ಜೈಷ್​​ ಮೊಹಮ್ಮದ್ ನಿಷೇಧಿಸಲು ಭಾರತಕ್ಕೆ ಅಗ್ರ ರಾಷ್ಟ್ರಗಳ ಬೆಂಬಲ

ಫ್ರಾನ್ಸ್​ ಮೊದಲಿಗೆ ವಿಶ್ವಸಂಸ್ಥೆಯಲ್ಲಿ ಜೈಷ್​ ಮೊಹಮ್ಮದ್ ಸಂಘಟನೆಯನ್ನು ನಿಷೇಧಿಸಲು ಪ್ರಸ್ತಾವನೆ ಸಲ್ಲಿಸಲು ತಯಾರಿ ನಡೆಸಿತ್ತು. ಇದಾದ ಒಂದು ಬಳಿಕ ಅಂದರೆ ಬುಧವಾರ ಮತ್ತೆರಡು ಬಲಿಷ್ಠ ರಾಷ್ಟ್ರಗಳು ಫ್ರಾನ್ಸ್​ ಜೊತೆಗೆ ಕೈ ಜೋಡಿಸಿವೆ.

ನವದೆಹಲಿ: ಪುಲ್ವಾಮಾ ದಾಳಿಯ ರೂವಾರಿ ಜೈಷ್​ ಮೊಹಮ್ಮದ್ ಉಗ್ರ ಸಂಘಟನೆಯನ್ನು ನಿಷೇಧಿತ ಲಿಸ್ಟ್​​ಗೆ ಸೇರಿಸಲು ಭಾರತಕ್ಕೆ ವಿಶ್ವದ ಅಗ್ರ ಮೂರು ರಾಷ್ಟ್ರಗಳು ಬೆಂಬಲ ಸೂಚಿಸಿವೆ.

ಯುನೈಟೆಡ್ ಕಿಂಗ್​ಡಮ್​ ಹಾಗೂ ಅಮೆರಿಕಾ ಸಹ ಜೈಷ್​ ಮೊಹಮ್ಮದ್ ಸಂಘಟನೆಯನ್ನು ನಿಷೇಧಿಸಲು ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಗೆ ಪ್ರಸ್ತಾವನೆ ಸಲ್ಲಿಸಲು ಮುಂದಾಗಿವೆ.

ಮೂಲಗಳ ಪ್ರಕಾರ ಕೆಲವೇ ದಿನಗಳಲ್ಲಿ ಈ ಮೂರೂ ರಾಷ್ಟ್ರಗಳು ಮನವಿಯನ್ನು ಸಲ್ಲಿಸಲಿವೆ ಎನ್ನಲಾಗಿದೆ. 2016 ಹಾಗೂ 2017ರಲ್ಲಿ ಸಹ ಜೈಷ್​ ಮೊಹಮ್ಮದ್ ಸಂಘಟನೆಯನ್ನು ನಿಷೇಧಿಸಲು ಈ ರಾಷ್ಟ್ರಗಳು ಮನವಿ ಮಾಡಿದ್ದವು.