ಜೀವಂತ ಆಕ್ಟೋಪಸ್​ ತಿನ್ನಲು ಮುಂದಾದ ಯುವತಿ... ಸರಿಯಾದ ಪಾಠ ಕಲಿಸಿದ ಜಲಜೀವಿ!

ಚೀನಾದ ಬ್ಲಾಗರ್​ ಆಗಿರುವ ಈ ಯುವತಿ ಜೀವಂತ ಅಕ್ಟೋಪಸ್​ ತಿನ್ನಲು ಮುಂದಾಗಿದ್ದಾಳೆ. ಈ ವೇಳೆ ಅದು ಆಕೆಯ ಕೆನ್ನೆಗೆ ಅಂಟಿಕೊಂಡು ಕಚ್ಚಲು ಆರಂಭಿಸಿದೆ.

ಬೀಜಿಂಗ್​: ಯುವತಿಯೋರ್ವಳು ಜೀವಂತ ಆಕ್ಟೋಪಸ್ ತಿನ್ನಲು ಮುಂದಾಗಿ ಅದರಿಂದ ಸರಿಯಾಗಿ ಹೊಡೆತಕ್ಕೊಳಗಾಗಿ ವಿಲವಿಲ ಒಂದಾಡಿರುವ ವಿಡಿಯೋವೊಂದು ಇದೀಗ ವೈರಲ್​ ಆಗಿದೆ.

ಚೀನಾದ ಬ್ಲಾಗರ್​ ಆಗಿರುವ ಈ ಯುವತಿ ಜೀವಂತ ಆಕ್ಟೋಪಸ್​ ತಿನ್ನಲು ಮುಂದಾಗಿದ್ದಾಳೆ. ಈ ವೇಳೆ ಅದು ಆಕೆಯ ಕೆನ್ನೆಗೆ ಅಂಟಿಕೊಂಡು ಕಚ್ಚಲು ಆರಂಭಿಸಿದೆ. ಇದರಿಂದ ಬಿಡಿಸಿಕೊಳ್ಳಲು ಆಗದೇ ಯುವತಿ ಒದ್ದಾಡಿದ್ದಾಳೆ. ಕಣ್ಣೀರು ಕೂಡ ಹಾಕಿದ್ದಾಳೆ. ಕೆಲ ನಿಮಿಷಗಳ ಕಾಲ ಮುಖಕ್ಕೆ ಕಚ್ಚಿಕೊಂಡಿದ್ದ ಆಕ್ಟೋಪಸ್​ ಬಿಡಿಸಿಕೊಳ್ಳಲು ಮುಂದಾಗಿ, ಕೊನೆಗೂ ಅದನ್ನ ಹೊರತೆಗೆದಿದ್ದಾಳೆ. ಆದರೆ ಅದರ ಹೊಡೆತಕ್ಕೆ ಆಕೆಯ ಕೆನ್ನೆಯ ಕೆಲವಡೆ ರಕ್ತ ಬಂದಿದೆ. ಸಾಮಾಜಿಕ ಜಾಲತಾಣದಲ್ಲಿ ವ್ಲಾಗ್ಗರ್​ ಆಗಿರುವ ಈ ಮಹಿಳೆ ಈ ಹಿಂದೆ ಕೂಡ ಇಂತಹ ಸಾಹಸಗಳಿಗೆ ಮುಂದಾಗಿದ್ದಳು ಎಂದು ತಿಳಿದು ಬಂದಿದೆ.

ಇದೀಗ ಈ ವಿಡಿಯೋ ವೈರಲ್​ ಆಗಿದ್ದು, ಮೂಕ ಪ್ರಾಣಿ ತಿನ್ನಲು ಮುಂದಾದ ಮಹಿಳೆಗೆ ಅದು ಸರಿಯಾದ ಪಾಠ ಕಲಿಸಿದೆ.