ಬೌದ್ಧ ಗುರು ದಲೈ ಲಾಮಾ ಹುಟ್ಟುಹಬ್ಬದಂದು ಚೀನಾ ಸೇನೆ ಪ್ರತಿಭಟನೆ

ಈ ಘಟನೆ ತುಂಬಾ ಬೇಸರದ ಸಂಗತಿ. ಚೀನಾ ಸೈನಿಕರು ಮತ್ತು ಪ್ರಜೆಗಳು ಇಲ್ಲಿ ನಡೆಯುವ ಎಲ್ಲಾ ಬೆಳವಣಿಗೆಗಳಿಗೂ ಪ್ರತಿಕ್ರಿಯೆ ನೀಡುತ್ತಾರೆ. ಇದು ಚೀನಾದ ಅತಿರೇಖ ವರ್ತನೆ ಎಂದು ಚುನ್ಶುಲ್ ಕೌನ್ಸಿಲರ್ ಅಭಿಪ್ರಾಯಪಟ್ಟಿದ್ದಾರೆ.

ಶ್ರೀನಗರ, ಜಮ್ಮು ಕಾಶ್ಮೀರ: ಚೀನಾ, ಭಾರತ ಗಡಿಯಾದ ಎಲ್​ಎಸಿ ( ಲೈನ್ ಆಫ್ ಆಕ್ಚುವಲ್ ಕಂಟ್ರೋಲ್​) ಬಳಿ ಸ್ಥಳೀಯರು ಟಿಬೆಟ್ ಧರ್ಮಗುರು ದಲೈ ಲಾಮಾ ಅವರ 86ನೇ ಹುಟ್ಟುಹಬ್ಬ ಆಚರಣೆ ಮಾಡುತ್ತಿರುವಾಗ ಚೀನಾದ ಸೈನಿಕರು ಅದಕ್ಕೆ ವಿರೋಧ ವ್ಯಕ್ತಪಡಿಸಿ ಬ್ಯಾನರ್​ಗಳನ್ನು, ಚೀನಾ ಬಾವುಟಗಳನ್ನು ಪ್ರದರ್ಶಿಸಿದ ಘಟನೆ ನಡೆದಿದೆ.

ಕುಯೌಲ್ ಪ್ರದೇಶದಲ್ಲಿ ಡೋಲೆಯಲ್ಲಿರುವ ಸಿಂಧೂ ನದಿ ದಡದಲ್ಲಿ ಈ ಘಟನೆ ನಡೆದಿದ್ದು, ಸಿಂಧೂ ನದಿಯ ದಡದಲ್ಲಿರುವ ಭಾರತೀಯ ಗ್ರಾಮಗಳ ಜನತೆ ದಲೈ ಲಾಮಾ ಹುಟ್ಟುಹಬ್ಬವನ್ನು ಆಚರಿಸುತ್ತಿದ್ದಾಗ ಮತ್ತೊಂದು ದಡದಲ್ಲಿದ್ದ ಚೀನಾದ ಸೈನಿಕರು ಮತ್ತು ಚೀನೀ ಪ್ರಜೆಗಳು ಬ್ಯಾನರ್ ಮತ್ತು ಚೀನಾ ಬಾವುಟ ಪ್ರದರ್ಶಿಸಿದ್ದಾರೆ ಎಂದು ಚುನ್ಶುಲ್ ಕೌನ್ಸಿಲರ್ ಕೊಂಚೋಕ್ ಸ್ಟಾನ್​ಜೆನ್ ಹೇಳಿದ್ದಾರೆ.

ಈ ಘಟನೆ ತುಂಬಾ ಬೇಸರದ ಸಂಗತಿ. ಚೀನಾ ಸೈನಿಕರು ಮತ್ತು ಪ್ರಜೆಗಳು ಇಲ್ಲಿ ನಡೆಯುವ ಎಲ್ಲಾ ಬೆಳವಣಿಗೆಗಳಿಗೂ ಪ್ರತಿಕ್ರಿಯೆ ನೀಡುತ್ತಾರೆ. ಇದು ಚೀನಾದ ಅತಿರೇಖ ವರ್ತನೆ ಎಂದು ಕೊಂಚೋಕ್ ಸ್ಟಾನ್​ಜೆನ್ ಅಭಿಪ್ರಾಯಪಟ್ಟಿದ್ದಾರೆ.

ಇದನ್ನೂ ಓದಿ:ಇತ್ತೀಚೆಗೆ 8 ಕೋಟಿ ಮೌಲ್ಯದ ಕಾರು ಕೊಂಡಿದ್ದ ಬಿಲ್ಡರ್ ವಿರುದ್ಧ ದಾಖಲಾಯ್ತು ವಿದ್ಯುತ್ ಕಳವು ಕೇಸ್

ಜುಲೈ 6ರಂದು ಈ ಘಟನೆ ನಡೆದಿದ್ದು, ಚೀನಾದವರು ಪ್ರದರ್ಶಿಸಿದ ಬ್ಯಾನರ್ ಮೇಲೆ ಮ್ಯಾಂಡರಿನ್ ಭಾಷೆಯಲ್ಲಿ ಏನೋ ಬರೆಯಲಾಗಿತ್ತು. ಆದರೆ ಓದಲು ಸಾಧ್ಯವಾಗಲಿಲ್ಲ. ಅವರು ಭಾರತದ ಭೂಮಿಯಲ್ಲೇ ನಿಂತು ಪ್ರತಿಭಟನೆ ನಡೆಸುತ್ತಿದ್ದರು. ಜೊತೆಗೆ ಇಂಥಹ ಘಟನೆ ಇದೇ ಮೊದಲಲ್ಲ ಎಂದು ಕೊಂಚೋಕ್ ಸ್ಟಾನ್​ಜೆನ್ ಸ್ಪಷ್ಟನೆ ನೀಡಿದ್ದಾರೆ.