ಪ. ಬಂಗಾಳ ರಾಜ್ಯಪಾಲರನ್ನು ಭೇಟಿ ಮಾಡಿದ ಮಾಡೆಲ್​ ಮಿಲಿಂದ್​

ಮಾಡೆಲ್​ ಮಿಲಿಂದ್​​ ಸೋಮನ್ ಪಶ್ಚಿಮ ಬಂಗಾಳ ರಾಜ್ಯಪಾಲ ಜಗದೀಪ್ ಧನಕರ್ ಅವರನ್ನು ಡಾರ್ಜಿಲಿಂಗ್ ರಾಜ್ ಭವನದಲ್ಲಿ ಭೇಟಿಯಾಗಿದ್ದಾರೆ. ​ಮಿಲಿಂದ್​ ಯುವಜನತೆ ಸದೃಢವಾಗಿರಲು ಒಂದು ದೊಡ್ಡ ಪ್ರೇರಣೆ ಅಂತಾ ರಾಜ್ಯಪಾಲರು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ..

ಡಾರ್ಜಿಲಿಂಗ್​(ಪಶ್ಚಿಮ ಬಂಗಾಳ) :ಮಾಡೆಲ್​, ನಟ ಹಾಗೂ ಫಿಟ್​​ನೆಸ್​ ಪ್ರಮೋಟರ್​​ ಮಿಲಿಂದ್​ ಸೋಮನ್​ ಇಂದು ಪತ್ನಿ ಅಂಕಿತ ಕೊನ್ವಾರ್​ ಮತ್ತು ತಾಯಿ ಉಷಾ ಸೋಮನ್​ ಜೊತೆ ಪಶ್ಚಿಮ ಬಂಗಾಳ ರಾಜ್ಯಪಾಲ ಜಗದೀಪ್​ ಧನಕರ್​​ ಅವರನ್ನು ರಾಜಭವನದಲ್ಲಿ ಭೇಟಿಯಾಗಿದ್ದಾರೆ.

ಮಾಡೆಲ್​ ​​ಮಿಲಿಂದ್​ ಸೋಮನ್​ ಜೊತೆ ಕುಳಿತು ಸಂಭಾಷಣೆ ನಡೆಸುತ್ತಿರುವ ಫೋಟೋವೊಂದನ್ನು ರಾಜ್ಯಪಾಲರು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಭೇಟಿಯ ಸಮಯದಲ್ಲಿ ರಾಜ್ಯಪಾಲ ಜಗದೀಪ್​ ಧನಕರ್​​ ಅವರು ಸೋಮನ್‌ಗೆ ನೆನಪಿನ ಕಾಣಿಕೆಯೊಂದನ್ನು ನೀಡಿದ್ದು, ಯುವಜನರು ಸದೃಢವಾಗಿರಲು ನೀವೊಂದು ದೊಡ್ಡ ಪ್ರೇರಣೆ ಎಂದು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.

55ರ ಹರೆಯದ ಮಾಡೆಲ್​ ಮಿಲಿಂದ್​ ಸ್ಪ್ರಿಂಟಿಂಗ್​ ಓಟದಲ್ಲಿ ಹಲವು ದಾಖಲೆ ಮಾಡುವುದರೊಂದಿಗೆ ಯುವಕರಿಗೆ ಫಿಟ್‌ನೆಸ್‌ಗೆ ಒಂದು ದೊಡ್ಡ ಉದಾಹರಣೆ ಆಗಿದ್ದಾರೆ.

ಅವರು 55ನೇ ವಯಸ್ಸಿನಲ್ಲಿ ತಮ್ಮ ಹಲವಾರು ಫಿಟ್ ಚಿತ್ರಗಳನ್ನು ಹಂಚಿಕೊಳ್ಳುವ ಮೂಲಕ ಯುವಕರನ್ನು ಸದಾ ಸದೃಢರಾಗಿರುವಂತೆ ಪ್ರೇರೇಪಿಸುತ್ತಾರೆ.