ಉಧಾಂಪುರ(ಜಮ್ಮು ಕಾಶ್ಮೀರ): ಸಿಆರ್ಪಿಎಫ್ ಯೋಧನೋರ್ವ ತನ್ನ ಮೂವರ ಸಹದ್ಯೋಗಿಗಳಿಗೆ ಗುಂಡು ಹೊಡೆದು ಆ ಬಳಿಕ ತಾನು ಗುಂಡು ಹೊಡೆದುಕೊಂಡು ಸಾವಿಗೆ ಪ್ರಯತ್ನಿಸಿದ ಘಟನೆ ಬುಧವಾರ ರಾತ್ರಿ ಉಧಾಂಪುರ ಜಿಲ್ಲೆಯಲ್ಲಿ ನಡೆದಿದೆ.
ಘಟನೆಯಲ್ಲಿ ಗುಂಡೇಟು ತಿಂದ ಮೂವರು ಸಿಆರ್ಪಿಎಫ್ ಯೋಧರು ಮೃತಪಟ್ಟಿದ್ದಾರೆ. ಗುಂಡಿನ ದಾಳಿ ನಡೆಸಿದ ಯೋಧ ಗಂಭೀರ ಗಾಯಗೊಂಡಿದ್ದು ಚಿಕಿತ್ಸೆ ನಡೆಯುತ್ತಿದೆ.
ಸಾವನ್ನಪ್ಪಿರುವ ಮೂವರೂ ಕಾನ್ಸ್ಸ್ಟೇಬಲ್ಗಳಾಗಿದ್ದು, ರಾಜಸ್ಥಾನ, ದೆಹಲಿ ಹಾಗೂ ಹರಿಯಾಣಾ ಮೂಲದವರು ಎಂದು ಅಧಿಕಾರಿಗಳು ಎಂದು ತಿಳಿಸಿದ್ದಾರೆ.
ಗುಂಡಿನ ದಾಳಿ ನಡೆಸಿದಾತ ಕಾನ್ಸ್ಸ್ಟೇಬಲ್ ಅಜಿತ್ ಕುಮಾರ್ ಎನ್ನಲಾಗಿದ್ದು ಕೆಲ ಅಸಮಾಧಾನದಿಂದ ಈ ಗುಂಡಿನ ದಾಳಿ ನಡೆಸಿ ಸಹದ್ಯೋಗಿಗಳನ್ನು ಸಾಯಿಸಿದ್ದಾನೆ ಎನ್ನಲಾಗಿದೆ.
ಗುಂಡಿನ ದಾಳಿಗೂ ಮುನ್ನ ಕ್ಯಾಂಪ್ನಲ್ಲಿ ಜಗಳವಾಡುತ್ತಿದ್ದರು. ಪರಸ್ಪರ ಮಾತಿನ ಚಕಮಕಿ ನಡೆಯುತ್ತಿತ್ತು ಎಂದು ಮೂಲಗಳು ಹೇಳಿವೆ.
