ್ಲಿಗೆ ಮಣ್ಣನ್ನು ಕಳುಹಿಸಿದ ಶಾಲೆಯ ಕುರಿತು ಟ್ವಿಟರ್​ನಲ್ಲಿ ಕಂಡುಬಂದ ಕೆಲವು ಟ್ರೋಲ್​ಗಳು ಇಲ್ಲಿವೆ.