ವಿಶ್ವಕಪ್​ನಲ್ಲಿ ಅತೀ ಹೆಚ್ಚು ಶತಕಗಳು: 5 ಬಾರಿಯ ಚಾಂಪಿಯನ್ಸ್‌ ಹಿಂದಿಕ್ಕಿದ ಟೀಂ​ ಇಂಡಿಯಾ!

12ನೇ ವಿಶ್ವಕಪ್​ನಲ್ಲಿ ಪಾಲ್ಗೊಂಡಿರುವ ಟೀಂ​ ಇಂಡಿಯಾದ ಬ್ಯಾಟ್ಸ್​ಮನ್​ಗಳು 27 ಶತಕ ದಾಖಲಿಸುವ ಮೂಲಕ ವಿಶ್ವಕಪ್​ನಲ್ಲಿ ಅತೀ ಹೆಚ್ಚು ಶತಕ ಗಳಿಸಿದ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾದರು.

ಲಂಡನ್​: 5 ಬಾರಿ ಚಾಂಪಿಯನ್​ ಆಗಿರುವ ಆಸ್ಟ್ರೇಲಿಯಾ ತಂಡವನ್ನು ಹಿಂದಿಕ್ಕಿ ವಿಶ್ವಕಪ್​ನಲ್ಲಿ ಹೆಚ್ಚು ಶತಕಗಳಿಸಿದ ತಂಡ ಎಂಬ ಹೆಗ್ಗಳಿಕೆಗೆ ಟೀಮ್​ ಇಂಡಿಯಾ ಪಾತ್ರವಾಗಿದೆ.

12ನೇ ಆವೃತ್ತಿಯ ವಿಶ್ವಕಪ್​ನಲ್ಲಿ 2ನೇ ಪಂದ್ಯವಾಡುತ್ತಿರುವ ಭಾರತ ತಂಡ 50 ಓವರ್​ಗಳಲ್ಲಿ 352 ರನ್​ಗಳ ಬೃಹತ್​ ಮೊತ್ತ ದಾಖಲಿಸಿದೆ. ಆರಂಭಿಕ ಬ್ಯಾಟ್ಸ್​ಮನ್​ ಧವನ್​ 117, ನಾಯಕ ಕೊಹ್ಲಿ 82, ಉಪನಾಯಕ ರೋಹಿತ್​ 57, ಹಾರ್ದಿಕ್​ 48, ಧೋನಿ 27 ರನ್​ ಗಳಿಸಿ ಬೃಹತ್​ ಮೊತ್ತಕ್ಕೆ ಕಾರಣರಾದರು.

ಆರಂಭದಿಂದಲೇ ಅಬ್ಬರಿಸಿದ ಎಡಗೈ ಬ್ಯಾಟ್ಸ್​ಮನ್​ ಶಿಖರ್​ ಧವನ್​ ತಮ್ಮ 17 ನೇ ಏಕದಿನ ಶತಕ ಪೂರ್ಣಗೊಳಿಸಿ ಮಿಂಚಿದರು. ಅಲ್ಲದೆ ಐಸಿಸಿ ಟೂರ್ನಿಗಳಲ್ಲಿ ತಮ್ಮ 6ನೇ ಶತಕ ದಾಖಲಿಸಿ ರಿಕಿ ಪಾಂಟಿಂಗ್​, ಕುಮಾರ್​ ಸಂಗಕ್ಕಾರ ದಾಖಲೆ ಸರಿಗಟ್ಟಿದರು.

ವಿಶ್ವಕಪ್​ನಲ್ಲಿ ಹೆಚ್ಚು ಶತಕಗಳಿಸಿದ ಭಾರತ ತಂಡ:

ಆಡಿರುವ 11 ವಿಶ್ವಕಪ್​ನಲ್ಲಿ 5 ಬಾರಿ ಚಾಂಪಿಯನ್​ ಆಗಿರುವ ಆಸ್ಟ್ರೇಲಿಯಾ 26 ಶತಕ ಗಳಿಸಿದರೆ, 2 ಬಾರಿಯ ಚಾಂಪಿಯನ್​ ಭಾರತ ತಂಡ 26 ಶತಕಗಳಿಸುವ ಮೂಲಕ ವಿಶ್ವಕಪ್​ನಲ್ಲಿ ಅತೀ ಹೆಚ್ಚು ಶತಕಗಳಿಸಿದ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಯಿತು.

ವಿಶ್ವಕಪ್​ನಲ್ಲಿ ಅತೀ ಹೆಚ್ಚು ಶತಕಗಳಿಸಿದ ತಂಡಗಳು:

ಭಾರತ 27

ಆಸ್ಟ್ರೇಲಿಯಾ 26
ಶ್ರೀಲಂಕಾ 23
ವೆಸ್ಟ್​ ಇಂಡೀಸ್​ 17
ನ್ಯೂಜಿಲ್ಯಾಂಡ್​ 15
ದ.ಆಫ್ರಿಕಾ/ಪಾಕಿಸ್ತಾನ/ಇಂಗ್ಲೆಂಡ್ ತಲಾ 14