ಮಧುಮೇಹ ನಿಯಂತ್ರಣಕ್ಕೆ ಆಹಾರ ಪದ್ಧತಿ ಹೇಗಿದ್ದರೆ ಉತ್ತಮ ಗೊತ್ತಾ ..!

ಮಧುಮೇಹಿಗಳು ಆರೋಗ್ಯಕರ ಕಾರ್ಬೋಹೈಡ್ರೇಟ್‌ಗಳನ್ನು ಆಯ್ಕೆ ಮಾಡಿಕೊಳ್ಳಿ. ಅಧ್ಯಯನಗಳ ಪ್ರಕಾರ, ಹಾಗಲಕಾಯಿ ರಸವು ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಹೀಗಾಗಿ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಹಾಗಲಕಾಯಿ ರಸ ಕುಡಿಯುವುದು ಸಕ್ಕರೆ ಕಾಯಿಲೆಗೆ ರಾಮಬಾಣ ಎನ್ನಲಾಗುತ್ತದೆ.

ಸಕ್ಕರೆ ಕಾಯಿಲೆಯಿಂದ ಬಳಲುತ್ತಿರುವವರು ಯಾವ ರೀತಿ ಆಹಾರ ಸೇವಿಸಬೇಕು ಸೇವಿಸಬಾರದು ಎಂಬುದರ ಕುರಿತು ನ್ಯೂಟ್ರಿಷನಿಸ್ಟ್ ಮತ್ತು ಡಯಾಬಿಟಿಸ್ ಎಜುಕೇಟರ್ ದಿವ್ಯಾ ಗುಪ್ತಾ ಮಾಹಿತಿ ಹಂಚಿಕೊಂಡಿದ್ದಾರೆ.

ಮಧುಮೇಹ ನಿಯಂತ್ರಣ

ಸರಿಯಾಗಿ ತಿನ್ನುವುದು ಎಂಬುದರ ಅರ್ಥವೇನು?

ನೀವು ಟೈಪ್- 1 ಡಯಾಬಿಟಿಸ್ ಹೊಂದಿದ್ದರೆ, ಕಾರ್ಬೋಹೈಡ್ರೇಟ್ ಕೌಂಟಿಂಗ್​ ನಿಜವಾಗಿಯೂ ನಿಮ್ಮ ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ನಿಯಂತ್ರಿಸಲು ಅತೀ ಮುಖ್ಯವಾಗಿದೆ.

ನಿರ್ದಿಷ್ಟ ಮಟ್ಟದಲ್ಲಿ ನೀವು ಪೂರ್ವನಿರ್ಧರಿತ ಪ್ರಮಾಣಕ್ಕಿಂತ ಹೆಚ್ಚಿನದನ್ನು ತಿನ್ನುವುದಿಲ್ಲ ಎಂದು ಖಚಿತಪಡಿಸಿಕೊಳ್ಳಲು ಮತ್ತು ನೀವು ಎಷ್ಟು ಇನ್ಸುಲಿನ್ ತೆಗೆದುಕೊಳ್ಳಬೇಕು ಎಂದು ಸರಿ ಹೊಂದಿಸಲು ಆಹಾರದಲ್ಲಿ ಕಾರ್ಬ್‌ಗಳ ಗ್ರಾಂಗಳನ್ನು ಟ್ರ್ಯಾಕ್ ಮಾಡುವುದನ್ನು ಒಳಗೊಂಡಿರುವ ತಂತ್ರ ಇದು. ಕಾರ್ಬೋಹೈಡ್ರೇಟ್‌ಗಳ ಪ್ರತಿ ಸೇವನೆಯನ್ನು ನೀವು ಎಣಿಸಬಹುದು, ಏಕೆಂದರೆ ಕಾರ್ಬ್‌ಗಳ ಪ್ರತಿ ಸೇವನ 15 ಗ್ರಾಂ ನಷ್ಟಿರುತ್ತದೆ.

ನೀವು ಟೈಪ್ 2 ಡಯಾಬಿಟಿಸ್ಹೊಂದಿದ್ದರೆ ಮತ್ತು ನೀವು ಅಧಿಕ ತೂಕ ಹೊಂದಿದ್ದರೆ, ಮಧುಮೇಹ ನಿರ್ವಹಣೆಯನ್ನು ಸುಧಾರಿಸುವುದಕ್ಕೆ ನಿಜವಾಗಿಯೂ ತೂಕವನ್ನು ಕಳೆದುಕೊಳ್ಳುವ ಮಾರ್ಗವನ್ನು ಕಂಡುಹಿಡಿಯುವುದು ಬಹಳ ಮುಖ್ಯ.

ನೀವು ಟೈಪ್ 1 ಅಥವಾ ಟೈಪ್ 2 ಡಯಾಬಿಟೀಸ್​ ಹೊಂದಿರಿ ಆದರೆ ಆ ಭಾಗದ ಗಾತ್ರಗಳು ಮುಖ್ಯವಾಗಿದೆ. ನೀವು ಕಾರ್ಬ್ ಎಣಿಸುವಾಗ ಅಥವಾ ನಿಮ್ಮ ತೂಕವನ್ನು ನಿರ್ವಹಿಸುವಾಗ ಇದು ಪೌಷ್ಠಿಕಾಂಶದ ಸಂಗತಿಗಳನ್ನು ಲೆಕ್ಕಾಚಾರ ಮಾಡುತ್ತದೆ

ರಕ್ತದಲ್ಲಿನ ಶುಗರ್​​ ಲೆವೆಲ್​ ಅನ್ನು ಹೇಗೆ ನಿಯಂತ್ರಿಸುವುದು ಎಂಬುದರ ಕುರಿತು ಕೆಲವು ಸಲಹೆಗಳು :

ಆರೋಗ್ಯಕರ ಕಾರ್ಬೋಹೈಡ್ರೇಟ್‌ಗಳನ್ನು ಆಯ್ಕೆ ಮಾಡಿಕೊಳ್ಳಿ - ಕಾರ್ಬ್‌ಗಳನ್ನು ಒಳಗೊಂಡಿರುವ ಆರೋಗ್ಯಕರ ಆಹಾರವನ್ನು ಆರಿಸಿ ಮತ್ತು ಭಾಗದ ಗಾತ್ರಗಳ ಬಗ್ಗೆ ತಿಳಿದಿರಲಿ.

ಉದಾಹರಣೆ- ಬ್ರೌನ್​ ರೈಸ್​ , ಧಾನ್ಯಗಳಿಂದ ಮಾಡಿದ ಆಹಾರ, ಧಾನ್ಯದ ಪಾಸ್ಟಾ, ಹುರುಳಿ, ನವಣೆ, ರಾಗಿ, ಓಟ್ಸ್, ಕಡಿಮೆ ಸಕ್ಕರೆ ಬಳಸಿರುವ ಫ್ಲೇಕ್ಸ್​​​ಗಳು ಇತ್ಯಾದಿ. ಫೈಬರ್​​ ಅಂಶ ಕಡಿಮೆಯಿರುವ ವೈಟ್​ ಬ್ರೆಡ್​​ ,ವೈಟ್​​ ರೈಸ್​,ಹೆಚ್ಚು ದಿನಗಳವರೆಗೆ ಸಂಸ್ಕರಿಸಿದ ಸಿರಿಧಾನ್ಯಗಳು ಕಡಿಮ ಬಳಸಿ. ಬಹುಮುಖ್ಯವಾಗಿ ಖರೀದಿಸುವ ಮುನ್ನ ಖರೀದಿಸುವ ಮೊದಲು ಆಹಾರ ಲೇಬಲ್‌ಗಳನ್ನು ಪರಿಶೀಲಿಸಿ.

ಜೊತೆಗೆ ಹಸಿರು ಸೊಪ್ಪು ತರಕಾರಿಗಳು- ಹಸಿರು ಎಲೆಗಳ ತರಕಾರಿಗಳು ಅಗತ್ಯವಾದ ವಿಟಮಿನ್​ಗಳು , ಖನಿಜಗಳು ಮತ್ತು ಪೋಷಕಾಂಶಗಳಿಂದ ತುಂಬಿರುತ್ತವೆ. ರಕ್ತದಲ್ಲಿನ ಸಕ್ಕರೆ ಮಟ್ಟಗಳ ಮೇಲೆ ಅವು ಕನಿಷ್ಠ ಪರಿಣಾಮ ಬೀರುತ್ತವೆ. ಇನ್ನು ಹಸಿರು ಎಲೆಗಳ ತರಕಾರಿಗಳಲ್ಲಿ ಎಲೆಕೋಸು, ಗಡ್ಡೆಕೋಸು, ಪಾಲಕ್​​ ಸೊಪ್ಪು, ಇತ್ಯಾದಿಗಳನ್ನು ಸೇವಿಸಬಹುದು.

ಹಣ್ಣುಗಳು- ಎಲ್ಲರಿಗೂ ಅಷ್ಟೇ ಅಲ್ಲ, ಮಧುಮೇಹಿಗಳಿಗೆ ಸಹ ಹಣ್ಣು ಒಳ್ಳೆಯದು. ಹಣ್ಣುಗಳಲ್ಲಿ ಸಕ್ಕರೆ ಇರುತ್ತದೆ, ಆದರೆ ಇದು ನೈಸರ್ಗಿಕ ಸಕ್ಕರೆಯಾದ್ದರಿಂದ ಏನೂ ತೊಂದರೆಯಿಲ್ಲ. ಆದರೆ. ಹಣ್ಣಿನ ರಸಗಳಂತಹ ಉತ್ಪನ್ನಗಳಿಗೆ ಸಕ್ಕರೆ ಸೇರಿಸುತ್ತಾರೆ ಹೀಗಾಗಿ ಈ ಹಣ್ಣಿನ ರಸಗಳ ಬದಲಿಗೆ ಸ್ವಾಭಾವಿಕವಾದ ಸಿಟ್ರಸ್ ಹಣ್ಣುಗಳು, ಪೇರಳೆ, ಸ್ಟ್ರಾಬೆರಿ, ಒಣದ್ರಾಕ್ಷಿ, ಚೆರ್ರಿ ಇತ್ಯಾದಿಗಳನ್ನು ಸೇವಿಸಬಹುದು. ಆಲಿವ್ ಎಣ್ಣೆ, ಮೀನಿನ ಎಣ್ಣೆ, ಅಗಸೆಬೀಜ ಅಥವಾ ಆವಕಾಡೊಗಳಿಂದ ಆರೋಗ್ಯಕರ ಕೊಬ್ಬು ದೊರೆಯುತ್ತದೆ.

ಉತ್ತಮ ಗುಣಮಟ್ಟದ ಪ್ರೋಟೀನ್​​ಗಳಾದ ಮೊಟ್ಟೆ, ಬೀನ್ಸ್, ಕಡಿಮೆ ಕೊಬ್ಬಿನ ಡೈರಿ ಪದಾರ್ಥಗಳು,, ಮಾಂಸ ಮತ್ತು ಸಿಹಿರಹಿತ ಮೊಸರು ಸೇವಿಸಬಹುದು.

ಪ್ಯಾಕ್​ ಮಾಡಿದ ಮತ್ತು ಫಾಸ್ಟ್ ಫುಡ್​ಗಳನ್ನ ಅವಾಯ್ಡ್​ ಮಾಡಿ. ವಿಶೇಷವಾಗಿ ಸಕ್ಕರೆಯಿಂದ ತಯಾರಿಸಿದ ಉತ್ಪನ್ನಗಳು , ಸಿಹಿತಿಂಡಿಗಳು, ಚಿಪ್ಸ್, ಇತ್ಯಾದಿಗಳನ್ನ ಕೊಳ್ಳುವಾಗ ಲೇಬಲ್‌ಗಳನ್ನು ಪರಿಶೀಲಿಸಿ ಮತ್ತು ಕಡಿಮೆ ಸಕ್ಕರೆ ಉತ್ಪನ್ನಗಳನ್ನು ಆರಿಸಿಕೊಳ್ಳಿ.

ದಾಲ್ಚಿನ್ನಿ ಮತ್ತು ಅರಿಶಿನ (ಅರಿಶಿನದಲ್ಲಿನ ಕರ್ಕ್ಯುಮಿನ್) ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಅಧ್ಯಯನಗಳ ಪ್ರಕಾರ, ಹಾಗಲಕಾಯಿ ರಸವು ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಹೀಗಾಗಿ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಹಾಗಲಕಾಯಿ ರಸ ಕುಡಿಯಿರಿ.

ಎನರ್ಜಿ ಡ್ರಿಂಕ್ಸ್, ಕೆಲವು ಕಾಫಿಗಳು ಮತ್ತು, ಸಕ್ಕರೆಯನ್ನು ಒಳಗೊಂಡಿರುವ ಪಾನೀಯಗಳನ್ನು ಸೇವಿಸುವುದನ್ನು ತಪ್ಪಿಸಿ . ಯಾಕೆಂದರೆ ಇವು ವ್ಯಕ್ತಿಯಲ್ಲಿನ ಇನ್ಸುಲಿನ್ ಮಟ್ಟವನ್ನು ಅಸಮತೋಲನಗೊಳಿಸಬಹುದು.

ಉಪ್ಪನ್ನು ಮಿತಿಗೊಳಿಸಿ - ಸಾಕಷ್ಟು ಉಪ್ಪು ತಿನ್ನುವುದು ನಿಮ್ಮ ಅಧಿಕ ರಕ್ತದೊತ್ತಡದ ಅಪಾಯವನ್ನು ಹೆಚ್ಚಿಸುತ್ತದೆ, ಇದು ಹೃದ್ರೋಗಗಳು ಮತ್ತು ಪಾರ್ಶ್ವವಾಯು ಅಪಾಯವನ್ನು ಹೆಚ್ಚಿಸುತ್ತದೆ. ನಿಮಗೆ ಮಧುಮೇಹ ಇದ್ದರೆ, ಈ ಎಲ್ಲಾ ಪರಿಸ್ಥಿತಿಗಳ ಅಪಾಯವನ್ನು ನೀವು ಈಗಾಗಲೇ ಹೊಂದಿದ್ದೀರಿ ಎಂದರ್ಥ.

ಕಡಿಮೆ ರೆಡ್​​ ಮತ್ತು ಸಂಸ್ಕರಿಸಿದ ಮಾಂಸವನ್ನು ಸೇವಿಸಿ: ಬೀನ್ಸ್ . ಮೊಟ್ಟೆ, ಮೀನು, ಕೋಳಿ. ಉಪ್ಪುರಹಿತ ದ್ವಿದಳ ಧಾನ್ಯ, ಸಂಸ್ಕರಿಸಿದ ಮಾಂಸವನ್ನು ಸೇವಿಸಿ.

ತಿಂಡಿಗಳು - ನಿಮಗೆ ಲಘು ಆಹಾರ ಬೇಕಾದರೆ, ಚಿಪ್ಸ್, ಬಿಸ್ಕತ್ತು ಮತ್ತು ಚಾಕೊಲೇಟ್‌ಗಳ ಬದಲಿಗೆ ಮೊಸರು, ಉಪ್ಪುರಹಿತ ಬೀಜಗಳು, ಹಣ್ಣುಗಳು ಮತ್ತು ತರಕಾರಿಗಳನ್ನು ತಿನ್ನಿ.

ಮಿತವಾಗಿ ಮದ್ಯಪಾನ ಮಾಡುವುದರಿಂದ ಮಧುಮೇಹ ಇರುವವರಿಗೆ ಗಂಭೀರ ಅಪಾಯಗಳು ಉಂಟಾಗುವುದಿಲ್ಲ ಮತ್ತು ದೀರ್ಘಕಾಲದ ಗ್ಲೂಕೋಸ್ ನಿಯಂತ್ರಣದ ಮೇಲೆ ಪರಿಣಾಮ ಬೀರಬಾರದಂತೆ ನೋಡಿಕೊಳ್ಳಬೇಕು.

ವ್ಯಾಯಾಮ :ನಿಮ್ಮ ದೇಹದ ತೂಕದ ನಿರ್ವಹಣೆಗೆ ನಿಯಮಿತ ವ್ಯಾಯಾಮವು ನಿಮಗೆ ಸಹಾಯ ಮಾಡುತ್ತದೆ ಮತ್ತು ಇನ್ಸುಲಿನ್ ಸೂಕ್ಷ್ಮತೆಯನ್ನು ಸುಧಾರಿಸುತ್ತದೆ.

ಹೆಚ್ಚು ದೈಹಿಕವಾಗಿ ಸಕ್ರಿಯರಾಗಿರುವುದು ಆರೋಗ್ಯಕರ ಆಹಾರ ಸೇವನೆ ಇದು ಮಧುಮೇಹವನ್ನು ನಿರ್ವಹಿಸಲು ನಿಮಗೆ ಸಹಾಯ ಮಾಡುತ್ತದೆ ಮತ್ತು ನಿಮಗೆ ಆಗಬಹುದಾದ ಹೃದಯ ಸಮಸ್ಯೆಗಳ ಅಪಾಯವನ್ನು ಕಡಿಮೆ ಮಾಡುತ್ತದೆ.

ಹೆಚ್ಚು ನೀರು ಕುಡಿಯಿರಿ: ನೀರು ಕುಡಿಯುವುದರಿಂದ ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.

- ನ್ಯೂಟ್ರಿಷನಿಸ್ಟ್ ಮತ್ತು ಡಯಾಬಿಟಿಸ್ ಎಜುಕೇಟರ್ ದಿವ್ಯಾ ಗುಪ್ತಾ ಮಾಹಿತಿ ಆಧಾರಿತವಾಗಿದೆ.