ದೇಹ, ಮನಸ್ಸು ಶುದ್ಧಿಗೆ ರಂಜಾನ್​ ಪ್ರೇರಣೆ: ಎಂ.ಬಿ.ಪಾಟೀಲ್​

ವಿಜಯಪುರ ಜಿಲ್ಲೆಯ ತಿಕೋಟಾ ಪಟ್ಟಣದಲ್ಲಿ ರಂಜಾನ್ ಹಬ್ಬ ಪ್ರಯುಕ್ತ ಸೋಮವಾರ ಸಂಜೆ ಆಯೋಜಿಸಿದ್ದ ಇಫ್ತಾರ್ ಕೂಟದಲ್ಲಿ ಗೃಹ ಸಚಿವ ಎಂ.ಬಿ.ಪಾಟೀಲ್​ ಪಾಲ್ಗೊಂಡು ಮುಸ್ಲಿಂ ಸಮುದಾಯಕ್ಕೆ ಶುಭಾಶಯ ಕೋರಿದರು.

ವಿಜಯಪುರ:ದೇಹ ಹಾಗೂ ಮನಸ್ಸಿನ ಶುದ್ಧಿಯ ಜೊತೆಗೆ ಸತ್ಯ, ನಿಷ್ಠೆಯಿಂದ ಕಾಯಕದಲ್ಲಿ ತೊಡಗಲು ರಂಜಾನ್ ಹಬ್ಬ ಪ್ರೇರಣೆ ನೀಡುತ್ತದೆ ಎಂದು ಗೃಹ ಸಚಿವ ಎಂ.ಬಿ.ಪಾಟೀಲ್ ಹೇಳಿದರು.

ಇಫ್ತಾರ್​ ಕೂಟದಲ್ಲಿ ಪಾಲ್ಗೊಂಡ ಎಂ.ಬಿ.ಪಾಟೀಲ್​

ಸೋಮವಾರ ಸಂಜೆ ರಂಜಾನ್ ಪ್ರಯುಕ್ತ ತಿಕೋಟಾ ಪಟ್ಟಣದಲ್ಲಿ ಆಯೋಜಿಸಲಾಗಿದ್ದ ಇಫ್ತಾರ್ ಕೂಟದಲ್ಲಿ ಸಚಿವರು ಪಾಲ್ಗೊಂಡು ಮುಸ್ಲಿಂ ಬಾಂಧವರಿಗೆ ಶುಭಾಶಯ ಕೋರಿದರು. ಈ ಹಬ್ಬ ಆಹಾರ ಮತ್ತು ನೀರಿನ ಮಹತ್ವವನ್ನು ತಿಳಿಸುತ್ತದೆ. ಅಲ್ಲದೆ, ಉಪವಾಸ ಕೈಗೊಳ್ಳುವ ಮೂಲಕ ದೇಹ ಶುದ್ಧಿಗೆ ಸಹಾಯವಾಗುತ್ತದೆ ಎಂದು ಅಭಿಪ್ರಾಯಪಟ್ಟರು.

ಖ್ಯಾತ ಪ್ರವಚನಕಾರ ಇಳಕಲ್‍ನ ಲಾಲ್ ಹುಸೇನ್ ಕಂದಗಲ್, ಮುಖಂಡರಾದ ಎಸ್.ಎಂ.ಪಾಟೀಲ್ ಗಣಿಯಾರ, ಗೈಬಿಲಾಲ್​ ಮುಜಾವರ, ಹಾಜಿಲಾಲ್ ಕೊಟ್ಟಲಗಿ, ಅಲ್ತಾಫ್ ಬಾಗವಾನ, ಪೀರ್​ ಪಾಟೀಲ್, ಚಾಂದಸಾಬ್ ಸೇರಿದಂತೆ ನೂರಾರು ಮಂದಿ ಪ್ರಾರ್ಥನೆ ಸಲ್ಲಿಸಿದರು.