14ರ ಬಾಲಕನೊಂದಿಗೆ ಆಂಟಿ ಪ್ರಣಯ.. ಎರಡು ಮಕ್ಕಳ ತಾಯಿಯಾದ್ರೂ ಬಿಡದ ವಾಂಛೆ!

ಆರೋಪಿ ಮಹಿಳೆಯ ಪತಿ ಸರ್ಕಾರಿ ನೌಕರಿಯಲ್ಲಿದ್ದಾರೆ. ಹೀಗೆ ಮಕ್ಕಳು ಮರಿ, ಸುಖ ಸಂಸಾರ ಎಲ್ಲ ಇದ್ದರೂ ಅದನ್ನು ಬಿಟ್ಟು ಮಗನ ವಯಸ್ಸಿನ ಹುಡುಗನನ್ನು ಪ್ರೇಮಿಸಿ ಓಡಿ ಹೋದ ಈ ಪ್ರಸಂಗ ಪ್ರಸ್ತುತ ಈ ಭಾಗದಲ್ಲಿ ಜನರ ಚರ್ಚೆಯ ವಿಷಯವಾಗಿದೆ..

ಕೋರಬಾ (ಛತ್ತೀಸಗಢ): ಇಲ್ಲಿನ ಮಾಣಿಕಪುರ ಚೌಕಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ವಿಚಿತ್ರ ಘಟನೆಯೊಂದು ನಡೆದಿದೆ. ಎರಡು ಮಕ್ಕಳ ತಾಯಿಯೊಬ್ಬಳು ತನ್ನ ಪ್ರಿಯಕರನೊಂದಿಗೆ ಪರಾರಿಯಾಗಿದ್ದಾಳೆ. ಆದರೆ, ಆಕೆಯ ಪ್ರಿಯಕರ ಈಗಿನ್ನೂ ಕೇವಲ 14 ವರ್ಷದ ಬಾಲಕ ಎನ್ನುವುದು ಈ ಸ್ಟೋರಿಯ ಟ್ವಿಸ್ಟ್​!

ಅವಳು ಮದುವೆಯಾಗಿ ಎರಡು ಮಕ್ಕಳ ತಾಯಿ. ಅದ್ಯಾವ ಮಾಯವೋ ಏನೋ.. ಆಕೆಗೆ 14 ವರ್ಷದ ಬಾಲಕನೊಂದಿಗೆ ಪ್ರೇಮ ಅಂಕುರಿಸಿತ್ತು. ಇನ್ನು, ಅವನೊಂದಿಗೇ ಇರಬೇಕೆಂದು ಬಯಸಿದ ಆಕೆ ಆ ಅಪ್ರಾಪ್ತನನ್ನು ಪುಸಲಾಯಿಸಿ ಕರೆದುಕೊಂಡು ಮನೆಬಿಟ್ಟು ಹೋಗಿಬಿಟ್ಟಳು.

ಇವರಿಬ್ಬರೂ ಕಾಣೆಯಾದ ಬಗ್ಗೆ ಸಂಬಂಧಿಕರು ದೂರು ನೀಡಿದ ನಂತರ ಹುಡುಕಾಟಕ್ಕಿಳಿದ ಪೊಲೀಸರು, ಇಬ್ಬರನ್ನೂ ಜಾಂಜಗೀರ-ಚಂಪಾ ಪ್ರದೇಶದಲ್ಲಿ ಪತ್ತೆ ಮಾಡಿ ಕರೆದುಕೊಂಡು ಬಂದಿದ್ದಾರೆ. ಸದ್ಯ ಮಹಿಳೆಯ ವಿರುದ್ಧ ಪೊಲೀಸರು ಪೋಕ್ಸೊ ಕಾಯ್ದೆಯಡಿ ಎಫ್​ಐಆರ್​ ದಾಖಲಿಸಿದ್ದಾರೆ.

ಆರೋಪಿ ಮಹಿಳೆಯ ಪತಿ ಸರ್ಕಾರಿ ನೌಕರಿಯಲ್ಲಿದ್ದಾರೆ. ಹೀಗೆ ಮಕ್ಕಳು ಮರಿ, ಸುಖ ಸಂಸಾರ ಎಲ್ಲ ಇದ್ದರೂ ಅದನ್ನು ಬಿಟ್ಟು ಮಗನ ವಯಸ್ಸಿನ ಹುಡುಗನನ್ನು ಪ್ರೇಮಿಸಿ ಓಡಿ ಹೋದ ಈ ಪ್ರಸಂಗ ಪ್ರಸ್ತುತ ಈ ಭಾಗದಲ್ಲಿ ಜನರ ಚರ್ಚೆಯ ವಿಷಯವಾಗಿದೆ.