ಸವದತ್ತಿಯಲ್ಲಿ 15 ದಿನಗಳ ಅಂತರದಲ್ಲಿ ಮೂವರು ಸಹೋದರರು ಕೋವಿಡ್​ಗೆ ಬಲಿ

ಕೋವಿಡ್‌-19 ಮಹಾಮಾರಿಗೆ ಸವದತ್ತಿ ತಾಲೂಕಿನ ಇನಾಮಹೊಂಗಲ ಗ್ರಾಮದ ಮೂವರು ಸಹೋದರರು ಕೇವಲ 15 ದಿನಗಳ ಅಂತರದಲ್ಲಿ ಸಾವನ್ನಪ್ಪಿದ್ದಾರೆ.

ಬೆಳಗಾವಿ: ಕ್ರೂರಿ ಕೊರೊನಾದಿಂದ ನೂರಾರು ಕುಟುಂಬಗಳು ನಲುಗಿ ಹೋಗ್ತಿದ್ದು, ಸವದತ್ತಿಯಲ್ಲಿ ಒಂದೇ ಕುಟುಂಬದ ಮೂವರು ಸಹೋದರರು ಕೋವಿಡ್‌ಗೆ ಪ್ರಾಣ ತೆತ್ತಿದ್ದಾರೆ.

ಜಿಲ್ಲೆಯ ಸವದತ್ತಿ ತಾಲೂಕಿನ ಇನಾಮಹೊಂಗಲ ಗ್ರಾಮದಲ್ಲಿ ಕೊರೊನಾಗೆ 15 ದಿನದ ಅಂತರದಲ್ಲಿ ಮೂವರು ಕೂಡಾ ಸಾವನ್ನಪ್ಪಿದ್ದಾರೆ.

ಗಂಗಾರಾಮ ಬಗಲೆ(52), ದುರ್ಗಾಣಿ ಬಗಲೆ(48) ಹಾಗೂ ಶಿವಾಜಿ ಬಗಲೆ(45) ಮೃತ ಸಹೋದರರು. ಮೃತರು ಮೂಲತಃ ಧಾರವಾಡ ತಾಲೂಕಿನ ಹೆಬ್ಬಳ್ಳಿ ಗ್ರಾಮದವರಾಗಿದ್ದು, ಹಲವು ವರ್ಷಗಳಿಂದ ಇನಾಮಹೊಂಗಲ‌ ಗ್ರಾಮದಲ್ಲಿ ಬಂದು ನೆಲೆಸಿದ್ದರು. ಆದ್ರೆ ಹದಿನೈದೇ ದಿನಗಳ ಅಂತರದಲ್ಲಿ ಕುಟುಂಬಕ್ಕೆ ಆಸರೆಯಾಗಿದ್ದ ಮೂವರು ಕೋವಿಡ್‌ಗೆ ಬಲಿಯಾಗಿದ್ದು, ಕುಟುಂಬಸ್ಥರ ಆಕ್ರಂದನ ಮುಗಿಲುಮುಟ್ಟಿದೆ.