ಸೆಹ್ವಾಗ್​ ಮಾನವೀಯ ಕೆಲಸಕ್ಕೆ ಸಾಥ್​ ನೀಡಿದ ಡೊಮಿನೊಸ್​​!

ಕೊರೊನಾ ಸೋಂಕಿತರಿಗೆ ಆಹಾರ ವಿತರಣೆ ಮಾಡುತ್ತಿರುವ ವಿರೇಂದ್ರ ಸೆಹ್ವಾಗ್​​ ಕೆಲಸಕ್ಕೆ ಇದೀಗ ಡೊಮಿನೊಸ್​ ಪಿಜ್ಜಾ ಸಾಥ್​ ನೀಡಿದೆ.

ನವದೆಹಲಿ:ಟೀಂ ಇಂಡಿಯಾ ಸ್ಫೋಟಕ ಮಾಜಿ ಆಟಗಾರ ವಿರೇಂದ್ರ ಸೆಹ್ವಾಗ್​ ಇದೀಗ ಕೊರೊನಾ ಸೋಂಕಿತರ ಆರೈಕೆಯಲ್ಲಿ ಭಾಗಿಯಾಗಿದ್ದು, ದೆಹಲಿಯ ಕೋವಿಡ್​​ ರೋಗಿಗಳು ಮತ್ತು ಕೋವಿಡ್​ ಆರೈಕೆ ಕೇಂದ್ರಗಳಿಗೆ ಮನೆಯಲ್ಲಿ ಬೇಯಿಸಿದ ಊಟವನ್ನ ಉಚಿತವಾಗಿ ಒದಗಿಸುತ್ತಿದ್ದಾರೆ.

ವಿರೇಂದ್ರ ಸೆಹ್ವಾಗ್​ ಅವರ ಈ ಕಾರ್ಯಕ್ಕೆ ಇದೀಗ ಡೊಮಿನೊಸ್​ ಪಿಜ್ಜಾ ವಿತರಣಾ ಪಾಲುದಾರರಾಗಿದೆ. ಇದಕ್ಕೆ ಸಂಬಂಧಿಸಿದಂತೆ ಟ್ವಿಟ್​ ಮಾಡಿರುವ ಸೆಹ್ವಾಗ್​ ಮಾಹಿತಿ ಹಂಚಿಕೊಂಡಿದ್ದಾರೆ. ಕೋವಿಡ್ ಸೋಂಕಿಗೊಳಗಾದವರಿಗೆ ಊಟದ ಅವಶ್ಯಕತೆ ಇದ್ದಲ್ಲಿ ಸೆಹ್ವಾಗ್​ ಫೌಂಡೇಷನ್​ಗೆ ಮಾಹಿತಿ ನೀಡಿ ಎಂದು ಅವರು ಇದೇ ವೇಳೆ ಮನವಿ ಸಹ ಮಾಡಿಕೊಂಡಿದ್ದಾರೆ.

ದೇಶದಲ್ಲಿ ಕೊರೊನಾ ಸೋಂಕಿನಿಂದಾಗಿ ಅನೇಕರು ತೊಂದರೆಗೊಳಗಾಗಿದ್ದು, ಅನೇಕ ಕ್ರಿಕೆಟರ್ಸ್​, ಬಾಲಿವುಡ್​ ನಟರು ಸೇರಿದಂತೆ ಅನೇಕರು ಸಹಾಯ ಮಾಡುತ್ತಿದ್ದಾರೆ.