ನವದೆಹಲಿ: ಜಾನಿ ಬೈರ್ಸ್ಟೋವ್ (48) ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ಸನ್ರೈಸರ್ಸ್ ಹೈದರಾಬಾದ್ ತಂಡವು ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ 5 ವಿಕೆಟ್ಗಳ ಜಯ ದಾಖಲಿಸಿತು. ಈ ಮೂಲಕ 12ನೇ ಆವೃತ್ತಿಯ ಐಪಿಎಲ್ ಟೂರ್ನಿಯಲ್ಲಿ ಸದ್ಯ ಹೈದರಾಬಾದ್ ತಂಡ ಅಗ್ರ ಸ್ಥಾನಕ್ಕೇರಿತು.
ಫಿರೋಜ್ ಶಾ ಕೊಟ್ಲಾ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಅವಕಾಶ ಪಡೆದ ಡೆಲ್ಲಿ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 129 ರನ್ ಗಳಿಸಿ, ಸಾಧಾರಣ ಗುರಿ ನೀಡಿತು. ಡೆಲ್ಲಿ ಪರ ಶ್ರೇಯಾ ಅಯ್ಯರ್ 43 ರನ್ ಹಾಗೂ ಅಕ್ಷರ ಪಟೇಲ್ 23 ರನ್ ಬಾರಿಸಿದರೆ ಇನ್ನುಳಿದ ದಾಂಡಿಗರು ರನ್ ಕಲೆ ಹಾಕಲು ತಿಣುಕಾಡಿದರು.