ಪಾಟ್ನಾ (ಬಿಹಾರ):ಛಾತ್ ಪೂಜಾ ಹಬ್ಬದ 4ನೇ ದಿನವಾದ ಇಂದು ಉದಯಿಸುವ ಸೂರ್ಯ ದೇವನಿಗೆ ಅರ್ಘ್ಯ ಸಮರ್ಪಿಸಲಾಗಿದೆ. ನಗರದ ಪಾಟ್ನಾ ಕಾಲೇಜು ಘಾಟ್‌ನಲ್ಲಿ ಛಾತ್ ಪೂಜೆ ಹಬ್ಬದಕೊನೆಯ ದಿನದಂದು ಜನರು ಸೂರ್ಯ ದೇವರಿಗೆ ಅರ್ಘ್ಯ ಅರ್ಪಿಸಿ ನಮಿಸಿದ್ದಾರೆ.
ಸೂರ್ಯ ದೇವನಿಗೆ ಅರ್ಘ್ಯ ಅರ್ಪಿಸಿ ನಮಿಸಿದ ಭಕ್ತರು
ಘಾಟ್ ಬಳಿ ಸೂರ್ಯೋದಯಕ್ಕೂ ಮುನ್ನಾ ಜನಸಂದಣಿ ಏರ್ಪಟ್ಟಿತ್ತು. ಭಕ್ತರು ಬಿದಿರಿನಿಂದ ಮಾಡಿರುವ ಬುಟ್ಟಿಗಳಲ್ಲಿ ಫಲ ತುಂಬಿಕೊಂಡು ತಾತ್ಕಾಲಿಕ ಮಂಟಪದ ಕೆಳಗೆ ಇಟ್ಟು ಪೂಜಿಸುತ್ತಾರೆ. ಈ ಮಂಟಪಗಳು ಕಬ್ಬಿನಿಂದ ಮಾಡಲಾಗಿರುತ್ತದೆ. ಜೊತೆಗೆ ಈ ಹಬ್ಬವು ಸಮೃದ್ಧಿಯ ಸಂಕೇತವಾಗಿದೆ. ಮಂಟಪದ ನಾಲ್ಕು ಮೂಲೆಯಲ್ಲೂ ಆನೆಯ ಆಕೃತಿ ರಚಿಸಿಡಲಾಗುತ್ತದೆ. ಮಣ್ಣಿನಿಂದ ಮಾಡಲಾದ ದೀಪದಿಂದ ಅಲಂಕರಿಸಲಾಗುತ್ತದೆ.