ರೂರ್ಕೆಲಾ (ಒಡಿಶಾ):ಭಾರತದ ಅತಿ ದೊಡ್ಡ ಹಾಕಿ ಮೈದಾನದ ಕಾಮಗಾರಿಗೆ ಒಡಿಶಾ ಮುಖ್ಯಮಂತ್ರಿ ನವೀನ್ ಪಟ್ನಾಯಕ್ ಸುಂದರ್ಗಢ ಜಿಲ್ಲೆಯ ರೂರ್ಕೆಲಾ ನಗರದಲ್ಲಿ ಶಂಕುಸ್ಥಾಪನೆ ನೆರವೇರಿಸಿದ್ದಾರೆ.
ಈ ಹಾಕಿ ಮೈದಾನಕ್ಕೆ ಸ್ವಾತಂತ್ರ್ಯ ಹೋರಾಟಗಾರ ಬಿರ್ಸಾ ಮುಂಡಾ ಅವರ ಹೆಸರಿಡಲಾಗಿದ್ದು, 2023ರಲ್ಲಿ ಪುರುಷರ ಹಾಕಿ ವಿಶ್ವಕಪ್ ಅನ್ನು ಭುವನೇಶ್ವರದಲ್ಲಿನ ಕಳಿಂಗಾ ಹಾಕಿ ಮೈದಾನದ ಜೊತೆಗೂಡಿ ಈ ಮೈದಾನದಲ್ಲಿ ಆಯೋಜನೆ ಮಾಡಲಾಗುತ್ತದೆ.
ಬಿರ್ಸಾ ಮುಂಡಾ ಇಂಟರ್ನ್ಯಾಷನಲ್ ಹಾಕಿ ಸ್ಟೇಡಿಯಂ ಬಿಜು ಪಟ್ನಾಯಕ್ ತಾಂತ್ರಿಕ ವಿಶ್ವವಿದ್ಯಾಲಯದ ಕ್ಯಾಂಪಸ್ನಲ್ಲಿರುವ ಸುಮಾರು 15 ಎಕರೆ ಪ್ರದೇಶದಲ್ಲಿ ಈ ಮೈದಾನವನ್ನು ನಿರ್ಮಿಸಲಾಗುತ್ತಿದ್ದು, ಅಂದಾಜು 20 ಸಾವಿರ ಮಂದಿ ಏಕಕಾಲಕ್ಕೆ ಪಂದ್ಯವನ್ನು ವೀಕ್ಷಿಸಬಹುದಾಗಿದೆ.
ಇದನ್ನೂ ಓದಿ:ಹಿಂದಕ್ಕೆ ಸರಿದ ಭಾರತ,ಚೀನಾ ಸೇನಾಪಡೆಗಳು.. ಇನ್ಮುಂದೆ ಪ್ಯಾಂಗಾಂಗ್ ನಿರಾಳ.. ಚಿತ್ರಪಟಗಳು..
ನವೀನ್ ಪಟ್ನಾಯಕ್ ಸುಂದರ್ಗಢ ಜಿಲ್ಲೆಯಲ್ಲಿ 4,915 ಕೋಟಿ ರೂಪಾಯಿ ಮೌಲ್ಯದ ಅಭಿವೃದ್ಧಿ ಕಾಮಗಾರಿಗೆ ಚಾಲನೆ ನೀಡುವ ವೇಳೆ, ಈ ಹಾಕಿ ಮೈದಾನ ನಿರ್ಮಾಣ ಕಾಮಗಾರಿಗೆ ಶಂಕುಸ್ಥಾಪನೆ ನೆರವೇರಿಸಿದ್ದಾರೆ.
ಬಿರ್ಸಾ ಮುಂಡಾ ಇಂಟರ್ನ್ಯಾಷನಲ್ ಹಾಕಿ ಸ್ಟೇಡಿಯಂ ಕುಡಿಯುವ ನೀರಿನ ಪೂರೈಕೆಗೆ 1,611 ಕೋಟಿ, ನೀರಾವರಿಗೆ 320 ಕೋಟಿ, ಆರೋಗ್ಯ ಸೇವೆಗಳಿಗೆ 111 ಕೋಟಿ, ರಸ್ತೆ ಮತ್ತು ಸೇತುವೆಗಳಿಗೆ 1,060 ಕೋಟಿ, ಶೈಕ್ಷಣಿಕ ಯೋಜನೆಗಳ ಕಾಮಗಾರಿಗಳಿಗೆ 366 ಕೋಟಿ, ಚರಂಡಿ ವ್ಯವಸ್ಥೆಗೆ 250 ಕೋಟಿ, ಸ್ಮಾರ್ಟ್ ಸಿಟಿ ಅಭಿವೃದ್ಧಿ ಕಾಮಗಾರಿಗಳಿಗೆ 471 ಕೋಟಿ ರೂಪಾಯಿ ಹಾಗೂ ಮತ್ತಿತರ ಯೋಜನೆಗಳಿಗೆ ಒಡಿಶಾ ಸಿಎಂ ಶಂಕುಸ್ಥಾಪನೆ ನೆರವೇರಿಸಿದ್ದಾರೆ.
