'ಸಬರಮತಿಯಲ್ಲಿ ಸತ್ಯ ಇನ್ನೂ ಜೀವಂತವಾಗಿದೆ': ಪ್ರಿಯಾಂಕಾ ಮೊದಲ ಟ್ವೀಟ್​!

ರಾಜಕಾರಣಕ್ಕೆ ಸಕ್ರಿಯವಾಗಿ ಎಂಟ್ರಿಕೊಟ್ಟ ನಂತರ ಇದೇ ಮೊದಲ ಬಾರಿಗೆ ಪ್ರಿಯಾಂಕಾ ಗಾಂಧಿ ಟ್ವೀಟ್​ ಮಾಡಿದ್ದಾರೆ

ನವದೆಹಲಿ: ಬಹಳ ವರ್ಷಗಳ ನಂತರ ರಾಜಕಾರಣಕ್ಕೆ ಧುಮುಕಿ, ಕಾಂಗ್ರೆಸ್​ನ ಭರವಸೆ ಎನಿಸಿಕೊಂಡಿರುವ ಪ್ರಿಯಾಂಕಾ ಗಾಂಧಿ ವಾದ್ರಾ ಪ್ರಚಾರದಲ್ಲಿ ಬ್ಯುಸಿ ಆಗಿದ್ದಾರೆ. ಇದೀಗ ಅವರ ಮೊದಲ ಟ್ವೀಟ್​ ಸಾಕಷ್ಟು ಸುದ್ದಿಯಾಗಿದೆ.

ನಿನ್ನೆ ಅಹ್ಮದಾಬಾದ್​ನಲ್ಲಿ ನಡೆದ ಕಾಂಗ್ರೆಸ್​ ಕಾರ್ಯಕಾರಣಿ ನಂತರ ಅವರು ಟ್ವೀಟ್​ ಮಾಡಿದ್ದಾರೆ. ಸಕ್ರಿಯ ರಾಜಕಾರಣಕ್ಕೆ ಎಂಟ್ರಿ ಕೊಟ್ಟ ನಂತರ ಇದೇ ಅವರ ಮೊದಲ ಟ್ವೀಟ್​ ಆಗಿದೆ.

1930ರಲ್ಲಿ ಮಹಾತ್ಮ ಗಾಂಧಿ ನಡೆಸಿದ ದಂಡಿ ಸತ್ಯಾಗ್ರಹ ಸ್ಮರಣಾರ್ಥ ಕಾಂಗ್ರೆಸ್​ ದಂಡು ಗುಜರಾತ್​ನ ಸಬರಿಮತಿ ಆಶ್ರಮಕ್ಕೆ ಭೇಟಿ ನೀಡಿತ್ತು. ಈ ಬಗ್ಗೆ ಟ್ವೀಟ್ ಮಾಡಿರುವ ಪ್ರಿಯಾಂಕಾ, ಸಬರಮತಿಯ ಸರಳ ಘನತೆ; ಅಲ್ಲಿ ಸತ್ಯ ಇನ್ನೂ ಜೀವಿಸಿದೆ ಎಂದು ಹೇಳಿದ್ದಾರೆ.

ಮತ್ತೊಂದು ಟ್ವೀಟ್​ನಲ್ಲಿ ಮಹಾತ್ಮ ಗಾಂಧಿ ಅವರ ಹೇಳಿಕೆ ಉಲ್ಲೇಖಿಸಿ, ನಾನು ಹಿಂಸೆಯನ್ನು ವಿರೋಧಿಸುತ್ತೇನೆ. ಏಕೆಂದರೆ ಒಳ್ಳೆಯದು ತಾತ್ಕಾಲಿಕ. ಆದರೆ ದುಷ್ಟತನ ಒಳ್ಳೆಯದನ್ನು ಶಾಶ್ವತವಾಗಿ ಉಳಿಯುವಂತೆ ಮಾಡುತ್ತೆ ಎಂದಿದ್ದಾರೆ.

ಫೆಬ್ರವರಿ 11ರಂದು ಟ್ವಿಟ್ಟರ್​ ಖಾತೆ ತೆರೆದ ಪ್ರಿಯಾಂಕಾರಿಗೆ ಸದ್ಯ 2 ಲಕ್ಷ ಮಂದಿ ಫಾಲೋಯರ್ಸ್​ ಇದ್ದಾರೆ.

ನಿನ್ನೆ ಕಾರ್ಯಕಾರಣಿಯಲ್ಲಿ ಪ್ರಮುಖ ಭಾಷಣ ಮಾಡಿದ್ದ ಪ್ರಿಯಾಂಕಾ, ಮಹಾತ್ಮ ಗಾಂಧಿ ಸ್ಮರಣೆ ಮಾಡಿದ್ದರು. ಪಕ್ಷ ಸಂಘಟನೆ ಬಗ್ಗೆ ಸಾಕಷ್ಟು ಮಾತನಾಡಿದ್ದರು.