ಇದು ಸಂಸ್ಕೃತ ಮಯ ಕ್ಯಾಬ್​... ಅಳಿದೋದ ಭಾಷೆ ಉಳಿಸ್ತಿದ್ದಾನೆ ಬೆಂಗಳೂರಿನ ಚಾಲಕ !

45 ಸೆಕೆಂಡಿನ ವಿಡಿಯೋದಲ್ಲಿ ಪ್ರಯಾಣಿಕ ಸಂಸ್ಕೃತದಲ್ಲಿ ಕೇಳುವ ಎಲ್ಲ ಪ್ರಶ್ನೆಗೆ ಕ್ಯಾಬ್​ ಚಾಲಕ ಯಾವುದೇ ತಪ್ಪಿಲ್ಲದೇ ಸ್ಪಷ್ಟವಾಗಿ ಉತ್ತರಿಸುತ್ತಾನೆ. ಪ್ರಯಾಣಿಕ ಹಾಗೂ ಚಾಲಕನ ಈ ಚುಟುಕು ಸಂಭಾಷಣೆ ಸದ್ಯ ಟ್ವಿಟರ್​ನಲ್ಲಿ ವೈರಲ್ ಆಗಿದೆ.

ಬೆಂಗಳೂರು:ಭಾರತದ ಪುರಾತನ ಹಾಗೂ ಸದ್ಯ ಬಳಕೆಯಿಂದ ಬಹುತೇಕ ಮಾಯವಾಗಿರುವ ಸಂಸ್ಕೃತ ಭಾಷೆಯನ್ನು ಸಿಲಿಕಾನ್ ಸಿಟಿಯ ಕ್ಯಾಬ್ ಡ್ರೈವರ್ ನಿರರ್ಗಳವಾಗಿ ಮಾತನಾಡುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ.

45 ಸೆಕೆಂಡಿನ ವಿಡಿಯೋದಲ್ಲಿ ಪ್ರಯಾಣಿಕ ಸಂಸ್ಕೃತದಲ್ಲಿ ಕೇಳುವ ಎಲ್ಲ ಪ್ರಶ್ನೆಗೆ ಕ್ಯಾಬ್​ ಚಾಲಕ ಯಾವುದೇ ತಪ್ಪಿಲ್ಲದೆ ಸ್ಪಷ್ಟವಾಗಿ ಉತ್ತರಿಸುತ್ತಾನೆ. ಪ್ರಯಾಣಿಕ ಹಾಗೂ ಚಾಲಕನ ಈ ಚುಟುಕು ಸಂಭಾಷಣೆ ಸದ್ಯ ಟ್ವಿಟರ್​ನಲ್ಲಿ ವೈರಲ್ ಆಗಿದೆ.

ಗಿರೀಶ್​ ಭಾರಾಧ್ವಾಜ್​ ಹೆಸರಿನ ಉದ್ಯಮಿ ಹಾಗೂ ವಿಶ್ವ ಹಿಂದೂ ಪರಿಷತ್​​ ಸದಸ್ಯ ತಮ್ಮ ಟ್ವಿಟರ್ ಖಾತೆಯಲ್ಲಿ ವಿಡಿಯೋವನ್ನು ಪೋಸ್ಟ್ ಮಾಡಿದ್ದಾರೆ.

ಸದ್ಯ ಈ ವಿಡಿಯೋವನ್ನು ಸುಮಾರು ಮೂರು ಸಾವಿರ ಮಂದಿ ರಿಟ್ವೀಟ್​ ಮಾಡಿದ್ದು ಏಳು ಸಾವಿರಕ್ಕೂ ಅಧಿಕ ಮೆಚ್ಚುಗೆ ಪಡೆದಿದೆ. ಕಾಮೆಂಟ್​​ನಲ್ಲಿ ಎಲ್ಲರೂ ಚಾಲಕನ ಸಂಸ್ಕೃತ ಭಾಷಾ ಪ್ರೀತಿ ಹಾಗೂ ನಿರರ್ಗಳತೆ ಕೊಂಡಾಡಿದ್ದಾರೆ.