ಪೊಲೀಸ್​ ಅಧಿಕಾರಿಗೆ ಆವಾಜ್​ ಹಾಕಿದ ಬಿಜೆಪಿ ಮುಖಂಡ: ವಿಡಿಯೋ ವೈರಲ್​

ಉತ್ತರಪ್ರದೇಶ ಮತದಾನ ವೇಳೆ ಬಿಜೆಪಿ ಮುಖಂಡ ಸುರೇಶ್​ ಅವಸ್ಥಿ ಸರ್ಕಲ್​ ಇನ್ಸ್​ಪೆಕ್ಟರ್​​ಗೆ ಆವಾಜ್​ ಹಾಕಿರುವ ವಿಡಿಯೋ ಹರಿದಾಡುತ್ತಿದೆ.

ಕಾನ್ಪುರ (ಯುಪಿ): ನಿನ್ನೆ ನಡೆದ ಮತದಾನ ವೇಳೆ ಬಿಜೆಪಿ ಮುಖಂಡ ಪೊಲೀಸ್​ ಅಧಿಕಾರಿಗೆ ಬೆದರಿಕೆಯೊಡ್ಡಿರುವ ಘಟನೆ ಉತ್ತರಪ್ರದೇಶದಲ್ಲಿ ನಡೆದಿದೆ.

ಬಿಜೆಪಿ ನಾಯಕ ಸುರೇಶ್​ ಅವಸ್ಥಿ ಎಂಬುವರು ಮತದಾನ ವೇಳೆ ಸರ್ಕಲ್​ ಇನ್ಸ್​ಪೆಕ್ಟರ್​​ಗೆ ಆವಾಜ್​ ಹಾಕಿರುವ ವಿಡಿಯೋ ಹರಿದಾಡುತ್ತಿದೆ. ನೀನು ನನ್ನ ಹಿಟ್​ ಲಿಸ್ಟ್​ನಲ್ಲಿದ್ದೀಯ. ನಿನ್ನನ್ನು ನಾಳೆ ನೋಡಿಕೊಳ್ಳುತ್ತೇನೆ ಎಂದು ಬೆದರಿಕೆಯೊಡ್ಡಿರುವುದು ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಇದಕ್ಕೆ ಪೊಲೀಸ್​ ಅಧಿಕಾರಿ ಸಹ, ಏನ್​ ಬೇಕಾದ್ರೂ ಮಾಡಿಕೊಳ್ಳಿ ಎಂದು ಹೇಳಿದ್ದಾರೆ.ಈ ವೇಳೆ ಮಧ್ಯೆಪ್ರದೇಶಿಸಿದ ಮೇಯರ್​ ಪ್ರಮೀಳಾ ಪಾಂಡೆ ಹಾಗೂ ಕೆಲ ಬಿಜೆಪಿ ನಾಯಕರು ಜಗಳ ಬಿಡಿಸಲು ಯತ್ನಿಸಿದ್ದಾರೆ.