ಪಥ ಬದಲಿಸಿದ ವಾಯು ಸೈಕ್ಲೋನ್​​... ಗುಜರಾತ್​ಗಿಲ್ಲ ಚಂಡಮಾರುತದ ನೇರ ಹೊಡೆತ..!

ಕೆಲ ಹೊತ್ತಿನ ಮುಂಚೆ ಚಂಡಮಾರುತದ ಬಗ್ಗೆ ಮಾಹಿತಿ ನೀಡಿರುವ ಹವಾಮಾನ ಇಲಾಖೆಯ ವಿಜ್ಞಾನಿ ಮನೋರಮಾ ಮೋಹಾಂತಿ, ವಾಯು ಸೈಕ್ಲೋನ್ ತನ್ನ ಪಥ ಬದಲಿಸಿದ್ದು ಗುಜರಾತ್​​ಗೆ ಅಪ್ಪಳಿಸುವುದಿಲ್ಲ ಎಂದಿದ್ದಾರೆ.

ನವದೆಹಲಿ: ಅರಬ್ಬೀ ಸಮುದ್ರದಲ್ಲಿ ಎದ್ದಿರುವ ವಾಯು ಸೈಕ್ಲೋನ್​ ಈ ಮೊದಲಿನ ಲೆಕ್ಕಾಚಾರದಂತೆ ಇಂದು ಮಧ್ಯಾಹ್ನದ ವೇಳೆಗೆ ಗುಜರಾತ್​​ ಕರಾವಳಿಗೆ ಅಪ್ಪಳಿಸಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ಹೇಳಿತ್ತು.

ಕೆಲ ಹೊತ್ತಿನ ಮುಂಚೆ ಚಂಡಮಾರುತದ ಬಗ್ಗೆ ಮಾಹಿತಿ ನೀಡಿರುವ ಹವಾಮಾನ ಇಲಾಖೆ ವಿಜ್ಞಾನಿ ಮನೋರಮಾ ಮೊಹಾಂತಿ, ವಾಯು ಸೈಕ್ಲೋನ್ ತನ್ನ ಪಥ ಬದಲಿಸಿದ್ದು, ಗುಜರಾತ್​​ಗೆ ಅಪ್ಪಳಿಸುವುದಿಲ್ಲ ಎಂದಿದ್ದಾರೆ. ಚಂಡಮಾರುತ ವೆರಾವಲ್, ಪೋರ್​ಬಂದರ್​ ಹಾಗೂ ದ್ವಾರಕ​ ಸಮೀಪದಲ್ಲಿ ಹಾದು ಹೋಗಲಿದೆ ಎಂದು ಸ್ಪಷ್ಟನೆ ನೀಡಿದ್ದಾರೆ.

ಗುಜರಾತ್​ ಕರಾವಳಿ ತೀರದಲ್ಲಿ ವಾಯು ಸೈಕ್ಲೋನ್​ ಹಾದುಹೋಗುವ ಪರಿಣಾಮ ಆ ಭಾಗಗಳಲ್ಲಿ ಅತಿಯಾದ ಗಾಳಿ ಹಾಗೂ ವರ್ಷಧಾರೆ ಆಗಲಿದೆ ಎಂದು ಹವಾಮಾನ ಇಲಾಖೆ ಹೇಳಿದೆ.

ವಾಯು ಚಂಡಮಾರುತ ಗುಜರಾತ್​ ಅಪ್ಪಳಿಸಲಿದೆ ಎನ್ನುವ ಹವಾಮಾನ ಇಲಾಖೆಯ ಮಾಹಿತಿ ಆಧಾರದಲ್ಲಿ ತೀರ ಪ್ರದೇಶದಲ್ಲಿ ವಾಸವಿದ್ದ ಮೂರು ಲಕ್ಷಕ್ಕೂ ಅಧಿಕ ಮಂದಿಯನ್ನು ಸುರಕ್ಷಿತ ಪ್ರದೇಶಕ್ಕೆ ಸ್ಥಳಾಂತರ ಮಾಡಲಾಗಿತ್ತು. ’ವಾಯು’ ಚಂಡಮಾರುತದಿಂದ ಮಹಾರಾಷ್ಟ್ರ, ಲಕ್ಷದ್ವೀಪ, ಕರ್ನಾಟಕ, ಕೇರಳದಲ್ಲಿ ಸಾಧಾರಣ ಮಳೆಯಾಗುವ ಸಾಧ್ಯತೆ ಇದೆ.