ಎರ್ನಾಕುಲಂ(ಕೇರಳ): ಕೇರಳದ ಯುವಕನೋರ್ವ ಅಂತಿಮ ವರ್ಷದ ಎಂ.ಎಸ್ಸಿ ವಿದ್ಯಾಭ್ಯಾಸ ಮಾಡುತ್ತಿದ್ದು, ಕೊರೊನಾ ಹಿನ್ನೆಲೆ ಆನ್‌ಲೈನ್ ತರಗತಿಗಳ ಏಕತಾನತೆಯಿಂದ ಹೊರಬರಲು ಎಮ್ಮೆ ಸಾಕಣೆಗೆ ಮುಂದಾಗಿದ್ದಾರೆ.
ಕೋಥಮಂಗಲಂನ ಒನ್ಯುಯಲ್ ಮಲಯಲ್ ಥಾಮಸ್ಕುಟ್ಟಿ ಮತ್ತು ಮ್ಯಾಗಿ ಅವರ ಏಕೈಕ ಪುತ್ರ ಮ್ಯಾಥ್ಯೂ ಈ ನಿರ್ಧಾರ ಮಾಡಿದ ವಿದ್ಯಾರ್ಥಿ. ಕೊರೊನಾ ಲಾಕ್‌ಡೌನ್‌ನ ಆರಂಭದಿಂದಲೂ ಇತರ ವಿದ್ಯಾರ್ಥಿಗಳಂತೆ ತನ್ನ ಆನ್‌ಲೈನ್ ತರಗತಿಗಳಲ್ಲಿ ತುಂಬಾ ಇಷ್ಟದಿಂದ ಭಾಗಿಯಾಗುತ್ತಿದ್ದ. ಆದಾಗ್ಯೂ, ಸ್ವಲ್ಪ ಸಮಯದ ನಂತರ, ಸಾಂಕ್ರಾಮಿಕ ಸಮಯದಲ್ಲಿ ಮನೆಯಲ್ಲಿಯೇ ಇರುವಾಗ ಆನ್‌ಲೈನ್ ತರಗತಿಗಳ ಬೇಸರ ಮತ್ತು ಏಕತಾನತೆ ಕಾಡಿದೆ. ಇದನ್ನು ನಿವಾರಿಸಿಕೊಳ್ಳಲು ಹೊಸ ಮಾರ್ಗಗಳನ್ನು ಮ್ಯಾಥ್ಯೂ ಹುಡುಕತೊಡಗಿದಾಗ ಎಮ್ಮೆ ಪಾಲನೆ ಕಡೆ ಮುಖ ಮಾಡಿದ್ದಾರೆ.
ಎಮ್ಮೆ ಸಾಕಣೆಗೆ ಮುಂದಾದ ಸ್ನಾತಕೋತ್ತರ ವಿದ್ಯಾರ್ಥಿ