ಹೈದರಾಬಾದ್: ಕಾರ್ತಿಕ್ ಸುಬ್ಬರಾಜ್ ನಿರ್ದೇಶನದ ಧನುಷ್ ನಟನೆಯ ತಮಿಳಿನ ‘ಜಗಮೆ ತಂಧಿರಾಮ್’ ಚಿತ್ರದ ಟ್ರೈಲರ್ ಹೊರಬಿದ್ದಿದೆ. ಜಾಗತಿಕವಾಗಿ ಪ್ರಚಲಿತದಲ್ಲಿರುವ ಸಾಮಾಜಿಕ ವಿಷಯದ ಬಗ್ಗೆ ಹಿಡಿತ ಹೊಂದಿರುವ ಕಥೆ ಇದಾಗಿದ್ದು, ಧನುಷ್ ಅಭಿಮಾನಿಗಳಿಗೆ ಕಿಕ್ಕೇರಿಸುವಂತೆ ಮಾಡಿದೆ. ಈ ಸಿನಿಮಾ ಜೂನ್ 18 ರಂದು ವಿಶ್ವದಾದ್ಯಂತ ಒಟಿಟಿ ಮೂಲಕ ಬಿಡುಗಡೆ ಮಾಡಲಿದ್ದಾರೆ.
ಈ ಚಿತ್ರದಲ್ಲಿ ಐಶ್ವರ್ಯಾ ಲಕ್ಷ್ಮಿ, ಕಲೈರಸನ್ ಮತ್ತು ಜೊಜು ಜಾರ್ಜ್ ನಟಿಸಿದ್ದಾರೆ. ಸ್ಕಾಟಿಷ್ ನಟ ಜೇಮ್ಸ್ ಕಾಸ್ಮೊ ಅವರು ಮೊದಲ ಬಾರಿ ಭಾರತೀಯ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ. ಈ ಚಿತ್ರವನ್ನು ಕಾರ್ತಿಕ್ ಸುಬ್ಬರಾಜ್ ನಿರ್ದೇಶಿಸಿದ್ದಾರೆ. ಈ ಚಿತ್ರ ಒಳ್ಳೆಯ ಮತ್ತು ಕೆಟ್ಟದ್ದರ ನಡುವೆ ಆರಿಸಬೇಕಾದ ಅಲೆಮಾರಿ ದರೋಡೆಕೋರನ ಕಥೆಯನ್ನು ಹೇಳುತ್ತದೆ.