ನೀಲಗಿರಿ(ತಮಿಳುನಾಡು) :ತಮಿಳುನಾಡಿನ ಕುನೂರು ಬಳಿ ಸಂಭವಿಸಿದ ಸೇನಾ ಹೆಲಿಕಾಪ್ಟರ್ ದುರಂತದ ಕೊನೆಯ ಕ್ಷಣದ ವಿಡಿಯೋವನ್ನು ಸೆರೆ ಹಿಡಿದಿದ್ದಕೊಯಂಬತ್ತೂರಿನ ರಾಮನಾಥಪುಂ ಪ್ರದೇಶದ ಜೋ ಎಂಬುವರು ಇದೀಗ ಈಟಿವಿ ಭಾರತ ಜೊತೆ ಮಾತನಾಡಿದ್ದಾರೆ.
ಜೋ ಹೇಳಿಕೊಂಡಿರುವ ಪ್ರಕಾರ, ಸ್ನೇಹಿತ ನಾಸರ್ ಹಾಗೂ ಕುಟುಂಬದೊಂದಿಗೆ ನಾವು ಹೊರಗಡೆ ಪ್ರಯಾಣ ಬೆಳೆಸಿದ್ದೆವು. ಈ ವೇಳೆ, ರೈಲ್ವೆ ಟ್ರ್ಯಾಕ್ ಮೇಲೆ ನಡೆದುಕೊಂಡು ಹೋಗುತ್ತಿದ್ದಾಗ ಹೆಲಿಕಾಪ್ಟರ್ ಹಾರುತ್ತಿರುವುದನ್ನ ನೋಡಿದೆವು. ಆಗ, ನಾನು ಮೊಬೈಲ್ನಲ್ಲಿ ಆ ವಿಡಿಯೋ ಸೆರೆಹಿಡಿಯಲು ಮುಂದಾದೆ. ಆದರೆ, ಕ್ಷಣಾರ್ಧದಲ್ಲೇ ಅದು ಕಣ್ಮರೆಯಾಯಿತು ಎಂದು ತಿಳಿಸಿದ್ದಾರೆ.
ಸೇನಾ ಹೆಲಿಕಾಪ್ಟರ್ ಪತನದ ಕೊನೆ ದೃಶ್ಯ ಸೆರೆ ಹಿಡಿದ ವ್ಯಕ್ತಿಯ ಮಾತು
ಹೆಲಿಕಾಪ್ಟರ್ ಕಣ್ಮರೆಯಾದ ಕ್ಷಣದಲ್ಲೇ ದೊಡ್ಡ ಸ್ಫೋಟದ ಶಬ್ದ ಕೇಳಿಸಿತು. ಈ ವೇಳೆ, ಸ್ಥಳಕ್ಕೆ ಧಾವಿಸಲು ನಾವು ಯತ್ನಿಸಿದಾಗ ಪೊಲೀಸರು ನಮ್ಮನ್ನು ತಡೆದರು ಎಂಬ ಮಾಹಿತಿ ಹಂಚಿಕೊಂಡಿದ್ದಾರೆ. ಇದರ ಬಳಿಕ ನಾವು ನೀಲಗಿರಿ ಜಿಲ್ಲಾಧಿಕಾರಿಗಳ ಕಚೇರಿ ಮತ್ತು ಹತ್ತಿರದ ಕಾಟೇರಿ ಪೊಲೀಸ್ ಠಾಣೆಗೆ ಹೋದೆವು.