ಬಹುದೊಡ್ಡ ರಾಜತಾಂತ್ರಿಕ ಮುನ್ನಡೆ... ಮಾಲ್ಡೀವ್ಸ್ ಸಂಸತ್​​ನಲ್ಲಿ ನಮೋ ಭಾಷಣ..!

ಮಾಲ್ಡೀವ್ಸ್ ಬುಧವಾರದಂದು ಮೋದಿಯನ್ನು ತಮ್ಮ ದೇಶಕ್ಕೆ ಭೇಟಿ ನೀಡುವಂತೆ ಆಹ್ವಾನಿಸಿದ್ದು, ಸಂಸತ್​ ಉದ್ದೇಶಿಸಿ ಮಾತನಾಡುವಂತೆ ಮನವಿ ಮಾಡಿದೆ.

ನವದೆಹಲಿ/ಮಾಲೆ:ನರೇಂದ್ರ ಮೋದಿ ಪ್ರಧಾನಿಯಾಗಿ ಪ್ರಮಾಣ ವಚನ ಸ್ವೀಕಾರಕ್ಕೂ ಮುನ್ನವೇ ಭಾರತಕ್ಕೆ ಬಹುದೊಡ್ಡ ರಾಜತಾಂತ್ರಿಕ ಮುನ್ನಡೆ ದೊರೆತಿದೆ.

ಮಾಲ್ಡೀವ್ಸ್ ದೇಶ ಬುಧವಾರದಂದು ಮೋದಿಯನ್ನು ಆಹ್ವಾನಿಸಿದ್ದು, ಸಂಸತ್​ ಉದ್ದೇಶಿಸಿ ಮಾತನಾಡುವಂತೆ ಮನವಿ ಮಾಡಿದೆ.

ಮೋದಿ ನಮ್ಮ ಸಂಸತ್​ ಉದ್ದೇಶಿಸಿ ಮಾತನಾಡುವಂತೆ ಎಲ್ಲರೂ ಒಮ್ಮತ ಸೂಚಿಸಿದ್ದು, ಮುಂಬರುವ ಭೇಟಿಯಲ್ಲಿ ಮೋದಿ ಭಾಷಣ ಮಾಡಲಿದ್ದಾರೆ ಎಂದು ಮಾಲ್ಡೀವ್ಸ್​​ನ ವಿದೇಶಾಂಗ ಸಚಿವ ಅಬ್ದುಲ್ಲಾ ಶಾಹಿದ್ ಟ್ವೀಟ್ ಮಾಡಿದ್ದಾರೆ.

ನರೇಂದ್ರ ಮೋದಿ ಪ್ರಧಾನಿಯಾಗಿ ಅಧಿಕಾರ ವಹಿಸಿದ ಬಳಿಕ ಮೊದಲ ವಿದೇಶ ಪ್ರವಾಸಕ್ಕಾಗಿ ಮಾಲ್ಡೀವ್ಸ್ ದೇಶ ಆರಿಸಿಕೊಂಡಿದ್ದು, ಜೂನ್​ ಏಳು ಹಾಗೂ ಎಂಟರಂದು ಭೇಟಿ ನೀಡಲಿದ್ದಾರೆ.

2018ರ ನವೆಂಬರ್​​​​ನಲ್ಲಿ ಮಾಲ್ಡೀವ್ಸ್ ಅಧ್ಯಕ್ಷರಾಗಿ ಇಬ್ರಾಹಿಂ ಮೊಹಮ್ಮದ್ ಸೋಲಿ ಪ್ರಮಾಣ ವಚನ ಸ್ವೀಕರಿಸುವ ವೇಳೆ ಮೋದಿ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.