9ಗಂಟೆಗೆ 9 ನಿಮಿಷ: ಒಗ್ಗಟ್ಟು ಪ್ರದರ್ಶಿಸಲು ನಮೋ ಮತ್ತೊಮ್ಮೆ ಕರೆ

ಮಾರಕ ಸೋಂಕು ಕೊರೊನಾ ವಿರುದ್ಧ ಭಾರತ ಹೋರಾಟ​ ನಡೆಸಿದ್ದು, ಇದರ ಮಧ್ಯೆ ಪ್ರಧಾನಿ ನರೇಂದ್ರ ಮೋದಿ ದೇಶದ ಜನರ ಬಳಿ ಮೊಂಬತ್ತಿ ಬೆಳಗಿಸುವಂತೆ ಮನವಿ ಮಾಡಿಕೊಂಡಿದ್ದಾರೆ. ಅದಕ್ಕೆ ಇದೀಗ ಕ್ಷಣಗಣನೆ ಆರಂಭಗೊಂಡಿದೆ.

ನವದೆಹಲಿ:ರಕ್ಕಸ ಕೊರೊನಾ ವಿರುದ್ಧ ಭಾರತ ಒಗ್ಗಟ್ಟಿನಿಂದ ಹೋರಾಟ ನಡೆಸಿದೆ. ಇದರ ಮಧ್ಯೆ ಇಂದು ರಾತ್ರಿ 9 ಗಂಟೆಗೆ 9 ನಿಮಿಷಗಳ ಕಾಲ ಮನೆ ಲೈಟ್​​ ಆಫ್​ ಮಾಡಿ ಮೊಂಬತ್ತಿ, ಹಣತೆ, ಮೊಬೈಲ್​ ಟಾರ್ಚ್​ ಬೆಳಗಿಸುವಂತೆ ನಮೋ ಕರೆ ನೀಡಿದ್ದಾರೆ.

ದೀಪ ಬೆಳಗಿಸುವುದಕ್ಕೆ ಕ್ಷಣಗಣನೆ ಆರಂಭಗೊಂಡಿದೆ. ಇದರ ಬೆನ್ನಲ್ಲೇ ಪ್ರಧಾನಿ ನರೇಂದ್ರ ಮೋದಿ ಮತ್ತೊಮ್ಮೆ ಟ್ವೀಟ್​ ಮಾಡಿ ದೇಶದ ಜನರ ಬಳಿ ಮತ್ತೆ ಮನವಿ ಮಾಡಿಕೊಂಡಿದ್ದಾರೆ.

ಡೆಡ್ಲಿ ವೈರಸ್​ ಕೊರೊನಾ ಸೋಂಕಿತರ ಸಂಖ್ಯೆ ಈಗಾಗಲೇ ಸಾವಿರ ಗಡಿ ದಾಟಿದೆ. ಜತೆಗೆ ಸಾವನ್ನಪ್ಪಿದವರ ಸಂಖ್ಯೆ 70 ದಾಟಿದೆ.