ಶರದ್​ ಪವಾರ್​ ಬಗ್ಗೆ ವಿವಾದಾತ್ಮಕ ಪೋಸ್ಟ್: ಮರಾಠಿ ನಟಿ ಪೊಲೀಸ್​ ವಶಕ್ಕೆ

ಹಿರಿಯ ರಾಜಕಾರಣಿಯಾದ ಪವಾರ್​ ಬಗ್ಗೆ ನಟಿ ಕೇತ್ಕಿ ಚಿತಾಳೆ ಅಸಹ್ಯಕರ ಪದಗಳ ಬಳಕೆ ಮಾಡಿದ್ದರು. ಈ ಕುರಿತು ಪೊಲೀಸ್​ ಠಾಣೆಯಲ್ಲಿ ನಟಿಯ ವಿರುದ್ಧ ದೂರು ದಾಖಲಾಗಿತ್ತು. ಇದೀಗ ಪೊಲೀಸರು ನಟಿಯನ್ನು ಬಂಧಿಸಿದ್ದಾರೆ.

ಮುಂಬೈ (ಮಹಾರಾಷ್ಟ್ರ):ಎನ್​ಸಿಪಿ ಅಧ್ಯಕ್ಷ ಶರದ್​ ಪವಾರ್​ ಬಗ್ಗೆ ಟೀಕೆ ಮಾಡಿದ್ದ ಕಾರಣಕ್ಕಾಗಿ ಮರಾಠಿ ನಟಿ ಕೇತ್ಕಿ ಚಿತಾಳೆ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಫೇಸ್​ಬುಕ್​ನಲ್ಲಿ ವಿವಾದಾತ್ಮಕ ಪೋಸ್ಟ್​ ಮಾಡಿದ ಆರೋಪದಡಿ ಅವರನ್ನು ಮಹಾರಾಷ್ಟ್ರ ಪೊಲೀಸರು ಬಂಧಿಸಿದ್ದಾರೆ.

ಹಿರಿಯ ರಾಜಕಾರಣಿಯಾದ ಪವಾರ್​ ಬಗ್ಗೆ ಅಸಹ್ಯಕರ ಪದಗಳ ಬಳಕೆ ಮಾಡಲಾಗಿದೆ ಎಂದು ಹೇಳಲಾಗಿದೆ. ಈ ವಿವಾದಿತ ಪೋಸ್ಟ್​ ಬಗ್ಗೆ ಪೊಲೀಸ್​ ಠಾಣೆಯಲ್ಲಿ ಕೇತ್ಕಿ ಚಿತಾಳೆ ವಿರುದ್ಧ ದೂರು ದಾಖಲಾಗಿತ್ತು.

ಈ ದೂರಿನ್ವಯ ಅವರನ್ನು ಥಾಣೆ ಅಪರಾಧ ವಿಭಾಗದ ಪೊಲೀಸರು ಬಂಧಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯವಾಗಿರುವ ಈ ನಟಿ ನಿತ್ಯ ಪೋಸ್ಟ್​ಗಳನ್ನು ಮಾಡುತ್ತಿರುತ್ತಾರೆ.

ಇದನ್ನೂ ಓದಿ:ತೆಲಂಗಾಣದಲ್ಲಿ ಸರಣಿ ಕೊಲೆ : KGF ಸಿನಿಮಾ ಆರೋಪಿಗಳಿಗೆ ಪ್ರೇರಣೆಯಾಯಿತೇ ಎಂಬ ಶಂಕೆ!