ಛತ್ತರ್‌ಪುರ (ಮಧ್ಯಪ್ರದೇಶ): ಮೊಬೈಲ್ ಬ್ಯಾಟರಿ ಸ್ಫೋಟಗೊಂಡ ಪರಿಣಾಮ 8 ವರ್ಷದ ಮಗು ತೀವ್ರವಾಗಿ ಗಾಯಗೊಂಡಿರುವ ಘಟನೆ ಮಧ್ಯಪ್ರದೇಶದ ಛತ್ತರ್‌ಪುರದಲ್ಲಿ ಜರುಗಿದೆ. ಮಗುವಿಗೆ ಪ್ರಾಥಮಿಕ ಚಿಕಿತ್ಸೆ ಕೊಡಿಸಿದ ನಂತರ ಗ್ವಾಲಿಯರ್‌ನ ಛತ್ತರ್‌ಪುರ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ. ಕಣ್ಣು, ಮುಖ ಮತ್ತು ಎದೆಗೆ ಗಂಭೀರ ಗಾಯಗಳಾಗಿವೆ.
ಈ ಸಂಬಂಧ ಮಾತನಾಡಿದ ಡಾ.ಜಿ.ಎಲ್.ಅಹಿರ್ವಾರ್, ಮಗುವಿನ ಸ್ಥಿತಿ ಗಂಭೀರವಾಗಿದೆ ಎಂದಿದ್ದಾರೆ. ಕೊತ್ವಾಲಿಯ ನಜರ್‌ಬಾಗ್‌ನ ನಿವಾಸಿ ಹಾಗೂ ಮಗುವಿನ ತಂದೆ ಇಸ್ತ್ಕರ್ ಖಾನ್ ಮಾತನಾಡಿ, ಇಲ್ಲಿ ಅಗತ್ಯ ಚಿಕಿತ್ಸೆ ಸಿಗದ ಕಾರಣ ಮಗುವನ್ನು ಗ್ವಾಲಿಯರ್‌ಗೆ ಕರೆದೊಯ್ದಿದ್ದೇವೆ. ಚಿಂಟು ಮನೆಯೊಳಗೆ ಕೆಟ್ಟುಹೋದ ಮೊಬೈಲ್ ಬ್ಯಾಟರಿಯೊಂದಿಗೆ ಆಟವಾಡುತ್ತಿದ್ದ. ಆ ವೇಳೆ ಬ್ಯಾಟರಿಗೆ ವಿದ್ಯುತ್ ತಂತಿ ತಗುಲಿಸಿದ್ದಾನೆ. ಪರಿಣಾಮ ಸ್ಫೋಟಗೊಂಡಿದೆ ಎಂದು ಘಟನೆಯನ್ನು ವಿವರಿಸಿದರು.