ಒಂದೇ ಕುಟುಂಬದ ಏಳು ಜನರ ಆತ್ಮಹತ್ಯೆ ಪ್ರಕರಣಕ್ಕೆ ಟ್ವಿಸ್ಟ್​: ಸಂಬಂಧಿಕನಿಂದಲೇ ಕೊಲೆ?

ಒಂದೇ ಕುಟುಂಬದ ಏಳು ಜನ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆಂದು ಹೇಳಲಾದ ಘಟನೆಗೆ ಈಗ ತಿರುವು ಸಿಕ್ಕಿದೆ. ಇದು ಆತ್ಮಹತ್ಯೆಯಲ್ಲ, ಕೊಲೆಯಾಗಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ.

ಥಾಣೆ (ಮಹಾರಾಷ್ಟ್ರ): ಇಡೀ ಮಹಾರಾಷ್ಟ್ರವೇ ಬೆಚ್ಚಿ ಬೀಳುವಂಥ ಘಟನೆ ರಾಜ್ಯದ ಪುಣೆ ಜಿಲ್ಲೆಯ ದೌಂಡ್ ತಾಲೂಕಿನಲ್ಲಿ ನಡೆದಿದೆ. ಕಳೆದ ಕೆಲ ದಿನಗಳಿಂದ ದೌಂಡ್ ತಾಲೂಕಿನ ಭೀಮಾ ನದಿ ತೀರದಲ್ಲಿ ಶವಗಳನ್ನು ಹುಡುಕಲಾಗುತ್ತಿದೆ. ಕೊನೆಗೂ ಸತ್ತವರ ಎಲ್ಲ ಶವಗಳನ್ನು ಪತ್ತೆ ಮಾಡುವಲ್ಲಿ ಜಿಲ್ಲಾಡಳಿತ ಮಂಗಳವಾರ ಯಶಸ್ವಿಯಾಗಿದೆ. ಒಂದೇ ಕುಟುಂಬದ ಏಳು ಜನ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎನ್ನಲಾಗಿತ್ತು. ಆದರೆ ಇದೀಗ ಈ ಪ್ರಕರಣ ಆಘಾತಕಾರಿ ತಿರುವು ಪಡೆದುಕೊಂಡಿದ್ದು, ಎಲ್ಲ ಏಳು ಜನರನ್ನು ಅವರ ಸಂಬಂಧಿ ವ್ಯಕ್ತಿಯೇ ಕೊಲೆ ಮಾಡಿರುವುದಾಗಿ ಬೆಳಕಿಗೆ ಬಂದಿದೆ.

ಈ ಪ್ರಕರಣದಲ್ಲಿ ನಾಲ್ವರನ್ನು ಶಂಕಿತ ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ. ಮೋಹನ್ ಪವಾರ್, ಸಂಗೀತಾ ಪವಾರ್, ಮಗಳು ರಾಣಿ ಮತ್ತು ಅಳಿಯನ ಮಗಳ 3 ಮಕ್ಕಳ ಶವಗಳು ನದಿಯಲ್ಲಿ ಪತ್ತೆಯಾಗಿದ್ದವು. ಜ. 17 ರಂದು ದೌಂಡ್ ತಾಲೂಕಿನ ಪರಗಾಂವ್‌ನ ನದಿಯಲ್ಲಿ ಕುಟುಂಬ ಆತ್ಮಹತ್ಯೆ ಮಾಡಿಕೊಂಡಿತ್ತು. ಮರಣೋತ್ತರ ಪರೀಕ್ಷೆಯ ವರದಿಯಲ್ಲಿ ನೀರಿನಲ್ಲಿ ಮುಳುಗಿ ಸಾವು ಸಂಭವಿಸಿದೆ ಎಂದು ತಿಳಿದುಬಂದಿತ್ತು. ಆದರೆ ಇದು ಆತ್ಮಹತ್ಯೆಯಲ್ಲ ಕೊಲೆ ಎಂದು ಸಂಬಂಧಿಕರು ಆರೋಪಿಸಿದ್ದರು.

ಪ್ರಕರಣದ ಬಗ್ಗೆ ಪೊಲೀಸರು ತೀವ್ರ ತನಿಖೆ ನಡೆಸಿದ್ದರು. ಮೋಹನ್ ಪವಾರ್ ಅವರ ಸೋದರ ಸಂಬಂಧಿಗಳೇ ಪವಾರ್ ಮತ್ತು ಅವರ ಕುಟುಂಬವನ್ನು ಕೊಂದು ಶವಗಳನ್ನು ನದಿಗೆ ಎಸೆದಿದ್ದಾರೆ ಎಂದು ಪೊಲೀಸರು ಶಂಕೆ ವ್ಯಕ್ತಪಡಿಸಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು ನಾಲ್ವರ ವಿರುದ್ಧ ಪ್ರಕರಣ ದಾಖಲಿಸಿಕೊಂಡು ಅವರನ್ನು ಬಂಧಿಸಿದ್ದಾರೆ.

ಮೋಹನ್ ಉತ್ತಮ್ ಪವಾರ್ (ವಯಸ್ಸು 50 ವರ್ಷ), ಸಂಗೀತಾ ಮೋಹನ್ ಪವಾರ್ (ವಯಸ್ಸು 45 ವರ್ಷ, ಇಬ್ಬರೂ ಖಮಗಾಂವ್ ಜಿಲ್ಲೆ ಗೆವ್ರೈ ನಿವಾಸಿ), ಅವರ ಅಳಿಯ ಶಾಮರಾವ್ ಪಂಡಿತ್ ಫುಲ್ವಾರೆ (ವಯಸ್ಸು ಅಂದಾಜು 32 ವರ್ಷ), ಅವರ ಪತ್ನಿ ರಾಣಿ ಶಾಮರಾವ್ ಫುಲ್ವಾರೆ (ವಯಸ್ಸು ಅಂದಾಜು 27 ವರ್ಷ), ಮಗ ರಿತೇಶ್ ಶಾಮರಾವ್ ಫುಲ್ವಾರೆ (ವಯಸ್ಸು 7 ವರ್ಷ), ಛೋಟು ಶಾಮರಾವ್ ಫುಲ್ವಾರೆ (5 ವರ್ಷ) ಮತ್ತು ಕೃಷ್ಣ (3 ವರ್ಷ) ಇವರ ಮೃತದೇಹಗಳು ನದಿತೀರದಲ್ಲಿ ಪತ್ತೆಯಾಗಿದ್ದವು. ಪರಗಾಂವ್‌ನ ಭೀಮಾ ನದಿಪಾತ್ರದಲ್ಲಿ ಸತತ ಐದು ದಿನಗಳಲ್ಲಿ ನಾಲ್ಕು ಮೃತದೇಹಗಳು ಪತ್ತೆಯಾಗಿದ್ದು ಸಂಚಲನ ಮೂಡಿಸಿತ್ತು. ಜನವರಿ 18 ಮತ್ತು ಜನವರಿ 22 ರ ನಡುವೆ ಈ ಏಳು ಶವಗಳು ಪತ್ತೆಯಾಗಿದ್ದವು.

ಪೊಲೀಸರು ಹೇಳುವುದೇನು?:ಈ ಘಟನೆಯನ್ನು ಗಂಭೀರವಾಗಿ ಪರಿಗಣಿಸಿದ್ದಅಲ್ಲಿನ ಪೊಲೀಸ್​ ವರಿಷ್ಠಾಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದರು. ಇದಕ್ಕಾಗಿ ಪ್ರತ್ಯೇಕ ತಂಡಗಳನ್ನು ತಂಡಗಳನ್ನು ಶೋಧ ಕಾರ್ಯಾಚರಣೆಗೆ ನಿಯೋಜಿಸಿದ್ದರು. ಈ ತಂಡ ಈಗ ಏಳು ಜನರ ರಹಸ್ಯವನ್ನು ಭೇದಿಸಿದೆ.

ಏತನ್ಮಧ್ಯೆ, ಮೃತ ಮೋಹನ್ ಪವಾರ್ ಅವರ ಸೋದರಳಿಯ ಕೆಲವು ತಿಂಗಳ ಹಿಂದೆ ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದರು. ಇದು ಆಕಸ್ಮಿಕವಲ್ಲ, ಮೋಹನ್ ಪವಾರ್ ಅವರ ಸಂಬಂಧಿಕರು ಅವರು ಮತ್ತು ಅವರ ಕುಟುಂಬ ಸದಸ್ಯರು ಸೋದರಳಿಯನನ್ನು ಕೊಂದಿದ್ದಾರೆ ಎಂದು ಶಂಕಿಸಲಾಗಿದೆ. ಇದೇ ಕೊಲೆಗೆ ಕಾರಣವಾಗಿರಬಹುದು ಎಂಬ ಬಗ್ಗೆ ಪೊಲೀಸರು ಈಗ ತನಿಖೆ ನಡೆಸುತ್ತಿದ್ದಾರೆ. ಇನ್ನೊಂದು ಮೂಲದ ಪ್ರಕಾರ, ಈ ಹಿಂದೆ ಪವಾರ್ ಅವರ ಪುತ್ರರೊಬ್ಬರು ತಮ್ಮ ಸಮುದಾಯದ ವಿವಾಹಿತ ಹುಡುಗಿಯೊಂದಿಗೆ ಓಡಿಹೋಗಿದ್ದರು ಎನ್ನಲಾಗಿದೆ. ಇದೇ ಕಾರಣದಿಂದ ಕುಟುಂಬದವರು ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂದೂ ಶಂಕಿಸಲಾಗಿದೆ. ಒಟ್ಟಿನಲ್ಲಿ ಸಂಪೂರ್ಣ ತನಿಖೆ ಬಳಿಕವೇ ಸಂಪೂರ್ಣ ಸತ್ಯ ಹೊರ ಬರಬೇಕಿದೆ.

ಇದನ್ನೂ ಓದಿ: ಎಲೆಕ್ಟ್ರಿಕಲ್ ವಾಟರ್ ಹೀಟರ್​​ನಿಂದ ವಿದ್ಯುತ್ ಶಾಕ್: ದಂಪತಿ ಸಾವು