ಲವ್​ ಮ್ಯಾರೇಜ್​.. ಪ್ರೀತಿಯ ಗಂಡನ ಮೇಲೆ ಪೆಟ್ರೋಲ್​ ಸುರಿದು ಬೆಂಕಿ ಹಚ್ಚಿದ ಪತ್ನಿ!

ಅವರಿಬ್ಬರು ಪ್ರೀತಿಸಿ ಮದುವೆಯಾಗಿದ್ದರು. ಮದುವೆಯಾಗಿ ಹತ್ತಾರು ವರ್ಷ ಸುಖವಾಗಿ ಸಂಸಾರ ನಡೆಸಿದ್ದರು. ಆದ್ರೆ, ಇತ್ತೀಚೆಗೆ ಗಂಡನ ಕಿರುಕುಳದಿಂದ ಆಕೆ ಬೇಸತ್ತಿದ್ದಳು. ಹೀಗಾಗಿ, ಆಕೆ ತನ್ನ ಪ್ರೀತಿಯ ಗಂಡನನ್ನೇ ಕೊಲೆ ಮಾಡಿದ್ದಾಳೆ. ಈ ಘಟೆನ ಆಂಧ್ರಪ್ರದೇಶದ ಪ್ರಕಾಶಂ ಜಿಲ್ಲೆಯಲ್ಲಿ ನಡೆದಿದೆ..

ಪ್ರಕಾಶಂ : ಪ್ರತಿನಿತ್ಯ ಗಂಡನ ಕಿರುಕುಳಕ್ಕೆ ಬೇಸತ್ತ ಪತ್ನಿಯೊಬ್ಬಳು ಆತನ ಮೇಲೆ ಪೆಟ್ರೋಲ್​ ಸುರಿದು ಬೆಂಕಿ ಹಚ್ಚಿ ಕೊಲೆ ಮಾಡಿದ್ದಾರೆ. ಈ ಮೂಲಕ ಅವರ ಐದು ವರ್ಷದ ಮಗು ಈಗ ಅನಾಥವಾಗಿದೆ.

ಏನಿದು ಘಟನೆ ?:ಮದ್ದಿಪಾಡು ತಾಲೂಕಿನ ಗಾಜುಲಪಾಲೇ ನಿವಾಸಿ ಕ್ರಿಷ್ಟಿಪಾಟಿ ಕೃಷ್ಣರೆಡ್ಡಿ (31) ಎಂಬಾತ ಸಂತನೂತಲಪಾಡು ನಿವಾಸಿ ರುಕ್ಮಿಣಿ ಎಂಬುವರ ಜೊತೆ 2011ರಲ್ಲಿ ಪ್ರೇಮ ವಿವಾಹಕ್ಕೆ ಕಾಲಿಟ್ಟಿದ್ದರು. ಲವ್​ ಮ್ಯಾರೇಜ್​ ಆದ ಈ ದಂಪತಿಗೆ ಐದು ವರ್ಷದ ಮುದ್ದಾದ ಮಗನಿದ್ದಾನೆ. ಪ್ರಸ್ತುತ ಇವರು ಸಂತನೂತಲಪಾಡು ಗ್ರಾಮದಲ್ಲಿ ವಾಸಿಸುತ್ತಿದ್ದಾರೆ.

ಚಿತ್ರಹಿಂಸೆ :ಸಾರಾಯಿ ಚಟಕ್ಕೆ ಬಿದ್ದಿರುವ ಕೃಷ್ಣರೆಡ್ಡಿ ಹಲವಾರು ವರ್ಷಗಳಿಂದ ತನ್ನ ಹೆಂಡ್ತಿಗೆ ಕಿರುಕುಳ ನೀಡುತ್ತಾ ಬಂದಿದ್ದಾನೆ. ಕಳೆದ ಮೂರು ದಿನಗಳ ಹಿಂದಿನಿಂದಲೂ ಕೃಷ್ಣಾರೆಡ್ಡಿ ತನ್ನ ಹೆಂಡ್ತಿ ರುಕ್ಮಿಣಿಗೆ ಶಾರೀರಿಕವಾಗಿ ಚಿತ್ರಹಿಂಸೆ ನೀಡುತ್ತಾ ಬಂದಿದ್ದಾನೆ. ಹೀಗಾಗಿ, ಇಬ್ಬರ ಮಧ್ಯೆ ಜಗಳ ಹೆಚ್ಚಾಗ ತೊಡಗಿತು.

ಓದಿ:ಸರ್ಕಾರಿ ಜವಳಿ ನಿಗಮದ ಗೋದಾಮಿನಲ್ಲಿ ಭಾರಿ ಬೆಂಕಿ : 30 ಕೋಟಿ ನಷ್ಟ

ಪತಿಗೆ ಬೆಂಕಿ ಹಚ್ಚಿದ ಪತ್ನಿ :ಸೋಮವಾರ ಸಂಜೆ ಕುಡಿದು ಬಂದು ತನ್ನ ಹೆಂಡ್ತಿಯೊಂದಿಗೆ ಕೃಷ್ಣಾರೆಡ್ಡಿ ಜಗಳವಾಡಿದ್ದಾನೆ. ಈ ವೇಳೆ ಕೋಪಗೊಂಡ ರುಕ್ಮಿಣಿ ತನ್ನ ಗಂಡನ ಮೇಲೆ ಪೆಟ್ರೋಲ್​ ಸುರಿದು ಬೆಂಕಿ ಹಚ್ಚಿ ಮನೆಯ ಚಿಲಕ ಹಾಕಿ ಹೊರಗೆ ಓಡಿ ಬಂದಿದ್ದಾಳೆ. ನಂತರ ಆ ಶರೀರ ಸಂಪೂರ್ಣ ಸುಟ್ಟು ಕರಕಲಾಗಿದೆ.

ಪೊಲೀಸರ ಆಗಮನ :ಸುದ್ದಿ ತಿಳಿಯುತ್ತಿದ್ದಂತೆ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಮೃತ ಶವವನ್ನು ಪೊಲೀಸರು ಮರಣೋತ್ತರ ಪರೀಕ್ಷೆಗಾಗಿ ಸರ್ಕಾರಿ ಆಸ್ಪತ್ರೆಗೆ ರವಾನಿಸಿದರು. ಬಳಿಕ ಆರೋಪಿಯನ್ನು ಬಂಧಿಸಿದರು.

ಪ್ರಕರಣ ದಾಖಲು : ಈ ಘಟನೆ ಕುರಿತು ಮೃತನ ಸಹೋದರಿ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿಯನ್ನು ವಿಚಾರಣೆಗೊಳಪಡಿಸಿದ್ದಾರೆ.