ದೇವಸ್ಥಾನದ ರಕ್ಷಣೆಗೆ ನಿಂತ ಯುವಕರ ವಿಡಿಯೋ ವೈರಲ್: ಶಶಿ ತರೂರ್​ ಪ್ರತಿಕ್ರಿಯೆ ಹೀಗಿದೆ

ಡಿ.ಜೆ ಹಳ್ಳಿ, ಕೆ ಜಿ ಹಳ್ಳಿ ಗಲಭೆಯ ನಡುವೆ ಸ್ಥಳೀಯ ದೇವಸ್ಥಾನದ ಮುಂದೆ ಯುವಕರು ಮಾನವ ಸರಪಳಿ ನಿರ್ಮಿಸಿ ರಕ್ಷಣೆಗೆ ನಿಂತ ಬಗ್ಗೆ ಕಾಂಗ್ರೆಸ್​ ಸಂಸದ ಶಶಿ ತರೂರ್​ ಟ್ವೀಟ್​ ಮಾಡಿದ್ದಾರೆ.

ನವದೆಹಲಿ: ಬೆಂಗಳೂರು ಡಿ.ಜೆ. ಹಳ್ಳಿ ಠಾಣಾ ವ್ಯಾಪ್ತಿಯಲ್ಲಿ ನಡೆದ ಗಲಭೆ ವೇಳೆ ಕೆಲ ಯುವಕರು ಮಾನವ ಸರಪಳಿ ನಿರ್ಮಿಸಿ ದೇವಸ್ಥಾನದ ರಕ್ಷಣೆ ನಿಂತ ವಿಡಿಯೋವೊಂದು ವೈರಲ್ ಆಗಿದೆ. ಈ ಕುರಿತು​ ಕಾಂಗ್ರೆಸ್​ ಸಂಸದ ಶಶಿ ತರೂರ್​ ಟ್ವೀಟ್​ ಮೂಲಕ ಪ್ರತಿಕ್ರಿಯಿಸಿದ್ದಾರೆ.

ಮುಹಮ್ಮದ್​ ನುಅಮ್ಮಿರ್​ ಎಂಬಾತ ಈ ವಿಡಿಯೋವನ್ನು ತನ್ನ ಟ್ವಿಟ್ಟರ್​ ವಾಲ್​ನಲ್ಲಿ ಪೋಸ್ಟ್ ಮಾಡಿದ್ದು, ಬೆಂಗಳೂರು ಗಲಭೆಯ ವೇಳೆ ಮುಸ್ಲಿಮರು ಮಾನವ ಸರಪಳಿ ನಿರ್ಮಿಸಿ ದೇವಸ್ಥಾನದ ರಕ್ಷಣೆಗೆ ನಿಂತಿದ್ದರು. ಇದು ಭಾರತದ ಸೌಹಾರ್ದತೆ ಎಂದು ಬರೆದುಕೊಂಡಿದ್ದ.

ಇದನ್ನು ರೀ ಟ್ವೀಟ್​ ಮಾಡಿರುವ ಶಶಿ ತರೂರ್​, ಬೆಂಗಳೂರಿಗರನ್ನು ಪ್ರಚೋದಿಸಿದ ಮತ್ತು ಅಪರಾಧ ಮಾಡಿದವರನ್ನು ಪತ್ತೆ ಹಚ್ಚಿ ಸರಿಯಾದ ಶಿಕ್ಷೆ ನೀಡಬೇಕು. ಆದರೆ, ಇವರನ್ನು ಇಡೀ ಸಮುದಾಯಕ್ಕೆ ಹೋಲಿಕೆ ಮಾಡುವುದು ಸರಿಯಲ್ಲ. ಇಂತವರು ಹಿಂದೂ ಧರ್ಮದಲ್ಲೂ ಇರುತ್ತಾರೆ ಎಂದು ಬರೆದುಕೊಂಡಿದ್ದಾರೆ.