ನವದೆಹಲಿ:ಫ್ರಾನ್ಸ್ನಿಂದ ಭಾರತಕ್ಕೆ ಅತ್ಯಾಧುನಿಕ ರಫೇಲ್ ಯುದ್ಧ ವಿಮಾನ ಆಗಮನವಾಗಿದೆ. ಸದ್ಯ ಹರಿಯಾಣದ ಅಂಬಾಲದಲ್ಲಿರುವ ವಾಯುನೆಲೆಯಲ್ಲಿ ಈ ಫೈಟರ್‌ ಜೆಟ್‌ಗಳಿವೆ. ಪ್ರಧಾನಿ ನರೇಂದ್ರ ಮೋದಿ ಸಂಸ್ಕೃತದಲ್ಲಿ ಟ್ವೀಟ್ ಮಾಡಿ ವೆಲ್ಕಮ್ ಮಾಡಿದ್ದಾರೆ.
ರಾಷ್ಟ್ರ ರಕ್ಷಣೆ ಮಾಡುವುದಕ್ಕಿಂತಲೂ ದೊಡ್ಡ ಪುಣ್ಯದ ಕೆಲಸವಿಲ್ಲ, ರಾಷ್ಟ್ರ ರಕ್ಷಣೆಯೇ ವ್ರತ, ರಾಷ್ಟ್ರ ರಕ್ಷಣೆಯೇ ಯಜ್ಞ, ನಭಂ ಸ್ಪರ್ಶಂ ದೀಪ್ತಂ ಎಂಬ ಭಾರತೀಯ ವಾಯುಪಡೆಯ ಘೋಷ ವಾಕ್ಯದೊಂದಿಗೆ ಫೈಟರ್‌ ಜೆಟ್‌ಗಳನ್ನು ಮೋದಿ ಸ್ವಾಗತಿಸಿದ್ದಾರೆ.
ವಿಶ್ವದಲ್ಲಿಯೇ ರಫೇಲ್ ಅತ್ಯುತ್ತಮ ಯುದ್ಧ ವಿಮಾನವಾಗಿದ್ದು, ಕಳೆದ ನಾಲ್ಕು ವರ್ಷಗಳ ಹಿಂದೆ ಭಾರತ, ಫ್ರಾನ್ಸ್ನೊಂದಿಗೆ ಈ ಒಪ್ಪಂದ ಮಾಡಿಕೊಂಡಿತ್ತು.
ಕೇಂದ್ರ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಕೂಡ ಟ್ವೀಟ್ ಮಾಡಿದ್ದು, ಹಕ್ಕಿಗಳು ಸೇಫ್ ಆಗಿ ದೇಶಕ್ಕೆ ಆಗಮಿಸಿ ಅಂಬಾಲದಲ್ಲಿ ಲ್ಯಾಂಡ್ ಆಗಿವೆ. ಮಿಲಿಟರಿ ಇತಿಹಾಸದಲ್ಲಿ ಇದೊಂದು ಮೈಲುಗಲ್ಲು. ವಾಯುಸೇನೆಯಲ್ಲಿ ಇವು ಕ್ರಾಂತಿ ಬರೆಯಲಿವೆ ಎಂದಿದ್ದಾರೆ.
ಗೃಹ ಸಚಿವ ಅಮಿತ್ ಶಾ ಕೂಡ ಟ್ವೀಟ್ ಮಾಡಿದ್ದು, ನಿಜವಾಗ್ಲೂ ರಫೇಲ್ಗಳು ತಾವು ಗೇಮ್ ಚೇಂಜರ್ ಎಂಬುದನ್ನು ಸಾಬೀತುಪಡಿಸಲಿವೆ ಎಂದಿದ್ದಾರೆ.
