ಬೇರ್​ ಗ್ರಿಲ್ಸ್​ಗೆ ಹಿಂದಿ ಅರ್ಥವಾಗುತ್ತಿತ್ತಾ..? ಕುತೂಹಲದ ಪ್ರಶ್ನೆಗೆ ಇಲ್ಲಿದೆ ಉತ್ತರ

ಮೋದಿ ಹಾಗೂ ಬೇರ್ ಗ್ರಿಲ್ಸ್ ಈ ಸಂಭಾಷಣೆ ನೋಡುಗರಿಗೆ ಅಚ್ಚರಿ ಜೊತೆಗೆ ಕುತೂಹಲವೂ ಮೂಡಿಸಿತ್ತು. ಬ್ರಿಟನ್ ಮೂಲದ ಬೇರ್​ ಗ್ರಿಲ್ಸ್​ಗೆ ಹಿಂದಿ ಭಾಷೆ ಅರ್ಥವಾಗುತ್ತದೆಯೇ ಎನ್ನುವ ಪ್ರಶ್ನೆಯನ್ನು ಹಲವಾರು ಮಂದಿ ಸಾಮಾಜಿಕ ಜಾಲತಾಣದಲ್ಲಿ ವ್ಯಕ್ತಪಡಿಸಿದ್ದರು. ಸದ್ಯ ಈ ಪ್ರಶ್ನೆ ಮೋದಿಗೂ ತಲುಪಿದ್ದು, ಈ ವಿಚಾರಕ್ಕೆ ತಮ್ಮ 'ಮನ್​ ಕಿ ಬಾತ್'​ನಲ್ಲಿ ಸ್ಪಷ್ಟನೆ ನೀಡಿದ್ದಾರೆ.

ನವದೆಹಲಿ:ಆಗಸ್ಟ್ 12ರಂದು ಪ್ರಸಾರವಾದ ಪ್ರಧಾನಿ ಮೋದಿ ಭಾಗವಹಿಸಿದ್ದ ಖ್ಯಾತ ಇಂಗ್ಲಿಷ್ ಟಿವಿ ಶೋ 'ಮ್ಯಾನ್ ವರ್ಸಸ್ ವೈಲ್ಡ್' ಭಾರಿ ಸುದ್ದಿ ಮಾಡಿತ್ತು.

ಉತ್ತರಾಖಂಡ ಜಿಮ್ ಕಾರ್ಬೆಟ್ ನ್ಯಾಷನಲ್ ಪಾರ್ಕ್​ನಲ್ಲಿ ಚಿತ್ರೀಕರಣವಾಗಿದ್ದ ಈ ಶೋನಲ್ಲಿ ಮೋದಿ ಬಹುತೇಕ ಹಿಂದಿಯಲ್ಲೇ ಶೋದ ನಿರೂಪಕ ಬೇರ್ ಗ್ರಿಲ್ಸ್ ಜೊತೆಗೆ ಸಂಭಾಷಣೆ ನಡೆಸಿದ್ದರು.

ಮೋದಿ ಹಾಗೂ ಬೇರ್ ಗ್ರಿಲ್ಸ್ ಈ ಸಂಭಾಷಣೆ ನೋಡುಗರಿಗೆ ಅಚ್ಚರಿ ಜೊತೆಗೆ ಕುತೂಹಲವೂ ಮೂಡಿಸಿತ್ತು. ಬ್ರಿಟನ್ ಮೂಲದ ಬೇರ್​ ಗ್ರಿಲ್ಸ್​ಗೆ ಹಿಂದಿ ಭಾಷೆ ಅರ್ಥವಾಗುತ್ತದೆಯೇ ಎನ್ನುವ ಪ್ರಶ್ನೆಯನ್ನು ಹಲವಾರು ಮಂದಿ ಸಾಮಾಜಿಕ ಜಾಲತಾಣದಲ್ಲಿ ಎತ್ತಿದ್ದರು. ಸದ್ಯ ಈ ಪ್ರಶ್ನೆ ಮೋದಿಗೂ ತಲುಪಿದ್ದು, ಈ ವಿಚಾರಕ್ಕೆ ತಮ್ಮ 'ಮನ್​ ಕಿ ಬಾತ್'​ನಲ್ಲಿ ಸ್ಪಷ್ಟನೆ ನೀಡಿದ್ದಾರೆ.

ಬೇರ್​ ಗ್ರಿಲ್ಸ್​​ಗೆ ಹಿಂದಿ ಅರ್ಥವಾಗುತ್ತದೆಯೇ ಎನ್ನುವುದನ್ನು ಹಲವರು ನನ್ನ ಬಳಿ ಕೇಳಿದರು. ಇದು ಎಡಿಟೆಡ್ ದೃಶ್ಯಗಳೇ ಅಥವಾ ಹಲವಾರು ಬಾರಿ ಶೂಟ್ ಮಾಡಲಾಗಿದೆಯೇ ಎನ್ನುವ ಪ್ರಶ್ನೆ ನನ್ ಮುಂದಿಟ್ಟಿದ್ದರು. ಆದರೆ ಟೆಕ್ನಾಲಜಿ ನಮ್ಮಿಬ್ಬರ ಮಧ್ಯೆ ಸೇತುವೆಯಾಗಿ ಕಾರ್ಯ ನಿರ್ವಹಿಸಿದೆ ಎಂದು ಮೋದಿ ಹೇಳಿದ್ದಾರೆ.

ಕಾರ್ಡ್​ಲೆಸ್ ಸಾಧನವೊಂದನ್ನು ಬೇರ್​ ಗ್ರಿಲ್ಸ್​ ತಮ್ಮ ಕಿವಿಗೆ ಸಿಕ್ಕಿಸಿಕೊಂಡಿದ್ದರು. ಈ ಸಾಧನವು ಹಿಂದಿ ಪದಗಳನ್ನು ತಕ್ಷಣವೇ ಇಂಗ್ಲಿಷ್​ಗೆ ಬಾಷಾಂತರಿಸುತ್ತಿತ್ತು ಎಂದು ಮೋದಿ ಎಲ್ಲ ಪ್ರಶ್ನೆಗೆ ಉತ್ತರ ನೀಡಿದ್ದಾರೆ.