ನಿಮ್ಮ ಅದ್ಭುತ ವ್ಯಾಯಾಮ ದಿನಚರಿ ಮುಂದುವರಿಸಿ, ಮೋದಿ ಕಾಲೆಳೆದ ರಾಹುಲ್​ ಗಾಂಧಿ!

ಭಾರತದ ಆರ್ಥಿಕತೆ ಕುಸಿತಕ್ಕೆ ಸಂಬಂಧಿಸಿದಂತೆ ಪ್ರಧಾನಿ ನರೇಂದ್ರ ಮೋದಿಯವರ ಯೋಗಾಭ್ಯಾಸದ ವಿಡಿಯೋ ತುಣುಕು ಶೇರ್​ ಮಾಡಿ ರಾಹುಲ್​ ಗಾಂಧಿ ಕಾಲೆಳೆಯುವ ಕೆಲಸ ಮಾಡಿದ್ದಾರೆ.

ನವದೆಹಲಿ:ಭಾರತದ ಆರ್ಥಿಕತೆ ಗಂಭೀರ ಪರಿಸ್ಥಿತಿ ತಲುಪಿದೆ ಎಂಬ ಮಾತುಗಳು ಕಳೆದ ಕೆಲ ದಿನಗಳಿಂದಲ್ಲೂ ಕೇಳಿ ಬರುತ್ತಿದೆ. ಆದರೆ ಭಾರತದ ಆರ್ಥಿಕತೆ ಮೂಲ ಸದೃಢವಾಗಿದೆ ಎಂದು ಕೇಂದ್ರ ಸರ್ಕಾರ ಹೇಳಿಕೊಳ್ತಿದ್ದು, ಇದೀಗ ಇದೇ ವಿಷಯವನ್ನಿಟ್ಟುಕೊಂಡು ರಾಹುಲ್​ ಗಾಂಧಿ ಪ್ರಧಾನಿ ನರೇಂದ್ರ ಮೋದಿ ಕಾಲೆಳೆದಿದ್ದಾರೆ.

ರಾಹುಲ್​ ಗಾಂಧಿ ಬರೆದುಕೊಂಡಿದ್ದೇನು!?

ಡಿಯರ್​ ಪಿಎಂ, ನಿಮ್ಮ ಅದ್ಭುತ ವ್ಯಾಯಾಮ ದಿನಚರಿ ಮುಂದುವರಿಸಿ, ಆವಾಗಲಾದರೂ ದೇಶದ ಆರ್ಥಿಕತೆಯನ್ನು ನೀವೂ ಸುಧಾರಿಸಬಹುದು ಎಂದಿದ್ದಾರೆ.

ಈ ವಿಡಿಯೋ ತುಣಕನ್ನ ಪ್ರಧಾನಿ ನರೇಂದ್ರ ಮೋದಿ ಯೋಗ ದಿನದಂದು ತಮ್ಮ ಟ್ವಿಟ್ಟರ್​​ನಲ್ಲಿ ಹಾಕಿಕೊಂಡಿದ್ದರು. ರಾಹುಲ್​ ಗಾಂಧಿ ಈ ವಿಡಿಯೋ ಶೇರ್​ ಮಾಡುತ್ತಿದ್ದಂತೆ 50 ಸಾವಿರ ಮಂದಿ ಲೈಕ್​ ಮಾಡಿದ್ದು, 11 ಸಾವಿರ ಜನ ರಿಟ್ವೀಟ್​ ಮಾಡಿದ್ದಾರೆ. ಜತೆಗೆ ಸಾವಿರಾರು ಜನರು ಕಮೆಂಟ್​ ಮಾಡಿದ್ದಾರೆ.

ಭಾರತದ ಆರ್ಥಿಕತೆ ಗಂಭೀರ ಪರಿಸ್ಥಿತಿ ತಲುಪಿದ್ದು, ಸರ್ಕಾರ ತುರ್ತಾಗಿ ಪರಿಹಾರ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ಅಂತರರಾಷ್ಟ್ರೀಯ ಹಣಕಾಸು ಸಂಸ್ಥೆ (ಐಎಂಎಫ್) ಈ ಹಿಂದೆ ಸಲಹೆ ನೀಡಿತ್ತು.