ಇಂಗ್ಲಿಷ್​ನಲ್ಲಿ ಮಾತನಾಡಿದ್ದಕ್ಕೆ ಮಾಜಿ ಲೆಫ್ಟಿನೆಂಟ್​ ಮೊಮ್ಮಗನ ಮೇಲೆ ನಾಯಿ ದಾಳಿ ಮಾಡಿಸಿದ ವ್ಯಕ್ತಿ!

ಇಂಗ್ಲಿಷ್​ನಲ್ಲಿ ಮಾತನಾಡಿದ ಎಂದು ವ್ಯಕ್ತಿಯೊಬ್ಬ ಮಾಜಿ ಲೆಫ್ಟಿನೆಂಟ್​ ಸಿ.ವಿ. ಬಹದ್ದೂರ್​ ಅವರ ಮೊಮ್ಮಗನಾದ ಅಂಶುಮಾನ್​ ಥಾಪಾ ಎಂಬುವರ ಮೇಲೆ ತನ್ನ ನಾಯಿಯಿಂದ ದಾಳಿ ಮಾಡಿಸಿ ಗಾಯಗೊಳಿಸಿದ್ದಾನೆ.

ಡೆಹ್ರಾಡೂನ್(ದೆಹಲಿ):ಇಂಗ್ಲಿಷ್​ನಲ್ಲಿ ಮಾತನಾಡಿದ್ದಕ್ಕೆ ನೇಪಾಳಿಗ ಎಂದುಕೊಂಡು ಆತನ ಮೇಲೆ ನಾಯಿಯನ್ನು ಚೂ ಬಿಟ್ಟು ವ್ಯಕ್ತಿಯೊಬ್ಬನನ್ನು ಗಾಯಗೊಳಿಸಿದ ಘಟನೆ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ನಡೆದಿದೆ. ಅದೂ ಕೂಡ 4 ಬಾರಿ ನಾಯಿಯಿಂದ ಕಚ್ಚಿಸಿದ್ದು, ಈ ಬಗ್ಗೆ ಗಾಯಾಳು ವ್ಯಕ್ತಿ ಪೊಲೀಸ್​ ಠಾಣೆಗೆ ದೂರು ನೀಡಿದ್ದಾನೆ.

ದೆಹಲಿಯಲ್ಲಿರುವ ಡೆಹ್ರಾಡೂನ್​ ನಿವಾಸಿ, ಮಾಜಿ ಲೆಫ್ಟಿನೆಂಟ್​ ಸಿ.ವಿ. ಬಹದ್ದೂರ್​ ಅವರ ಮೊಮ್ಮಗ ಅಂಶುಮಾನ್​ ಥಾಪಾ ದಾಳಿಗೆ ಒಳಗಾದವರು. ಅಂಶುಮಾನ್​ ಥಾಪಾ ಅವರು ಅಂಗಡಿಗೆ ಹೋದಾಗ ಇಂಗ್ಲಿಷ್​​ನಲ್ಲಿ ಮಾತನಾಡಿದ್ದಾರೆ. ಈ ವೇಳೆ ಅಲ್ಲಿಗೆ ಬಂದ ಕೈಫ್​ ಎಂಬಾತ 'ನೀನು ನೇಪಾಳಿಯ' ಎಂದು ಪ್ರಶ್ನಿಸಿದ್ದಾರೆ. ಅಲ್ಲ ಎಂದು ಅಂಶುಮಾನ್​ ಥಾಪಾ ಹೇಳಿದರೂ ಬಿಡದ ಆ ವ್ಯಕ್ತಿ ಜಗಳ ತೆಗೆದು ಹಲ್ಲೆಗೆ ಮುಂದಾಗಿದ್ದಾನೆ.

ಈ ವೇಳೆ ಕೈಫ್​ನ ನಾಯಿ ಅಂಶುಮಾನ್​ ಥಾಪಾ ಮೇಲೆ ದಾಳಿ ಮಾಡಿದೆ. ಇದನ್ನು ತಡೆಯದ ಕೈಫ್​ ಕಚ್ಚಲು ಪ್ರೇರೇಪಿಸಿದ್ದಾನೆ. ನಾಯಿಯ ದಾಳಿಯಿಂದ ಗಾಯಗೊಂಡ ಥಾಪಾ ತಪ್ಪಿಸಿಕೊಂಡು ಅಂಗಡಿಯೊಳಕ್ಕೆ ಓಡಿ ಹೋಗಿದ್ದಾನೆ. ಆದರೂ ಬಿಡದ ಕೈಫ್​ ಮತ್ತು ಆತನ ನಾಯಿ ಪದೇ ಪದೇ ದಾಳಿ ಮಾಡಿಸಿ ಕಚ್ಚಿಸಿದ್ದಾನೆ.

ಹೇಗೋ ಮನೆಗೆ ವಾಪಸಾದ ಬಳಿಕ ಅಂಶುಮಾನ್​ ಥಾಪಾ ಸ್ಥಿತಿಯನ್ನು ನೋಡಿದ ಸ್ನೇಹಿತರು ಗಾಬರಿಯಾಗಿದ್ದಾರೆ. ನಡೆದ ಘಟನೆ ವಿವರಿಸಿದ ಬಳಿಕ ಪೊಲೀಸ್​ ಠಾಣೆಗೆ ದೂರು ನೀಡಿದ್ದಾರೆ. ಕಣ್ಮರೆಯಾಗಿರುವ ನಾಯಿ ದಾಳಿಕೋರ ಕೈಫ್​ನ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ.

ಓದಿ:ಕೋಳಿ ಬಲಿ ನೋಡ್ತಿದ್ದಂಗೆ ದಿಢೀರ್​ ಹಾರಿ ಮರವೇರಿತು ಹುಂಜ.. ಸಾವಿನ ದವಡೆಯಿಂದ ಪಾರು!