ಕೇರಳದಲ್ಲಿ ಒಂದೇ ದಿನದಲ್ಲಿ 8 ಸಾವಿರ ತಗ್ಗಿದ ಕೋವಿಡ್​.. ನಿಟ್ಟುಸಿರು ಬಿಟ್ಟ ಜನ

ಕೇರಳದಲ್ಲಿ ಭಾನುವಾರ 51,570 ಕೊರೊನಾ ಕೇಸ್​ ಪತ್ತೆಯಾಗುವ ಆತಂಕ ಮೂಡಿಸಿತ್ತು. ಸೋಮವಾರ 8 ಸಾವಿರಕ್ಕೂ ಅಧಿಕ ಕೇಸ್​ ತಗ್ಗುವ ಮೂಲಕ ಜನರು ಕೊಂಚ ನಿರಾಳರನ್ನಾಗಿಸಿದೆ.

ತಿರುವನಂತಪುರ(ಕೇರಳ):ಕೆಲ ದಿನಗಳಿಂದ 50 ಸಾವಿರಕ್ಕೂ ಹೆಚ್ಚು ಕೊರೊನಾ ಕೇಸ್​ಗಳನ್ನು​ ದಾಖಲಿಸುತ್ತಿದ್ದ ಕೇರಳದಲ್ಲಿ ಸೋಮವಾರ 42 ಸಾವಿರ ಕೋವಿಡ್​ ಪ್ರಕರಣಗಳು ಪತ್ತೆಯಾಗಿವೆ. ಇದು ಕಳೆದೊಂದು ವಾರದಿಂದ ಏರಿಕೆ ಕಾಣುತ್ತಿದ್ದ ಸೋಂಕು ಸೋಮವಾರ ಅಲ್ಪ ಇಳಿಕೆ ಕಂಡಿದೆ.

ಸೋಮವಾರ ಒಂದೇ ದಿನದಲ್ಲಿ 42,154 ಪ್ರಕರಣ ದಾಖಲಾಗಿ, ರಾಜ್ಯದಲ್ಲಿ 3,57,552 ಸಕ್ರಿಯ ಪ್ರಕರಣಗಳಿವೆ. ಅಲ್ಲದೇ 24 ಗಂಟೆ ಅವಧಿಯಲ್ಲಿ 14 ಜನರು ಕೊರೊನಾಗೆ ಬಲಿಯಾಗಿದ್ದಾರೆ. 38,458 ಸೋಂಕಿನಿಂದ ಗುಣಮುಖರಾಗಿದ್ದಾರೆ. ಇದರಿಂದ 56,12,993 ಜನರು ಗುಣಮುಖರಾದಂತಾಗಿದೆ.

ಕೇರಳದಲ್ಲಿ ಭಾನುವಾರವಷ್ಟೇ 51,570 ಕೊರೊನಾ ಕೇಸ್​ ಪತ್ತೆಯಾಗುವ ಆತಂಕ ಮೂಡಿಸಿತ್ತು. ಸೋಮವಾರ 8 ಸಾವಿರಕ್ಕೂ ಅಧಿಕ ಕೇಸ್​ ತಗ್ಗುವ ಮೂಲಕ ಜನರು ಕೊಂಚ ನಿರಾಳರನ್ನಾಗಿಸಿದೆ.

ಕಳೆದ 24 ಗಂಟೆಗಳಲ್ಲಿ 99,410 ಜನರಿಗೆ ಕೊರೊನಾ ಪರೀಕ್ಷೆ ಮಾಡಲಾಗಿದೆ.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ