ಮಹಾಮಾರಿ ಕೊರೊನಾ ವೈರಸ್​ಗೆ ಸಾವಿರ ಗಡಿ ದಾಟಿದ ಸಾವಿನ ಸಂಖ್ಯೆ

ಮಹಾಮಾರಿ ಕೊರೊನಾ ವೈರಸ್​ ಸೊಂಕಿನಿಂದ ಚೀನಾ ಪರಿಸ್ಥಿತಿ ಹಿಡಿತಕ್ಕೆ ಸಿಗದಂತಾಗಿದೆ. ಈ ಪರಿಣಾಮ ಸಾವಿನ ಸಂಖ್ಯೆ ದಿನದಿಂದ ಏರುತ್ತಲೇ ಇದೆ.

ನವದೆಹಲಿ:ಮಹಾಮಾರಿ ಕೊರೊನಾ ವೈರಸ್​ ಸೊಂಕಿನಿಂದ ಚೀನಾ ಪರಿಸ್ಥಿತಿ ಹಿಡಿತಕ್ಕೆ ಸಿಗದಂತಾಗಿದೆ. ಫೆಬ್ರವರಿ 11ರಂದು ಈ ಹೆಮ್ಮಾರಿಗೆ 117 ಮಂದಿ ಮೃತಪಟ್ಟಿದ್ದು, ಸಾವಿನ ಸಂಖ್ಯೆ ಸಾವಿರ ಗಡಿದಾಡಿದೆ.

ಮಾರಣಾಂತಿಕ ರೋಗ ಕೊರೊನಾ ವೈರಸ್​ನಿಂದ ದಿನದಿಂದ ದಿನಕ್ಕೆ ಸಾವಿನ ಸಂಖ್ಯೆ ಏರುತ್ತಲೇ ಇದೆ. ಇತ್ತ ಚೀನಾ ಅದರ ಕಡಿವಾಣಕ್ಕೆ ಚೀನಾ ನಾನಾ ಪ್ರಯತ್ನಗಳನ್ನು ಮಾಡುತ್ತಿದೆ. ಅದು ಕಡಿವಾಣ ಬೀಳುವ ಲಕ್ಷಣಗಳು ಕಾಣಿಸುತ್ತಿಲ್ಲ.

ಜಗತ್ತಿನಾದ್ಯಂತ 42,708 ಮಂದಿಗೆ ಸೊಂಕು ತಗುಲಿರುವುದು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯೂಎಚ್​ಒ) ಧೃಡಪಡಿಸಿದೆ. ಫೆಬ್ರವರಿ 10ರಂದು 910 ಮಂದಿ ಬಲಿಯಾಗಿದ್ದರು. ಒಂದು ದಿನದ ಅಂತರದಲ್ಲಿ 117 ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ಹೀಗಾಗಿ ಸಾವಿನ ಸಂಖ್ಯೆ 1017ಕ್ಕೆ ಏರಿಕೆ ಕಂಡಿದೆ.

ಚೀನಾ ಹೊರತುಪಡಿಸಿ ಬೇರೆ 24 ದೇಶಗಳಲ್ಲಿ 393 ಪ್ರಕರಣಗಳು ಬೆಳಕಿಗೆ ಬಂದಿವೆ. 1 ಸಾವು ಸಂಭವಿಸಿದೆ ಎಂದು ಡಬ್ಲ್ಯೂಎಚ್​ಒ ತಿಳಿಸಿದೆ.