ಕವಿ ಮುನಾವ್ವರ್​ ಪುತ್ರ ತಬ್ರೇಜ್​ ಮೇಲಿನ ಶೂಟೌಟ್​ಗೆ ರೋಚಕ ಟ್ವಿಸ್ಟ್!!

ಜೂನ್ 28ರಂದು ಕವಿ ಮುನಾವ್ವರ್ ರಾಣಾ ಪುತ್ರ ತಬ್ರೇಜ್​ ರಾಣಾ ಮೇಲೆ ಗುಂಡು ಹಾರಿಸಿದ ಪ್ರಕರಣ ಸುಳ್ಳು ಎಂದು ರಾಯ್​ಬರೇಲಿಯ ಕೊತ್ವಾಲ್ ಹೇಳಿದ್ದಾರೆ. ತನ್ನ ಪ್ರತಿಸ್ಪರ್ಧಿಗಳ ವಿರುದ್ಧ ಆರೋಪಿಸಲು ತಬ್ರೇಜ್ ತನ್ನ ಮೇಲೆ ತಾನೇ ಗುಂಡು ಹಾರಿಸಿಕೊಂಡಿದ್ದ. ತಬ್ರೇಜ್ ಸಲ್ಲಿಸಿದ್ದ ದೂರಿಗೆ ರಾಯ್ ಬರೇಲಿ ಪೊಲೀಸರು ಅವರನ್ನೇ ಆರೋಪಿಗಳನ್ನಾಗಿ ಮಾಡಿದ್ದಾರೆ..

ಲಖನೌ :ಖ್ಯಾತ ಕವಿ ಮುನಾವ್ವರ್ ರಾಣಾ ಪುತ್ರ ತಬ್ರೇಜ್ ರಾಣಾ ಅವರ ಮೇಲೆ ಗುಂಡು ಹಾರಿಸಿದ ಪ್ರಕರಣಕ್ಕೆ ರೋಚಕ ಟ್ವಿಸ್ಟ್ ಸಿಕ್ಕಿದೆ. ರಾಯ್​ಬರೇಲಿ ಪೊಲೀಸರು ತಡರಾತ್ರಿ ಮುನಾವ್ವರ್ ಮನೆ ಮೇಲೆ ದಾಳಿ ನಡೆಸಿದ್ದಾರೆ. ವಿರೋಧಿಗಳನ್ನು ಮಟ್ಟ ಹಾಕುವ ಸಲುವಾಗಿ ತಬ್ರೇಜ್​ ರಾಣಾ ತಮ್ಮ ಮೇಲೆ ತಾವೇ ಗುಂಡು ಹಾರಿಸಿಕೊಂಡಿದ್ದಾರೆ ಎಂಬ ಮಾಹಿತಿ ಲಭ್ಯವಾದ ಹಿನ್ನೆಲೆ ತಬ್ರೇಜ್ ಬಂಧನಕ್ಕಾಗಿ ಪೊಲೀಸರು ದಾಳಿ ನಡೆಸಿದ್ದಾರೆ. ಈ ವೇಳೆ ತಬ್ರೇಜ್ ಪತ್ತೆಯಾಗಿಲ್ಲ.

ಪೊಲೀಸರು ದಾಳಿ ವೇಳೆ ಮಹಿಳೆಯೊಂದಿಗೆ ಅಸಭ್ಯವರ್ತನೆ ತೋರಿದ್ದಾರೆಂದು ತಬ್ರೇಜ್ ಕುಟುಂಬಸ್ಥರು ಆರೋಪಿಸಿದ್ದಾರೆ. ಯಾವುದೇ ಸುಳಿವು ಕೊಡದೆ ಮನೆಯೊಳಗೆ ನುಗ್ಗಿದ್ದಲ್ಲದೆ, ಎಲ್ಲರ ಫೋನ್‌ಗಳನ್ನು ಕಸಿದುಕೊಂಡಿದ್ದಾರೆ ಎಂದೂ ದೂರಿದ್ದಾರೆ.

ಜೂನ್ 28ರಂದು ಕವಿ ಮುನಾವ್ವರ್ ರಾಣಾ ಪುತ್ರ ತಬ್ರೇಜ್​ ರಾಣಾ ಮೇಲೆ ಗುಂಡು ಹಾರಿಸಿದ ಪ್ರಕರಣ ಸುಳ್ಳು ಎಂದು ರಾಯ್​ಬರೇಲಿಯ ಕೊತ್ವಾಲ್ ಹೇಳಿದ್ದಾರೆ. ತನ್ನ ಪ್ರತಿಸ್ಪರ್ಧಿಗಳ ವಿರುದ್ಧ ಆರೋಪಿಸಲು ತಬ್ರೇಜ್ ತನ್ನ ಮೇಲೆ ತಾನೇ ಗುಂಡು ಹಾರಿಸಿಕೊಂಡಿದ್ದ. ತಬ್ರೇಜ್ ಸಲ್ಲಿಸಿದ್ದ ದೂರಿಗೆ ರಾಯ್ ಬರೇಲಿ ಪೊಲೀಸರು ಅವರನ್ನೇ ಆರೋಪಿಗಳನ್ನಾಗಿ ಮಾಡಿದ್ದಾರೆ.

ಪೆಟ್ರೋಲ್​ ಪಂಪ್​ವೊಂದರಲ್ಲಿ ಕಾರಿಗೆ ಡೀಸೆಲ್ ಹಾಕಿಸುತ್ತಿದ್ದಾಗ, ಬೈಕ್​ನಲ್ಲಿ ಬಂದ ಇಬ್ಬರು ಯುವಕರು ಕಾರಿನ ಮೇಲೆ ಗುಂಡಿನ ದಾಳಿ ನಡೆಸಿದ್ದರು. ತಾನು ಪರವಾನಿಗೆ ಪಡೆದಿದ್ದ ಬಂದೂಕಿನಿಂದ ಕೆಳಗಿಳಿದಾಗ ಅವರು ಪರಾರಿಯಾಗಿದ್ದರು ಎಂದು ಆರೋಪಿಸಿದ್ರು.