ಮುಂಬೈ:ಷೇರು ಪೇಟೆಯಲ್ಲಿ ಮಹಾಪತನವಾಗಿದ್ದು, ಸೆನ್ಸೆಕ್ಸ್ ಬರೋಬ್ಬರಿ 907 ಅಂಕಗಳ ಕುಸಿತಗೊಂಡಿದ್ದು, ನಿಫ್ಟಿ ಕೂಡ 288 ಅಂಕಗಳ ಪತನವಾಗಿದೆ.
2019ರಲ್ಲೇ ಅತಿ ದೊಡ್ಡ ಪತನ ಇದಾಗಿದ್ದು, ಸೆನ್ಸೆಕ್ಸ್ 38,605 ಅಂಕಗಳಲ್ಲಿ ಹಾಗೂ ನಿಫ್ಟಿ 11,523 ಅಂಕಗಳೊಂದಿಗೆ ಕಾರ್ಯನಿರ್ವಹಿಸುತ್ತಿದೆ.
ಮುಂಬೈ ಷೇರುಪೇಟೆಯಲ್ಲಿ ಮಹಾಪತನ... 900 ಅಂಕಗಳ ಕುಸಿತ ಕಂಡ ಸೂಚ್ಯಂಕ!
2019ರಲ್ಲೇ ಮುಂಬೈ ಷೇರುಪೇಟೆಯಲ್ಲಿ ಅತಿದೊಡ್ಡ ಮಹಾಪತನವಾಗಿದ್ದು, ಸೂಚ್ಯಂಕದಲ್ಲಿ ಅತಿದೊಡ್ಡ ಕುಸಿತವಾಗಿದೆ.
ಷೇರು ಸೂಚ್ಯಂಕ
ಆಟೋ ಮತ್ತು ಬ್ಯಾಂಕಿಂಗ್ ಷೇರುಗಳ ಬೆಲೆಯಲ್ಲಿ ಭಾರಿ ಇಳಿಕೆ ಕಂಡು ಬಂದಿದೆ. ಹೂಡಿಕೆದಾರರು ಈ ಷೇರುಗಳ ಮಾರಾಟದಲ್ಲಿ ತೊಡಗಿದ್ದರಿಂದಾಗಿ ಷೇರುಗಳ ಮೌಲ್ಯದಲ್ಲಿ ಭಾರಿ ಇಳಿಕೆ ಕಂಡು ಬಂದಿದೆ ಎನ್ನಲಾಗಿದೆ. ವಿದೇಶಿ ಹೂಡಿಕೆದಾರರು ಹಾಗೂ ಹೆಚ್ಚು ಸಂಪತ್ತು ಹೊಂದಿದವರ ಮೇಲೆ ಹೆಚ್ಚಿನ ಕರಭಾರ ಹಾಕಿರುವ ಹಿನ್ನೆಲೆಯಲ್ಲಿ ಹೂಡಿಕೆದಾರರು ಮಾರಾಟದಲ್ಲಿ ತೊಡಗಿದ್ದಾರೆ ಎನ್ನಲಾಗಿದೆ.
ಲಿಸ್ಟೆಡ್ ಕಂಪನಿಗಳ ಮೇಲೆ ಹೊಸ ತೆರಿಗೆ ವಿಧಿಸಿರುವುದು ಹಾಗೂ ಇದು ಹೂಡಿಕೆದಾರರ ಪರವಾಗಿ ಇಲ್ಲದಿರುವುದು ಈ ಹಿಂಜರಿಕೆಗೆ ಕಾರಣ ಎಂದು ವಿಶ್ಲೇಷಿಸಲಾಗುತ್ತಿದೆ. ಎನ್ಎಸ್ಸಿ ಸಹ ಶೇ 5.5 ರಷ್ಟು ಕುಸಿತ ಕಂಡಿದೆ. ರಿಯಾಲಿಟಿ, ಆಟೋ, ಬ್ಯಾಂಕಿಂಗ್, ಫೈನಾನ್ಸಿಯಲ್ ಸರ್ವಿಸಸ್, ಮಾಧ್ಯಮ ಹಾಗೂ ಖಾಸಗಿ ಬ್ಯಾಂಕಗಳ ಷೇರುಗಳ ಬೆಲೆಯಲ್ಲಿ 2 ರಿಂದ 3 ರಷ್ಟು ಕುಸಿತ ಕಂಡು ಬಂದಿದೆ.