ಪಾಲಕ್ಕಾಡ್(ಕೇರಳ): ಇತ್ತೀಚೆಗಷ್ಟೇ ಚಿನ್ನ ಕಳ್ಳಸಾಗಣೆ ಆರೋಪಿ ಸ್ವಪ್ನಾ ಸುರೇಶ್ಗೆ ಉದ್ಯೋಗ ನೀಡಿದ್ದ ಎನ್‌ಜಿಒ ಎಚ್‌ಆರ್‌ಡಿಎಸ್ ವಿರುದ್ಧ ಎಸ್‌ಸಿ/ಎಸ್‌ಟಿ ಆಯೋಗ ಪ್ರಕರಣ ದಾಖಲಿಸಿದೆ.
ವಂಚನೆ ದೂರುಗಳ ಹಿನ್ನೆಲೆಯಲ್ಲಿ ಆಯೋಗವು ಎನ್‌ಜಿಒ ವಿರುದ್ಧ ಪ್ರಕರಣ ದಾಖಲಿಸಿದೆ. ಎನ್‌ಜಿಒ ಕಳಪೆ ಗುಣಮಟ್ಟದ ಮನೆಗಳನ್ನು ನಿರ್ಮಿಸಿಕೊಟ್ಟು ಹಣವನ್ನು ಕಬಳಿಸಿದೆ ಎಂದು ದೂರುದಾರರು ಆರೋಪಿಸಿದ್ದಾರೆ. ವಸತಿರಹಿತ ಬಡವರಿಂದ ಭೂಮಿಯನ್ನು ಕದಿಯಲು ಎನ್‌ಜಿಒ ಪ್ರಯತ್ನಿಸುತ್ತಿದೆ ಈ ವೇಳೆ ಆರೋಪಿಸಲಾಗಿದೆ.
ಬಿಜೆಪಿ ಪರವಾಗಿರುವ ಎನ್‌ಜಿಒ ಎನ್ನಲಾದ ಎಚ್‌ಆರ್‌ಡಿಎಸ್, ತಿರುವನಂತಪುರಂನಲ್ಲಿರುವ ಯುಎಇ ರಾಯಭಾರಿ ಕಚೇರಿ ಮೂಲಕ ಚಿನ್ನದ ಕಳ್ಳಸಾಗಣೆ ಪ್ರಕರಣದಲ್ಲಿ ಆರೋಪಿಯಾಗಿದ್ದ ಸ್ವಪ್ನಾ ಸುರೇಶ್ ಅವರನ್ನು ನೇಮಕ ಮಾಡಿದ್ದು, ಚರ್ಚೆಗೆ ಗ್ರಾಸವಾಗಿತ್ತು.
ಇದನ್ನೂ ಓದಿ: ಕಾಂಗ್ರೆಸ್ ಇಲ್ಲದೆ ಯಾವುದೇ ರಂಗದ ರಚನೆ ಇಲ್ಲ : ಸಂಜಯ್ ರಾವತ್
ಸ್ವಪ್ನಾ ಈಗ ಹಚ್ಆರ್ಡಿಎಸ್ನ ಕಾರ್ಪೊರೇಟ್ ಸಾಮಾಜಿಕ ಹೊಣೆಗಾರಿಕೆಯ ನಿರ್ದೇಶಕಿಯೂ ಹೌದು. ಅವರ ನೇಮಕಾತಿಯು ಬಿಜೆಪಿಯೊಂದಿಗೆ ಅವರ ನಿಕಟ ಸಂಬಂಧವನ್ನು ತೋರಿಸುತ್ತದೆ ಎಂದು ರಾಜಕೀಯ ವಿರೋಧಿಗಳು ಹೇಳಿದ್ದರಿಂದ ಅವರ ನೇಮಕಾತಿ ಬಿಸಿ- ಬಿಸಿ ರಾಜಕೀಯ ಚರ್ಚೆಯ ವಿಷಯವಾಗಿದೆ. ಇನ್ನು ಬಿಜೆಪಿ ಮುಖಂಡ ಎಸ್ ಕೃಷ್ಣಕುಮಾರ್ ಈ ಎನ್ಜಿಒದ ಅಧ್ಯಕ್ಷರಾಗಿದ್ದಾರೆ. ಆದರೆ, ಕೃಷ್ಣಕುಮಾರ್ ಅವರನ್ನು ಅಧ್ಯಕ್ಷ ಸ್ಥಾನದಿಂದ ಕೆಳಗಿಳಿಸಲಾಗಿದೆ ಎಂದು ಎಚ್‌ಆರ್‌ಡಿಎಸ್ ಸದಸ್ಯರು ಹೇಳಿದ್ದಾರೆ.