ಜಶ್ಪುರ್: ಯೋಧನೋರ್ವ ತನ್ನ ಲವರ್ ಜೊತೆ ಜೊತೆನೇ ಹೆಂಡ್ತಿಯನ್ನೂ ಮರು ಮದುವೆಯಾಗಿ ಎಲ್ಲರನ್ನೂ ಬೆರಗುಗೊಳಿಸಿದ್ದಾರೆ. ಅಷ್ಟೇ ಏಕೆ, ಸರ್ಕಾರದ ನಿಯಮಗಳನ್ನು ಗಾಳಿಗೆ ತೂರಿದ್ದಾರೆ. ಈಗ ಈ ಸುದ್ದಿ ಛತ್ತೀಸ್ಗಢ್ದ ಜಶ್ಪುರ್ ಜಿಲ್ಲೆಯಲ್ಲಿ ಸಂಚಲನವನ್ನುಂಟು ಮಾಡಿದೆ.
ಜಶ್ಪುರ್ ನಿವಾಸಿ ಸಿಆರ್ಪಿಎಫ್ ಯೋಧ ಅನಿಲ್ ಪೈಕ್ರಾ ವಾರಣಾಸಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಇವರು ನಾಲ್ಕು ವರ್ಷಗಳ ಹಿಂದೆ ಮದುವೆಯಾಗಿದ್ದರು. ಬಳಿಕ ಅಂಗನವಾಡಿ ಸಿಬ್ಬಂದಿವೋರ್ವಳ ಜೊತೆ ಲವ್ನಲ್ಲಿ ಬಿದ್ದಿದ್ದಾನೆ. ರಜೆ ಮೇಲೆ ಮನೆಗೆ ಬಂದ ಯೋಧ ಹೆಂಡ್ತಿಯ ಜೊತೆಗಿಂತ ಬಾಘ್ದೋಲ್ದಲ್ಲಿರುವ ಗರ್ಲ್ಫ್ರೆಂಡ್ ಬಳಿಯೇ ಹೆಚ್ಚು ಕಾಲ ಕಳೆಯುತ್ತಿದ್ದ. ಈ ಸುದ್ದಿ ಯೋಧನ ಪತ್ನಿಗೂ ತಿಳಿದಿತ್ತು. ಈ ಸುದ್ದಿ ಮತ್ತಷ್ಟು ಬೆಳೆಯುವ ಮುನ್ನವೇ ಬಾಘ್ದೋಲ್ ಗ್ರಾಮಸ್ಥರು ಯೋಧ ಅನಿಲ್ ಪೈಕ್ರಾ ಜೊತೆ ಲವರ್ ಮತ್ತು ಆತನ ಹೆಂಡ್ತಿಗೆ ಮರು ಮದುವೆ ಮಾಡಿಸಿದರು.
ನನ್ನ ಜೀವನದಲ್ಲಿ ಇಂತಹ ಮದುವೆನೇ ನೋಡಿಲ್ಲ. ಇಬ್ಬರೊಂದಿಗೆ ಯೋಧನೋರ್ವ ಒಂದೇ ಬಾರಿ ಸಪ್ತಪದಿ ತುಳಿದಿದ್ದಾನೆ. ಯೋಧ ಅನಿಲ್ ಪೈಕ್ರಾಗೆ ನಾಲ್ಕು ವರ್ಷದ ಹಿಂದೆ ಮದುವೆಯಾದ್ರೂ ಮಕ್ಕಳಾಗಿರಲಿಲ್ಲ. ಹೀಗಾಗಿ ಆತ ಇನ್ನೊಂದು ಮದುವೆಯಾಗಲು ಯೋಚಿಸಿದ್ದ. ಹಾಗಾಗಿ ಇದೊಂದು ಪಕ್ಕಾ ಯೋಜಿತ ಮದುವೆ ಎಂದು ಗ್ರಾಮದ ಸರ್ಪಂಚ್ ಹೇಳಿದ್ದಾರೆ.
ಸರ್ಕಾರಿ ಸಿಬ್ಬಂದಿ ಕಾನೂನು ಬಾಹಿರವಾಗಿ ಎರಡು ಮದುವೆ ಆಗಬಾರದು. ಒಂದು ವೇಳೆ ಆದಲ್ಲಿ ಅವರ ಕೆಲಸಕ್ಕೆ ಕುತ್ತು ಬರುತ್ತೆ. ಈ ಪರಿಸ್ಥಿತಿಯನ್ನು ಯೋಧ ಅನಿಲ್ ಪೈಕ್ರಾ ಸಹ ಎದುರಿಸಬೇಕೆಂದು ಸಿಆರ್ಪಿಎಫ್ ಅಧಿಕಾರಿ ಬಿಸಿ ಪತ್ರಾ ಮಾಧ್ಯಮಕ್ಕೆ ತಿಳಿಸಿದ್ದಾರೆ.
ಇನ್ನು ಯೋಧ ಅನಿಲ್ ಪೈಕ್ರಾ ಲವರ್ ಜೊತೆನೇ ಹೆಂಡ್ತಿಯನ್ನು ಮರುಮದುವೆಯಾಗಿ ಎಲ್ಲರನ್ನು ಬೆರಗುಗೊಳಿಸಿದ್ದು ಒಂದು ಕಡೆಯಾದ್ರೆ, ಎರಡು ಮದುವೆ ಮಾಡಿಕೊಂಡು ತನ್ನ ಕೆಲಸಕ್ಕೆ ಕುತ್ತು ತಂದುಕೊಂಡಿದ್ದು ನೌಕರಿ ಕಳೆದುಕೊಳ್ಳುವ ಭೀತಿ ಎದುರಿಸುತ್ತಿದ್ದಾರೆ.
