ಕೊಟ್ಟಾಯಂ/ಲಖನೌ: ಖ್ಯಾತ ಸಾಹಿತಿ ಅಲೆಪ್ಪಿ ರಂಗನಾಥ್ ಮತ್ತು ಕಥಕ್ ನೃತ್ಯಗಾರ ಪಂಡಿತ್ ಬಿರ್ಜು ಮಹಾರಾಜ್ ನಿಧನರಾಗಿದ್ದಾರೆ.
ಅಲೆಪ್ಪಿ ರಂಗನಾಥ್ ನಿಧನ:
ಖ್ಯಾತ ಗೀತರಚನೆಕಾರ ಮತ್ತು ನಿರ್ದೇಶಕ ಅಲೆಪ್ಪಿ ರಂಗನಾಥ್ (73) ಭಾನುವಾರ ತಡರಾತ್ರಿ ನಿಧನರಾಗಿದ್ದಾರೆ. ಕೊಟ್ಟಾಯಂನ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ರಂಗನಾಥ್ ಕೋವಿಡ್ ಚಿಕಿತ್ಸೆ ಪಡೆಯುತ್ತಿದ್ದರು. ಆಲಪ್ಪುಳ ವೇಜಪ್ಪರ ಕುಂಜುಕುಂಜು ಭಾಗವತರ್ ಮತ್ತು ಗಾನಭೂಷಣಂ ಎಂ ಜಿ ದೇವಮ್ಮಾಳ್ ಅವರ ಆರು ಮಕ್ಕಳಲ್ಲಿ ಹಿರಿಯರಾದ ರಂಗನಾಥ್ ಅವರು 42 ನಾಟಕಗಳು ಮತ್ತು 25 ನೃತ್ಯ ನಾಟಕಗಳನ್ನು ನಿರ್ದೇಶಿಸಿದ್ದಾರೆ.
ಅವರು ತಮ್ಮ 19 ನೇ ವಯಸ್ಸಿನಲ್ಲಿ ಕಂಜಿರಪಲ್ಲಿ ಪೀಪಲ್ಸ್ ಆರ್ಟ್ಸ್ ಕ್ಲಬ್‌ನ ನಾಟಕ ಬರೆದು ಸಂಗೀತ ಸಂಯೋಜಿಸಿದ್ದರು. 1973 ರ ಚಲನಚಿತ್ರ ಜೀಸಸ್‌ನ ಹೊಸಣ್ಣ ಹಾಡಿಗೆ ಸಂಗೀತ ಸಂಯೋಜಿಸಿದ್ದ ಹೆಗ್ಗಳಿಕೆ ಹೊಂದಿದ್ದರು.
ರಂಗನಾಥ್ ಇತ್ತೀಚೆಗೆ ಬೈಬಲ್ ಶ್ಲೋಕಗಳನ್ನು ಆಧರಿಸಿ ಕರ್ನಾಟಕ ಸಂಗೀತದಲ್ಲಿ 10 ಕೀರ್ತನೆಗಳನ್ನು ಕೂಡಾ ರಚಿಸಿದ್ದಾರೆ. ಅವರು ಹಲವಾರು ಅಯ್ಯಪ್ಪ ಭಕ್ತಿಗೀತೆಗಳನ್ನು ಬರೆದಿದ್ದು, ಈ ವರ್ಷ ಅವರು ಹರಿವರಾಸನಂ ಪ್ರಶಸ್ತಿ ಪಡೆದುಕೊಂಡಿದ್ದರು.
ಬಿರ್ಜು ಮಹಾರಾಜ್ ಇನ್ನಿಲ್ಲ...
ಪದ್ಮವಿಭೂಷಣ ಮತ್ತು ಸಿದ್ಧ ಕಥಕ್ ನೃತ್ಯಗಾರ ಪಂಡಿತ್ ಬಿರ್ಜು ಮಹಾರಾಜ್ ನಿಧನರಾಗಿದ್ದಾರೆ. 83 ವರ್ಷದ ಬಿರ್ಜು ಮಹಾರಾಜ್ ಭಾನುವಾರ ತಡರಾತ್ರಿ ಕೊನೆಯುಸಿರೆಳೆದಿದ್ದಾರೆ.
ಬಿರ್ಜು ಮಹಾರಾಜ್ ಅವರು ಕಥಕ್ ಪ್ರತಿಪಾದಕ ಜಗನ್ನಾಥ ಮಹಾರಾಜ್ ಅವರ ಮನೆಯಲ್ಲಿ ಜನಿಸಿದರು. ಜಗನ್ನಾಥ ಮಹಾರಾಜ್ ಉತ್ತರಪ್ರದೇಶದ ಲಖನೌ ಘರಾನಾದ ಅಚ್ಚನ್ ಮಹಾರಾಜ್ ಎಂದೇ ಜನಪ್ರಿಯರಾಗಿದ್ದರು. ಅವರು ರಾಯಗಢ ರಾಜಪ್ರಭುತ್ವದ ರಾಜ್ಯದಲ್ಲಿ ಆಸ್ಥಾನ ನೃತ್ಯಗಾರರಾಗಿ ಸೇವೆ ಸಲ್ಲಿಸಿದ್ದರು.
ಬಿರ್ಜು ಅವರ ಚಿಕ್ಕಪ್ಪರಾದ ಲಚ್ಚು ಮಹಾರಾಜ್ ಮತ್ತು ಶಂಭು ಮಹಾರಾಜ್ ಮತ್ತು ಅವರ ತಂದೆಯಿಂದ ತರಬೇತಿ ಪಡೆದುಕೊಂಡಿದ್ದರು. ತಮ್ಮ ಏಳನೇ ವಯಸ್ಸಿನಲ್ಲಿ ಮೊದಲ ವಾಚನಗೋಷ್ಠಿ ನೀಡಿ ಸೈ ಎನಿಸಿಕೊಂಡಿದ್ದರು. 20 ಮೇ 1947 ರಂದು, ಅವರು ಒಂಬತ್ತು ವರ್ಷದವರಾಗಿದ್ದಾಗ ಅವರ ತಂದೆ ನಿಧನರಾದರು.
ಬಿರ್ಜು ಮಹಾರಾಜ್ ತಮ್ಮ 13ನೇ ವಯಸ್ಸಿನಲ್ಲಿ ನವದೆಹಲಿಯ ಸಂಗೀತ ಭಾರತಿಯಲ್ಲಿ ನೃತ್ಯ ಪ್ರಕಾರ ಕಲಿಸಲು ಪ್ರಾರಂಭಿಸಿದರು. ನಂತರ ಅವರು ದೆಹಲಿಯ ಭಾರತೀಯ ಕಲಾ ಕೇಂದ್ರದಲ್ಲಿ ಮತ್ತು ಕಥಕ್ ಕೇಂದ್ರದಲ್ಲಿ (ಸಂಗೀತ ನಾಟಕ ಅಕಾಡೆಮಿಯ ಘಟಕ) ಅಧ್ಯಾಪಕರ ಮುಖ್ಯಸ್ಥರಾಗಿದ್ದರು ಮತ್ತು ನಿರ್ದೇಶಕರಾಗಿದ್ದರು. ಬಳಿಕ1998 ರಲ್ಲಿ ಅವರು ನಿವೃತ್ತರಾಗಿದ್ದರು.
ನಿವೃತ್ತಿ ಬಳಿಕ ಅವರು ತಮ್ಮದೇ ನೃತ್ಯ ಶಾಲೆಯನ್ನು ತೆರೆದರು. ಅವರ ಕಲಾಶ್ರಮ ದೆಹಲಿಯಲ್ಲಿಯೂ ಇದೆ. ಅವರು ಸತ್ಯಜಿತ್ ರೇ ಅವರ ಶತ್ರಂಜ್ ಕೆ ಖಿಲಾರಿಯಲ್ಲಿ ಎರಡು ನೃತ್ಯದ ಸರಣಿಗಳಿಗೆ ಸಂಗೀತ ಸಂಯೋಜಿಸಿ ಹಾಡಿದ್ದರೂ ಕೂಡಾ. 2002 ರ ಕಾದಂಬರಿ ದೇವದಾಸ್‌ನ ಚಲನಚಿತ್ರ ಆವೃತ್ತಿಯಿಂದ ಕಾಹೆ ಛೇದ್ ಮೋಹೆ ಹಾಡಿಗೆ ನೃತ್ಯ ಸಂಯೋಜನೆ ಮಾಡಿ ಗಮನ ಸೆಳೆದಿದ್ದರು.
ಶ್ರದ್ದಾಂಜಲಿ ಸಲ್ಲಿಸಿದ ಪ್ರಮುಖರು
ಪಂಡಿತ್ ಬಿರ್ಜು ಮಹಾರಾಜ್ ನಿಧನದ ಬಗ್ಗೆ ಅವರ ಮೊಮ್ಮಗ ಸ್ವರಣ್ಶ್ ಮಿಶ್ರಾ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡುವ ಮೂಲಕ ಮಾಹಿತಿ ಹಂಚಿಕೊಂಡಿದ್ದಾರೆ. ಗಾಯಕ ಅದ್ನಾನ್ ಸಾಮಿ ಕೂಡ ಅವರಿಗೆ ಸಾಮಾಜಿಕ ಜಾಲತಾಣದ ಪೋಸ್ಟ್ ಮೂಲಕ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ.
‘ಶ್ರೇಷ್ಠ ಕಥಕ್ ನೃತ್ಯಗಾರ ಪಂಡಿತ್ ಬಿರ್ಜು ಮಹಾರಾಜ್ ಜಿ ಅವರ ನಿಧನದ ಸುದ್ದಿಯಿಂದ ತುಂಬಾ ದುಃಖವಾಗಿದೆ. ಇಂದು ನಾವು ಕಲಾ ಕ್ಷೇತ್ರದಲ್ಲಿ ಒಂದು ವಿಶಿಷ್ಟ ಸಂಸ್ಥೆಯನ್ನು ಕಳೆದುಕೊಂಡಿದ್ದೇವೆ. ಅವರು ತಮ್ಮ ಪ್ರತಿಭೆಯಿಂದ ತಲೆಮಾರುಗಳ ಮೇಲೆ ಪ್ರಭಾವ ಬೀರಿದ್ದಾರೆ’ ಎಂದು ಅದ್ನಾನ್ ಸಾಮಿ ಸಾಮಾಜಿಕ ಮಾಧ್ಯಮದಲ್ಲಿ ಬರೆದುಕೊಂಡಿದ್ದಾರೆ.
