ಜಮ್ಮು-ಕಾಶ್ಮೀರದಲ್ಲಿ ಪೋಸ್ಟ್​ ಪೇಯ್ಡ್​ ಮೊಬೈಲ್​ ಸೇವೆ ಪುನಾರಂಭ..

ಸುಮಾರು 70 ದಿನಗಳ ಬಳಿಕ ಜಮ್ಮು-ಕಾಶ್ಮೀರ ಪ್ರಾಂತದಲ್ಲಿ ಸ್ಥಗಿತಗೊಂಡಿದ್ದ ಪೋಸ್ಟ್​ ಪೇಯ್ಡ್​ ಮೊಬೈಲ್​ ಸೇವೆ ಪುನಾರಂಭವಾಗಿದೆ.

ಶ್ರೀನಗರ (ಜಮ್ಮು-ಕಾಶ್ಮೀರ):ಸುಮಾರು 70 ದಿನಗಳ ಬಳಿಕ ಜಮ್ಮು-ಕಾಶ್ಮೀರದಲ್ಲಿ ಸ್ಥಗಿತಗೊಂಡಿದ್ದ ಪೋಸ್ಟ್​ ಪೇಯ್ಡ್​ ಮೊಬೈಲ್​ ಸೇವೆ ಪುನಾರಂಭವಾಗಿದೆ.

ಜಮ್ಮು-ಕಾಶ್ಮೀರದಲ್ಲಿ 370 ವಿಧಿ ರದ್ದತಿ ಬಳಿಕ ಮೊಬೈಲ್​ ಸಂಪರ್ಕ ಸೇವೆಯನ್ನು ಕಡಿತಗೊಳಿಸಲಾಗಿತ್ತು. ಇಂದು ರಾಜ್ಯ ಸಂಚಾಲಿತ ಬಿಎಸ್ಎನ್ಎಲ್ ನೆಟ್​ವರ್ಕ್​ನಿಂದ ಪೋಸ್ಟ್​ ಪೇಯ್ಡ್​ ಮೊಬೈಲ್​ ಸೇವೆ ಪುನಾರಂಭವಾಗಿದೆ. ಆದರೆ ಇಂಟರ್​ನೆಟ್​​ ಮತ್ತು ಬ್ರಾಡ್‌ಬ್ಯಾಂಡ್ ಸೇವೆ ಮೇಲಿನ ನಿಷೇಧವನ್ನು ಮುಂದುವರೆಸಲಾಗಿದೆ.

ಇನ್ನು, ಇಂದಿನಿಂದ ಸುಮಾರು 40 ಲಕ್ಷ ಪೋಸ್ಟ್​ ಪೇಯ್ಡ್​​ ಮೊಬೈಲ್​ ಫೋನ್​ಗಳು ಪುನಃ ಕಾರ್ಯ ನಿರ್ವಹಿಸಲಿವೆ. ಆದ್ರೆ 20 ಲಕ್ಷಕ್ಕೂ ಹೆಚ್ಚು ಪ್ರಿ ಪೇಯ್ಡ್ ಮೊಬೈಲ್ ಫೋನ್‌ಗಳು ಮತ್ತು ಮೊಬೈಲ್ ಮತ್ತು ಇತರೆ ಇಂಟರ್​ನೆಟ್​ ಸೇವೆಗಳ ಆರಂಭಕ್ಕೆ ಅವಕಾಶ ನೀಡಿಲ್ಲವೆಂಬ ಮಾಹಿತಿ ಸಿಕ್ಕಿದೆ.

ಈ ನಿಷೇಧ ಹಿಂತೆಗೆತದಿಂದ ಪೋಸ್ಟ್ ಪೇಯ್ಡ್​ ಮೊಬೈಲ್​ ಬಳಸಬಹುದಾಗಿದ್ದು, ಜನರು ಕೊಂಚ ನಿರಾಳರಾಗಿದ್ದಾರೆ.