ಕೊರೊನಾ ಗೆದ್ದ ನಂತರ ಆ ಪರೀಕ್ಷೆ ಮಾಡಿಸಿಕೊಳ್ಳಬೇಕೆ ? ಇಲ್ಲಿದೆ ವೈದ್ಯರ ಸಲಹೆ!

ಕೊರೋನಾದಿಂದ ಚೇತರಿಸಿಕೊಂಡವರಿಗೆ ಮತ್ತೊಂದು ಅಪಾಯ ಕಾದಿರುವುದು ಆತಂಕಾರಿಯಾಗಿ ಪರಿಣಮಿಸಿದೆ. ಕೋವಿಡ್​ನಿಂದ ಹೊರಬಂದವರಿಗೆ ಕೆಲ ಅಡ್ಡಪರಿಣಾಮಗಳು ಮಾರಕವಾಗುತ್ತಿವೆ. ಇದರಿಂದ ಕೆಲವರು ಸಾಯುತ್ತಿದ್ದಾರೆ. ಇದಕ್ಕೆ ಮುಖ್ಯ ಕಾರಣ ಶ್ವಾಸಕೋಶ, ಹೃದಯ ಮತ್ತು ಮೆದುಳಿನಲ್ಲಿ ಆಗುವ ಗಡ್ಡೆಗಳು ರೂಪುಗೊಳ್ಳುತ್ತಿರುವುದು ಎಂದು ಹೇಳಲಾಗುತ್ತಿದೆ. ಇದನ್ನು ನಿವಾರಿಸಲು, ಕೊರೊನಾ ಪೀಡಿತರು ಡಿ - ಡೈಮರ್ ಪರೀಕ್ಷೆಗೆ ಒಳಗಾಗಿ ಕಾಲಕಾಲಕ್ಕೆ ಸ್ಥಿತಿಗತಿಗಳ ಗಮನಿಸಬೇಕು ಎಂದು ತಜ್ಞರು ಸೂಚಿಸುತ್ತಿದ್ದಾರೆ.

ಕೊರೊನಾದಿಂದ ಚೇತರಿಸಿಕೊಂಡವರಿಗೆ ಮತ್ತೊಂದು ಹೊಸ ಸಮಸ್ಯೆ ಕಾಡತೊಡಗಿದೆ. ಗುಜರಾತ್‌ನ ಸೂರತ್‌ನಲ್ಲಿ ವೈರಸ್‌ನಿಂದ ಚೇತರಿಸಿಕೊಂಡಿರುವ ಯುವಕರಲ್ಲಿ ತೀವ್ರ ಅಡ್ಡಪರಿಣಾಮಗಳು ಕಂಡು ಬಂದಿರುವುದು ಆಘಾತಕಾರಿ ಸಂಗತಿ ಎಂದು ವೈದ್ಯರು ಹೇಳುತ್ತಿದ್ದಾರೆ.

ನಗರದಲ್ಲಿ ಶೇ50 ರಿಂದ 60 ರಷ್ಟು ಕೊರೋನಾ ಪೀಡಿತರು ಸೌಮ್ಯವಾದ ಡಿ - ಡೈಮರ್ ಲಕ್ಷಣ ಹೊಂದಿರುವುದನ್ನು ಗುರುತಿಸಲಾಗಿದ್ದು, ಇವರಲ್ಲಿ ಶೇ 10 ರಿಂದ 15 ರಷ್ಟು ಮಂದಿಗೆ ಅಧಿಕವಾಗಿ ಇರುವುದು ಆತಂಕಕ್ಕೆ ಕಾರಣವಾಗಿದೆ ಎಂದು ಪ್ರಮುಖ ಹೃದ್ರೋಗ ತಜ್ಞ ಡಾ.ಅತುಲ್ ಅಭ್ಯಾಂಕರ್ ಇಟಿವಿ ಭಾರತಕ್ಕೆ ತಿಳಿಸಿದ್ದಾರೆ.

ಡಿ-ಡೈಮರ್ ಪರೀಕ್ಷೆಯ ಬಗ್ಗೆ ಡಾ.ಅತುಲ್ ಅಭ್ಯಾಂಕರ್ ಹೇಳಿದ್ದೇನು.?

ಡಿ-ಡೈಮರ್ ಪರೀಕ್ಷೆ

ಡಿ-ಡೈಮರ್ ಪರೀಕ್ಷೆ

ಸರಿಯಾದ ಸಮಯಕ್ಕೆ ಚಿಕಿತ್ಸೆ ನೀಡದಿದ್ದರೆ ಅದು ಸಾವಿಗೆ ಕಾರಣವಾಗಬಹುದು. ಕೊರೊನಾ ಅಡ್ಡಪರಿಣಾಮಗಳಿಂದಾಗಿ ಅನೇಕ ಜನರು ಸಾಯುತ್ತಿದ್ದು, ಯುವ ಜನತೆಯಲ್ಲಿ ಡಿ-ಡೈಮರ್ ಸಮಸ್ಯೆ ಹೆಚ್ಚಾಗಿ ಕಂಡು ಬರುತ್ತಿದೆ. ಹೃದಯ ಸಮಸ್ಯೆಗಳಿರುವ ಜನರ ಮೇಲೆಯೇ ಹೆಚ್ಚು ಪರಿಣಾಮ ಬೀರುತ್ತಿದೆ ಎಂದು ತಿಳಿಸಿದ್ದಾರೆ.