ಕೆಕೆಆರ್​ ಗೆಲುವಿನ ಓಟಕ್ಕೆ ಕಡಿವಾಣ ಹಾಕಿದ ಧೋನಿಪಡೆ​... ಸಿಎಸ್​ಕೆಗೆ 7 ವಿಕೆಟ್​ಗಳ ಸೂಪರ್​ ಜಯ

ತವರಿನಲ್ಲಿ ತನ್ನ ಗೆಲುವಿನ ಓಟವನ್ನು ಮುಂದುವರಿಸಿರುವ ಚೆನ್ನೈ ಸೂಪರ್​ಕಿಂಗ್ಸ್​ ಆಡಿರುವ 6 ಪಂದ್ಯಗಳಲ್ಲಿ ಕೇವಲ ಒಂದು ಪಂದ್ಯ ಕಳೆದುಕೊಂಡು 5 ರಲ್ಲಿ ಜಯ ಸಾಧಿಸಿ ಅಗ್ರಸ್ಥಾನ ಕಾಯ್ದುಕೊಂಡಿದೆ.

ಚೆನ್ನೈ: ಕೆಕೆಆರ್​ ನೀಡಿದ 109 ರನ್​ಗಳ ಗುರಿಯನ್ನು ಕೇವಲ 3 ವಿಕೆಟ್​ ಕಳೆದುಕೊಂಡು ಚೆನ್ನೈ ಸೂಪರ್​ಕಿಂಗ್ಸ್​ 7 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಸುವ ಮೂಲಕ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಅಲಂಕರಿಸಿದೆ.

ಚೆನ್ನೈನ ಚೆಪಾಕ್​ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್​ ನಡೆಸಿದ ಕೆಕೆಆರ್​ ಚೆನ್ನೈ ಬೌಲಿಂಗ್​ ದಾಳಿಗೆ ಸಿಲುಕಿ 20 ಓವರ್​ಗಳಲ್ಲಿ ಕೇವಲ 108 ರನ್​ಗಳಿಸಿತು. ಕೆಕೆಆರ್​ ಪರ ರಸೆಲ್​ 50 ರನ್​ಗಳಿಸಿ 100 ಗಡಿದಾಡುವಂತೆ ಮಾಡಿದರು.

ಮೊದಲ ಓವರ್​ ಎಸೆದ ಚಹಾರ್​ ಕೊನೆಯ ಎಸೆತದಲ್ಲಿ ಕ್ರಿಸ್​ ಲಿನ್​ಗೆ ಗೇಟ್​ಪಾಸ್​ ನೀಡಿದರು. 2ನೇ ಓವರ್​ನಲ್ಲಿ ಭಜ್ಜಿ ನರೈನ್ (6 )ವಿಕೆಟ್​ ಪಡೆದರು. ಮತ್ತೆ ಮೂರನೆ ಓವರ್​ನಲ್ಲಿ ನಿತೀಸ್​ ರಾಣಾ, 5 ನೇ ಓವರ್​ನಲ್ಲಿ ರಾಬಿನ್​ ಉತ್ತಪ್ಪ ಚಹಾರ್​ಗೆ ವಿಕೆಟ್​ ಒಪ್ಪಿಸಿದರು.

ನಂತರ ಬಂದ ಕಾರ್ತಿಕ್​(19) ಹಾಗೂ ಶುಬ್ಮನ್​ ಗಿಲ್​(9) ತಾಹಿರ್​ ಸ್ಪಿನ್​ ಮೋಡಿಗೆ ಬಲಿಯಾದರು. ಒಂದು ಕಡೆ ವಿಕೆಟ್​ ಬೀಳುತ್ತಿದ್ದರು ಜಾಣತನದಿಂದ ಇನಿಂಗ್ಸ್​ ಕಟ್ಟಿದ ರಸೆಲ್​ 44 ಎಸೆತಗಳಲ್ಲಿ 50 ರನ್​ಗಳಿಸಿ ತಂಡ 100ರೊಳಗೆ ಕುಸಿಯದಂತೆ ನೋಡಿಕೊಂಡರು.

ಕರಾರುವಾಕ್​ ಬೌಲಿಂಗ್​ ದಾಳಿ ನಡೆಸಿದ ತಾಹಿರ್​ 2, ದೀಪಕ್​ ಚಹಾರ್​ 3, ಹರಭಜನ್​ ಸಿಂಗ್​ 2, ಜಡೇಜಾ 1 ವಿಕೆಟ್​ ಪಡೆದರು.

ಚೆನ್ನೈ 109 ರನ್​ಗಳ ಗುರಿಯನ್ನು 17.2 ಓವರ್​ಗಳಲ್ಲಿ 3 ವಿಕೆಟ್​ ಕಳೆದುಕೊಂಡು ತಲುಪಿತು. ಆರಂಭಿಕ ವಾಟ್ಸನ್​ 17,ರೈನಾ14, ರಾಯುಡು 21 ರನ್​ಗಳಿಸಿ ಔಟಾದರೆ, ಪ್ಲೆಸಿಸ್​ಸಿಸ್​ ಔಟಾಗದೆ43, ಜಾಧವ್​ ಔಟಾಗದೆ 8 ರನ್​ಗಳಿಸಿ ತಂಡವನ್ನು ಗೆಲುವಿನ ದಡ ದಾಟಿಸಿದರು.

ಕೆಕೆಆರ್​ ಪರ ಸುನಿಲ್​ ನರೈನ್​ 2, ಪೀಯುಷ್​ ಚಾವ್ಲಾ 1 ವಿಕೆಟ್​ ಪಡೆದರು.