'ಧೋನಿ ಮಾತು ಹೃದಯ ಹಿಂಡಿದಂತಿತ್ತು: ಈ ಹಿಂದೆ ಆ ರೀತಿ ಮಾತನಾಡಿದ್ದು ನೋಡಿಲ್ಲ'

ಫೈನಲ್​ ಪಂದ್ಯದಲ್ಲಿ ರೋಚಕವಾಗಿ ಸೋಲು ಕಾಣುತ್ತಿದ್ದಂತೆ ಧೋನಿ ನಿರಾಸೆಗೊಳಗಾಗಿದ್ದು, ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ತುಂಬಾ ಭಾವನಾತ್ಮಕವಾಗಿ ಮಾತನಾಡಿದ್ದರು.

ಹೈದರಾಬಾದ್​:ಟ್ರೋಫಿ ಗೆಲುವ ಉತ್ಸಾಹದಲ್ಲಿದ್ದ ಚೆನ್ನೈ ಸೂಪರ್​ ಕಿಂಗ್ಸ್​ಗೆ ನಿನ್ನೆ ಕೊನೆಯ ಓವರ್​ಗನಲ್ಲಿ ಲಸಿತ್ ಮಲಿಂಗಾ ನೀಡಿರುವ ಶಾಕ್​ ಎಂದಿಗೂ ಮರೆಯಲು ಸಾಧ್ಯವೇ ಇಲ್ಲ. ಫೈನಲ್​​ ಓವರ್​​ನಲ್ಲಿ ಕೇವಲ 9 ರನ್​ಗಳಿಸಲು ಸಾಧ್ಯವಾಗದೇ ಧೋನಿ ತಂಡ ನಿರಾಸೆಗೊಳಗಾಗಿದ್ದು ಮಾತ್ರ ಸುಳ್ಳಲ್ಲ.

ಪಂದ್ಯ ಮುಕ್ತಾಯಗೊಂಡ ಬಳಿಕ ನಡೆದ ಪ್ರಶಸ್ತಿ ವಿತರಣಾ ಸಮಾರಂಭದ ವೇಳೆ ರನ್ನರ್​ ಅಪ್​​ ಟ್ರೋಫಿ ಪಡೆದುಕೊಂಡು ಕಾಮೆಟೆಂಟರ್​​ ಸಂಜಯ್ ಮಂಜ್ರೇಕರ್ ಜತೆ ಧೋನಿ ಮಾತನಾಡಿದರು. ಈ ವೇಳೆ ತಮ್ಮ ಮುಂದಿನ ಕ್ರಿಕೆಟ್​ ಜೀವನದ ಬಗ್ಗೆ ಮಾಹಿ ಮಾಹಿತಿ ಬಿಚ್ಚಿಟ್ಟಿದ್ದರು. ಇದೇ ವಿಷಯವಾಗಿ ಮಂಜ್ರೇಕರ್​ ಟ್ವೀಟ್​ ​ ಮಾಡಿದ್ದಾರೆ.

ಧೋನಿ ಮಾತು ನಿಜಕ್ಕೂ ಹೃದಯ ಕಿತ್ತು ಬರುವಂತಿತ್ತು. ಈ ಹಿಂದೆ ಅವರು ಇಷ್ಟೊಂದು ಭಾವನಾತ್ಮಕವಾಗಿ ಮಾತನಾಡಿದ್ದನು ನಾನು ಕೇಳಿರಲಿಲ್ಲ ಎಂದು ಬರೆದುಕೊಂಡಿದ್ದಾರೆ. ನಿನ್ನೆಯ ಪಂದ್ಯದಲ್ಲಿ ಕೇವಲ 2ರನ್​ಗಳಿಕೆ ಮಾಡಿದ್ದ ವೇಳೆ ಧೋನಿ ರನೌಟ್​ ಬಲೆಗೆ ಸಿಲುಕಿ ನಿರಾಸೆ ಕೂಡ ಅನುಭವಿಸಿದ್ದರು.