ಕೋವಿಡ್ ಕುರಿತ ಸಾರ್ಕ್​​​ ಸಭೆಗೆ ಭಾರತದಿಂದ ಪಾಕ್​​ಗೆ ಆಹ್ವಾನ

ಗಡಿ ತಕರಾರು, ಭಯೋತ್ಪಾದನೆಗೆ ಕುಮ್ಮಕ್ಕು, ಕದನ ವಿರಾಮ ಉಲ್ಲಂಘನೆ ಮುಂತಾದ ವಿಚಾರಗಳಲ್ಲಿ ವೈಮನಸ್ಯ ಇದ್ದರೂ ಕೂಡಾ ಸಾರ್ಕ್ ಸಭೆಗೆ ಪಾಕ್​ ಅನ್ನು ಭಾರತ ಆಹ್ವಾನಿಸಿದೆ.

ನವದೆಹಲಿ: ಕೋವಿಡ್ ಕುರಿತಂತೆ ದಕ್ಷಿಣ ಏಷ್ಯಾ ರಾಷ್ಟ್ರಗಳ ಪ್ರಾದೇಶಿಕ ಸಹಕಾರ ಸಂಘಟನೆ(ಸಾರ್ಕ್​) ಸಭೆ ಗುರುವಾರ ನಡೆಯುವ ಸಾಧ್ಯತೆಯಿದ್ದು, ಈ ಸಭೆಗೆ ಪಾಕಿಸ್ತಾನವನ್ನು ಭಾರತ ಆಹ್ವಾನಿಸಿದೆ.

ಆರೋಗ್ಯ ಕಾರ್ಯದರ್ಶಿಗಳ ಮಟ್ಟದಲ್ಲಿ ಈ ಸಾರ್ಕ್​ ಸಭೆ ನಡೆಯಲಿದ್ದು, ಕೋವಿಡ್ ಅನ್ನು ನಿರ್ವಹಿಸುವ ಮತ್ತು ನಿಯಂತ್ರಿಸುವ ಬಗ್ಗ ಚರ್ಚೆ ನಡೆಯಲಿದೆ. ವಿಡಿಯೋ ಕಾನ್ಫರೆನ್ಸ್​ ಮೂಲಕ ಈ ಸಭೆ ನಡೆಯಲಿದೆ.

ಈಗ ಸದ್ಯಕ್ಕೆ 8 ಸಾರ್ಕ್​ ಸದಸ್ಯ ರಾಷ್ಟ್ರಗಳಿವೆ. ಭಾರತ, ಆಫ್ಘಾನಿಸ್ತಾನ, ಬಾಂಗ್ಲಾದೇಶ, ನೇಪಾಳ, ಮಾಲ್ಡೀವ್ಸ್​, ಪಾಕಿಸ್ತಾನ, ಶ್ರೀಲಂಕಾ ಸದಸ್ಯ ರಾಷ್ಟ್ರಗಳಾಗಿದ್ದು, ಸಾರ್ಕ್ ಸಭೆಯಲ್ಲ ಪಾಲ್ಗೊಳ್ಳಲಿವೆ.

ಇದನ್ನೂ ಓದಿ :ಅಪ್ರಾಪ್ತೆ ಮೇಲೆ ರೇಪ್​ ಪ್ರಕರಣ​: ಶಿಕ್ಷಕನಿಗೆ 10 ವರ್ಷ ಜೈಲು ಶಿಕ್ಷೆ ವಿಧಿಸಿದ ಕೋರ್ಟ್​

2020ರ ಮಾರ್ಚ್​ನಲ್ಲಿ ಪ್ರಧಾನಿ ಮೋದಿ ನೇತೃತ್ವದಲ್ಲಿ ಕೋವಿಡ್ ನಿಯಂತ್ರಣಕ್ಕೆ ಸಂಬಂಧಿಸಿದಂತೆ ಸಾರ್ಕ್​ ಸಭೆಯನ್ನು ಕರೆಯಲಾಗಿತ್ತು. ಈ ಸಭೆಯಲ್ಲಿ ಪಾಕಿಸ್ತಾನ ಹೊರತುಪಡಿಸಿ, ಉಳಿದ ದೇಶಗಳ ಮುಖ್ಯಸ್ಥರು ಆಗಮಿಸಿದ್ದರು.

ಈ ಸಭೆಯಲ್ಲಿ ಸಾರ್ಕ್ ತುರ್ತುನಿಧಿಯನ್ನು ಘೋಷಣೆ ಮಾಡಲಾಯಿತು. ಸಾರ್ಕ್​ನ ಸದಸ್ಯ ರಾಷ್ಟ್ರಗಳು ಈ ನಿಧಿಗೆ ದೇಣಿಗೆ ನೀಡಿದ್ದವು. ಇದರಿಂದ ಪಾಕಿಸ್ತಾನ ಸಾರ್ಕ್​ ಸದಸ್ಯ ರಾಷ್ಟ್ರಗಳಿಂದ ಬೇರ್ಪಟ್ಟ ಸ್ಥಿತಿಯನ್ನು ನಿರ್ಮಾಣ ಮಾಡಲಾಯಿತು.

ಕಾಶ್ಮೀರ ವಿಚಾರದ ವಿವಾದ ಸೃಷ್ಟಿಸಿದ ಹಿನ್ನೆಲೆಯಲ್ಲಿ ಭಾರತವೂ ಪಾಕ್ ವಿರುದ್ಧ ಆಕ್ಷೇಪ ವ್ಯಕ್ತಪಡಿಸಿದೆ. ಈ ಹಿನ್ನೆಲೆಯಲ್ಲಿ ಮತ್ತು ಚೀನಾದೊಂದಿಗಿನ ಸಂಬಂಧ ಹಾಗೂ ಗಡಿ ತಕರಾರಿನ ಕಾರಣದಿಂದ ಪಾಕ್ ನಡುವೆ ವೈಮನಸ್ಯ ಮುಂದುವರೆದಿದೆ. ಆದರೂ ಕೂಡಾ ಭಾರತ ಈ ಬಾರಿಯ ಸಾರ್ಕ್​ ಸಭೆಗೆ ಪಾಕ್ ಅನ್ನು ಆಹ್ವಾನಿಸಿದೆ.