ಅಶ್ಲೀಲ ವಿಡಿಯೋ, ಅಸಭ್ಯ ಮಾತುಗಳು: ವಿವಾಹಿತೆಗೆ ಮಾನಸಿಕ ಹಿಂಸೆ ನೀಡುತ್ತಿರುವ ಕಿಡಿಗೇಡಿಗಳು!

ವಾಟ್ಸಾಪ್​ ಓಪನ್​ ಮಾಡಿದ್ರೆ ಸಾಕು ಅಶ್ಲೀಲ ವಿಡಿಯೋಗಳು... ಫೋನ್​ ರಿಸಿವ್​ ಮಾಡಿದ್ರೆ ಅಸಭ್ಯ ಮಾತುಗಳು... ಯಾರೆಂಬುದು ಗೊತ್ತಿಲ್ಲ... ಎಲ್ಲಿಂದ ಮಾತ್ನಾಡ್ತಿದ್ದಾರೆ ಗೊತ್ತಿಲ್ಲ... ಕ್ಷಣ  ಕ್ಷಣಕ್ಕೂ ವಿವಾಹಿತೆಗೆ ಕಿಡಿಗೇಡಿಗಳು ಮಾನಸಿಕ ಕಿರುಕುಳ ನೀಡುತ್ತಿರುವ ಘಟನೆ ತೆಲಂಗಾಣದಲ್ಲಿ ನಡೆದಿದೆ.

ಹೈದರಾಬಾದ್​:ಕೆಲ ಕಿಡಿಗೇಡಿಗಳ ವಿವಾಹಿತ ಮಹಿಳೆಗೆ ಮಾನಸಿಕ ಕಿರುಕುಳ ನೀಡುತ್ತಿದ್ದು, ಆಕೆಯ ವೇದನೆ ನೋಡಿದ ಕುಟುಂಬಸ್ಥರು ಸೈಬರಾಬಾದ್​ ಕ್ರೈಂ ಪೊಲೀಸರಿಗೆ ದೂರು ನೀಡಿದ್ದಾರೆ.

ಇಲ್ಲಿನ ಮಿಯಾಪುರ್​ ನಿವಾಸಿಯ ವ್ಯಕ್ತಿಯ ಪತ್ನಿಗೆ ಅಪರಿಚಿತರು 3 ಸಾವಿರಕ್ಕೂ ಹೆಚ್ಚು ಬಾರಿ ಕರೆ​ ಮಾಡಿದ್ದಾರೆ. ಅಷ್ಟೇ ಅಲ್ಲದೇ ಡಿಸೆಂಬರ್​ 15ರಂದು ಎರಡೂ ಫೋನ್​ಗಳಿಂದ ಕರೆ ಮಾಡಿದ ಅವರು ಮಹಿಳೆಯೊಬ್ಬಳು ವಿವಾಹಿತೆಗೆ ವ್ಯಭಿಚಾರ ಮಾಡುವಂತೆ ಪ್ರೇರೇಪಿಸಿದ್ದಾಳೆ.

ಮಹಿಳೆ ಬೆದರಿಕೆ ನಂತರ ಅಪರಿಚಿತರಿಂದ ಕರೆಗಳು ಬರುತ್ತಲೇ ಇವೆ. ವಾಟ್ಸಾಪ್​ನಲ್ಲಿ ಅಶ್ಲೀಲ ವಿಡಿಯೋಗಳು, ಕರೆ ಮಾಡಿ ಅಸಭ್ಯವಾಗಿ ಮಾತನಾಡುವ ಪ್ರವೃತ್ತಿ ನಿರಂತರವಾಗಿ ನಡೆಯುತ್ತಿದೆ. ಇಷ್ಟಕ್ಕೆ ಮುಗಿಯಲಿಲ್ಲ ಈ ಕಿಡಿಗೇಡಿಗಳ ಅಟ್ಟಹಾಸ. ‘ಜೆಕೆ123’ ಅಂತ ವಾಟ್ಸಾಪ್​ ಗ್ರೂಪ್​ ಮಾಡಿ ಅದರಲ್ಲಿ ವಿವಾಹಿತೆಯ ಅಶ್ಲೀಲ ಫೋಟೋಗಳನ್ನು ಹರಿಬಿಡುತ್ತಿದ್ದಾರೆ ದುಷ್ಕರ್ಮಿಗಳು!

ಇದರಿಂದಾಗಿ ಈ ವಿವಾಹಿತೆ ಮಾನಸಿಕ ಚಿತ್ರಹಿಂಸೆ ಅನುಭವಿಸುತ್ತಿದ್ದಳು. ಆಕೆಯ ಪರಿಸ್ಥಿತಿ ನೋಡಿದ ಕುಟುಂಬಸ್ಥರು ಸಾಕಷ್ಟು ವೇದನೆ ಅನುಭವಿಸುತ್ತಿದ್ದಾರೆ. ಸಹೋದರಿಯ ಕಷ್ಟ ಅರಿತ ಸಹೋದರ ಇದೀಗ ಸೈಬರಾಬಾದ್​ ಪೊಲೀಸ್​ ಠಾಣೆಗೆ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಕೊಂಡ ಪೊಲೀಸರು ಆರೋಪಿಗಳ ಪತ್ತೆಗೆ ಜಾಲ ಬೀಸಿದ್ದಾರೆ.