ರಾಹುಲ್​ ಗಾಂಧಿ ಅರೆಕಾಲಿಕ ರಾಜಕಾರಣಿ: ಪ್ರಹ್ಲಾದ್​​​ ಜೋಶಿ

ಕಾಂಗ್ರೆಸ್​ ನಾಯಕ ರಾಹುಲ್​ ಗಾಂಧಿ ಅವರು ಅರೆಕಾಲಿಕ ರಾಜಕಾರಣಿ ಎಂದು ಕೇಂದ್ರ ಸಚಿವ ಪ್ರಹ್ಲಾದ್​​ ಜೋಶಿ ವ್ಯಂಗ್ಯವಾಡಿದರು.

ನವದೆಹಲಿ:ಬಿಜೆಪಿ ನಡೆಸುತ್ತಿರುವ ಹರ್​ ಘರ್​ ತಿರಂಗಾ ಅಭಿಯಾನ, ಆರ್​ಎಸ್​ಎಸ್​ ಬಗ್ಗೆ ಟೀಕಿಸಿದ ಕಾಂಗ್ರೆಸ್​ ನಾಯಕ ರಾಹುಲ್​ ಗಾಂಧಿ ಅವರೊಬ್ಬ ಅರೆಕಾಲಿಕ ರಾಜಕಾರಣಿ. ರಾಹುಲ್​ಗೆ ಯಾವುದೇ ವಿಚಾರಗಳ ಬಗ್ಗೆ ಗಾಂಭೀರ್ಯವಿಲ್ಲ ಎಂದು ಕೇಂದ್ರ ಸಚಿವ ಪ್ರಲ್ಹಾದ್​ ಜೋಶಿ ವ್ಯಂಗ್ಯವಾಡಿದರು.

ಸಂಸತ್​ ಮುಂದೆ ಮಾಧ್ಯಮಗಳ ಜೊತೆ ಮಾತನಾಡಿ ಜೋಶಿ, ರಾಹುಲ್​ ಗಾಂಧಿ ಅವರಿಗೆ ಯಾವುದೇ ವಿಷಯಗಳ ಮೇಳೆ ಗಾಂಭೀರ್ಯವಿಲ್ಲ. ಅವರೊಬ್ಬ ಅರೆಕಾಲಿಕ ರಾಜಕಾರಣಿ. ಅಲ್ಲಲ್ಲಿ ಸುತ್ತಾಡುತ್ತಾ ಇಂತಹ ಹೇಳಿಕೆಗಳನ್ನೇ ಕೊಡುತ್ತಾರೆ. ಅವರ ಹೇಳಿಕೆಗಳನ್ನು ಗಂಭೀರವಾಗಿ ಪರಿಗಣಿಸಬಾರದು ಮತ್ತು ಅದಕ್ಕೆ ಪ್ರತಿಕ್ರಿಯೆ ನೀಡಬಾರದು ಎಂದು ಚುಚ್ಚಿದರು.

ಆರ್​ಎಸ್​ಎಸ್​ ಮತ್ತು ಅದರ ಸಿದ್ಧಾಂತವನ್ನು ದೇಶದ ಜನರು ಒಪ್ಪಿಕೊಂಡಿದ್ದಾರೆ. ನಾವೇ ಸ್ವಾತಂತ್ರ್ಯ ತಂದುಕೊಟ್ಟೆವು ಎಂದು ಕಾಂಗ್ರೆಸ್​ ನಾಯಕರು ಹೇಳಿಕೊಂಡು ತಿರುಗಾಡಿದ್ದಕ್ಕೆ ಕಾಂಗ್ರೆಸ್​ ದೇಶದಲ್ಲಿಯೇ ತಿರಸ್ಕೃತಗೊಂಡಿದೆ. ಇದು ಅವರಿಂದ ಅರಗಿಸಿಕೊಳ್ಳಲಾಗುತ್ತಿಲ್ಲ. ಹೀಗಾಗಿ ರಾಹುಲ್​ ಎಲ್ಲೆಂದರಲ್ಲಿ, ಏನೇನೋ ಹೇಳಿಕೆ ನೀಡುತ್ತಾರೆ. ಅದಕ್ಕೆಲ್ಲಾ ಪ್ರತಿಕ್ರಿಯಿಸುವ ಅಗತ್ಯವಿಲ್ಲ ಎಂದರು.

ಭದ್ರತೆ ಬೇಡವಾದರೆ ಬಿಡಿ:ಗಾಂಧಿಗಳ ನಿವಾಸದ ಮುಂದೆ ಬ್ಯಾರಿಕೇಡ್​ ಹಾಕಿದ್ದಕ್ಕೆ ಪ್ರತಿಕ್ರಿಯಿಸಿ, ಸರ್ಕಾರ ಯಾವುದೇ ಅಹಿತಕರ ಘಟನೆ ನಡೆಯಬಾರದು ಎಂದು ಬ್ಯಾರಿಕೇಡ್​ಗಳನ್ನು ಅಳವಡಿಸಿದೆ. ಭದ್ರತಾ ವಿಷಯಗಳ ಮೇಲೆ ನಂಬಿಕೆ ಇಲ್ಲವಾದಲ್ಲಿ ಅವರು ಹಾಗೆಯೇ ಸುತ್ತಾಡಲಿ. ಅದನ್ನು ಬಿಟ್ಟು ಸರ್ಕಾರ ನೀಡಿದ ಭದ್ರತೆ ನೀಡಿದ್ದನ್ನು ಟೀಕಿಸುವುದು ಸರಿಯಲ್ಲ ಎಂದರು.

ದೇಶದ್ರೋಹ ಚಟುವಟಿಕೆಗಳಲ್ಲಿ ತೊಡಗಿರುವ ಆರ್​ಎಸ್​ಎಸ್​ ಮತ್ತು ಅದನ್ನು ಬೆಂಬಲಿಸುವ ಬೆಜೆಪಿ ರಾಷ್ಟ್ರಧ್ವಜವನ್ನು ಒಂದು ಬಾರಿಯೂ ಹಾರಿಸಿಲ್ಲ. ಇಂದು ಹರ್​ ಘರ್​ ತಿರಂಗಾದ ಮಾತನಾಡುತ್ತಿದೆ ಎಂದು ರಾಹುಲ್​ ಗಾಂಧಿ ಟೀಕಿಸಿದ್ದರು.

ಓದಿ:ಉಗ್ರ ದಾಳಿ ಬೆದರಿಕೆ.. ಸ್ವಾತಂತ್ರ್ಯ ದಿನದಂದು ಕೆಂಪುಕೋಟೆ ಮೇಲೆ 1 ಸಾವಿರ ಸಿಸಿಟಿವಿ ಅಳವಡಿಕೆ