ಚಂಡೀಗಢ: ಇಲ್ಲಿನ ನಗರದ ಬಾಪುಧಾಮ್ ಕಾಲೋನಿ ಸೆಕ್ಟರ್ 26 ಸಮೀಪದ ಶಾಸ್ತ್ರಿ ನಗರ ಸುಖ್ನಾ ಚೌದಲ್ಲಿ ಇಂದು ಬಾಂಬ್ ಶೆಲ್ ಪತ್ತೆಯಾಗಿದೆ. ಈ ಬಾಂಬ್ ಸುಮಾರು 51 ಎಂಎಂ ಇದೆ. ಸುಖ್ನಾ ಚೌ ಮೇಲೆ ಗುಡ್ಡಗಾಡು ಪ್ರದೇಶದಿಂದ ಈ ಬಾಂಬ್ ನೀರಿನೊಂದಿಗೆ ಕೊಚ್ಚಿಕೊಂಡು ಬಂದಿದೆ ಎಂಬ ಶಂಕೆ ವ್ಯಕ್ತವಾಗಿದೆ. ಮತ್ತೊಂದೆಡೆ, ಕೆಲವು ಮಕ್ಕಳು ಸುಖ್ನಾ ಚೌ ದಿಂದ ಈಜಲು ಬಂದಾಗ ಬಾಂಬ್‌ನ ಶೆಲ್ ಪತ್ತೆಯಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ.
ಬಾಂಬ್ ಸಿಕ್ಕ ಪ್ರದೇಶವನ್ನು ಸೀಲ್ ಮಾಡಿದ ಪೊಲೀಸರು: ಮಾಹಿತಿಯ ಪ್ರಕಾರ, ಪೊಲೀಸರು ಈ ಬಾಂಬ್ ಶೆಲ್ ಅನ್ನು ವಶಪಡಿಸಿಕೊಂಡಿದ್ದಾರೆ. ಬಾಂಬ್ಅನ್ನು ಮರಳಿನ ಚೀಲದಲ್ಲಿ ಇರಿಸಿ ಮುಚ್ಚಲಾಗಿದೆ. ಜೊತೆಗೆ ಬಾಂಬ್ ಸಿಕ್ಕ ಇಡೀ ಪ್ರದೇಶವನ್ನು ಅದರಲ್ಲೂ ರಸ್ತೆಗಳನ್ನು ಪೊಲೀಸರು ಸೀಲ್ ಮಾಡಿದ್ದಾರೆ. ಸದ್ಯ ಈ ಬಾಂಬ್ಅನ್ನು ಸೇನೆಯ ವಿಶೇಷ ತಂಡ ಪರಿಶೀಲಿಸುತ್ತಿದೆ.
ಈ ಹಿಂದೆಯೂ ಪತ್ತೆಯಾಗಿತ್ತು ಬಾಂಬ್: ಜನವರಿ ತಿಂಗಳಲ್ಲಿ ಪಂಜಾಬ್ ಗಡಿಯಲ್ಲಿರುವ ಕನ್ಸಾಲ್ ಗ್ರಾಮದಲ್ಲಿ ಸಜೀವ ಬಾಂಬ್ ಪತ್ತೆಯಾಗಿತ್ತು. ಈ ಬಾಂಬ್ ಏನಾದರೂ ಸ್ಫೋಟಗೊಂಡಿದ್ದರೆ ಅದು 100 ಮೀಟರ್ ವ್ಯಾಪ್ತಿ ಪ್ರದೇಶವನ್ನು ನಾಶಪಡಿಸುತ್ತಿತ್ತು ಎಂದು ತಜ್ಞರು ಹೇಳಿದ್ದಾರೆ. ಹೀಗಾಗಿ ಇಲ್ಲಿ ಭದ್ರತೆ ದೃಷ್ಟಿಯಿಂದ ಪೊಲೀಸರು ಹಾಗೂ ಸೇನೆಯಿಂದ ಸಕಲ ವ್ಯವಸ್ಥೆ ಮಾಡಲಾಗಿತ್ತು. ರಾಜೀಂದ್ರ ಪಾರ್ಕ್ ಬಳಿ ಸೇನಾ ರೋಬೋಟ್ ಬಾಂಬ್ ಅನ್ನು ಬಾಂಬ್ ಅನ್ನು ಸ್ಥಳದಿಂದ ವಶಪಡಿಕೊಂಡಿತ್ತು ಮತ್ತು ರಕ್ಷಣಾ ಜಾಕೆಟ್ಗಳನ್ನು ಧರಿಸಿದ ಸೇನಾ ತಂಡವು ಬಾಂಬ್ ಸಿಕ್ಕ ಸ್ಥಳವನ್ನು ಪರಿಶೀಲನೆ ನಡೆಸಿತ್ತು.
ಜಿಲ್ಲಾ ನ್ಯಾಯಾಲಯದ ಸಂಕೀರ್ಣದಲ್ಲಿ ಬಾಂಬ್ ಇಟ್ಟಿರುವ ಬಗ್ಗೆ ಬೆದರಿಕೆ ಕರೆ: ಇದೇ ವರ್ಷದ ಜನವರಿಯಲ್ಲಿ ಚಂಡೀಗಢದ ಜಿಲ್ಲಾ ನ್ಯಾಯಾಲಯದ ಸಂಕೀರ್ಣದಲ್ಲಿ ಬಾಂಬ್ ಇಡಲಾಗಿದೆ ಎಂಬ ಬೆದರಿಕೆ ಕರೆ ಪೊಲೀಸರಿಗೆ ಬಂದಿತ್ತು. ನ್ಯಾಯಮೂರ್ತಿಗಳು, ವಕೀಲರು ಸೇರಿದಂತೆ ಸಂಕೀರ್ಣದೊಳಗಿದ್ದ ಎಲ್ಲರನ್ನೂ ಆಚೆ ಕಳುಹಿಸಲಾಗಿತ್ತು. ಬಳಿಕ ಬಾಂಬ್ ನಿಷ್ಕ್ರಿಯ ದಳ ಹಾಗೂ ಶ್ವಾನ ದಳದವರು ಸ್ಥಳದಲ್ಲಿ 4 ಗಂಟೆಗಳ ಕಾಲ ತಪಾಸಣೆ ನಡೆಸಿದ್ದರು. ಮುನ್ನೆಚ್ಚರಿಕೆ ಕ್ರಮವಾಗಿ ನ್ಯಾಯಾಲಯ ಸಂಕೀರ್ಣದ ಸುತ್ತಲೂ ಬಿಗಿ ಪೊಲೀಸ್ ಬಂದೋಬಸ್ತ್‌ ಕಲ್ಪಿಸಲಾಗಿತ್ತು. ನಂತರ ಇದೊಂದು ಹುಸಿ ಬಾಂಬ್ ಕರೆ ಎಂದು ಪೊಲೀಸರು ತಿಳಿಸಿದ್ದರು.
ಇದನ್ನೂ ಓದಿ:ಅಂತಾರಾಷ್ಟ್ರೀಯ ಗಡಿ ದಾಟಿದ ಪಾಕಿಸ್ತಾನಿ ಪ್ರಜೆ: ಅಮೃತಸರದಲ್ಲಿ ಬಿಎಸ್ಎಫ್ ಸಿಬ್ಬಂದಿಯಿಂದ ಬಂಧನ
ಹುಸಿ ಬಾಂಬ್ ಕರೆ ಮಾಡಿದ ಆರೋಪಿ ಸೆರೆ:ಇತ್ತೀಚಿಗೆ, ಶಿವಾಜಿ ನಗರದ ಆಜಾಂ ಮಸೀದಿಯಲ್ಲಿ ಬಾಂಬ್ ಇರಿಸಲಾಗಿದೆ ಎಂದು ಹುಸಿ ಕರೆ ಮಾಡಿದ್ದ ಆರೋಪಿಯನ್ನು ಶಿವಾಜಿ ನಗರ ಠಾಣಾ ಪೊಲೀಸರು ತೆಲಂಗಾಣದಲ್ಲಿ ಬಂಧಿಸಿದ್ದರು. ಮಹಾರಾಷ್ಟ್ರ ಮೂಲದ ಸೈಯದ್ ಮಹಮ್ಮದ್ ಅನ್ವರ್ (37) ಬಂಧಿತ ಆರೋಪಿ. ರಾತ್ರಿ ಮಸೀದಿಯಲ್ಲಿ ತಂಗಲು ಆರೋಪಿ ಅವಕಾಶ ಕೇಳಿದ್ದ. ಇದಕ್ಕೆ ಮಸೀದಿ ಸಿಬ್ಬಂದಿ ಅವಕಾಶ ನೀಡರಲಿಲ್ಲ. ಇದರಿಂದ ಬೇಸರಗೊಂಡಿದ್ದ ಆರೋಪಿ ಮೆಜೆಸ್ಟಿಕ್ಗೆ ತೆರಳಿ ಕರ್ನೂಲ್ ಬಸ್ ಹತ್ತಿದ್ದ. ಬಳಿಕ ಬಸ್ ಬೆಂಗಳೂರು ಹೊರವಲಯದ ದೇವನಹಳ್ಳಿ ದಾಟುತ್ತಿದ್ದಂತೆ ಪೊಲೀಸ್ ಸಹಾಯವಾಣಿ 112ಕ್ಕೆ ಕರೆ ಮಾಡಿ ಆಜಾಂ ಮಸೀದಿಯಲ್ಲಿ ಬಾಂಬ್ ಇಟ್ಟಿದ್ದಾರೆ ಎಂದು ಹೇಳಿದ್ದ.
