ವಾರಣಾಸಿ: ರಕ್ಷಾ ಬಂಧನ ಆಚರಣೆಗೋಸ್ಕರ ದಿನಗಣನೇ ಆರಂಭಗೊಂಡಿದ್ದು, ಉತ್ತರಪ್ರದೇಶದ ವಾರಣಾಸಿಯಲ್ಲಿ ಮುಸ್ಲಿಂ ಸಮುದಾಯದ ಮಹಿಳೆಯರು ಪ್ರಧಾನಿ ಮೋದಿಗೋಸ್ಕರ ವಿಶೇಷವಾದ ರಾಖಿ ತಯಾರು ಮಾಡುತ್ತಿದ್ದಾರೆ.
ರಾಮಮಂದಿರ ನಿರ್ಮಾಣಕ್ಕೆ ಬೆಂಬಲ, ನಮೋಗಾಗಿ ಮುಸ್ಲಿಂ ಮಹಿಳೆಯರಿಂದ ವಿಶೇಷ ರಾಖಿ ತಯಾರು!
ರಕ್ಷಾ ಬಂಧನ ಆಚರಣೆ ಮಾಡಲು ದಿನಗಣನೇ ಆರಂಭಗೊಂಡಿದ್ದು, ಇದರ ಬೆನ್ನಲ್ಲೇ ಉತ್ತರಪ್ರದೇಶದ ವಾರಣಾಸಿಯಲ್ಲಿ ಮುಸ್ಲಿಂ ಸಮುದಾಯದ ಮಹಿಳೆಯರು ವಿಶೇಷವಾಗಿ ರಾಖಿ ತಯಾರು ಮಾಡುತ್ತಿದ್ದಾರೆ.
Muslim women make rakhis
ರಾಖಿಗಳ ಮೇಲೆ ಶ್ರೀರಾಮ, ಪ್ರಧಾನಿ ನರೇಂದ್ರ ಮೋದಿ, ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್, ಅಯೋಧ್ಯೆ ಸೇರಿದಂತೆ ಅನೇಕ ಪ್ರಮುಖ ಮುಖ ಚಹರೆವುಳ್ಳ ರಾಖಿ ತಯಾರಿಸುತ್ತಿದ್ದಾರೆ. ಅಯೋಧ್ಯೆಯಲ್ಲಿ ರಾಮಮಂದಿರ ನಿರ್ಮಾಣಕ್ಕಾಗಿ ತಾವು ಸಪೋರ್ಟ್ ಮಾಡುವುದಾಗಿ ಈ ರಾಖಿಗಳಲ್ಲಿ ಸಂದೇಶ ನೀಡುತ್ತಿರುವ ಮಹಿಳೆಯರು, ಈ ಹಿಂದಿನಿಂದಲೂ ಈ ಕೆಲಸ ಮಾಡುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ.
ನರೇಂದ್ರ ಮೋದಿ ಗುಜರಾತ್ ಮುಖ್ಯಮಂತ್ರಿ ಆಗಿದ್ದ ಸಮಯದಿಂದಲೂ ಅವರಿಗೆ ರಾಖಿ ಕಳುಹಿಸುತ್ತಿದ್ದು, ತ್ರಿಬಲ್ ತಲಾಖ್ ಪದ್ಧತಿ ರದ್ಧುಗೊಳಿಸುವಂತೆ ಈ ಹಿಂದೆ ಮನವಿ ಮಾಡಿಕೊಂಡಿದ್ದರಂತೆ. ಅದರಂತೆ ಪ್ರಧಾನಿ ನರೇಂದ್ರ ಮೋದಿ ಸರ್ಕಾರದ ಅವಧಿಯಲ್ಲಿ ತ್ರಿವಳಿ ತಲಾಖ್ ಮಸೂದೆ ಕಾನೂನು ಆಗಿ ಜಾರಿಗೊಂಡಿದೆ. ಮುಸ್ಲಿಂ ಸಮುದಾಯದ ರಕ್ಷಣೆ ಮಾಡುವಲ್ಲಿ ಪ್ರಧಾನಿ ನರೇಂದ್ರ ಮೋದಿ ನಮಗೆ ಸಹಾಯ ಮಾಡಿದ್ದು, ನಿಜವಾಗಲೂ ಅವರು ನಮಗೆ ತಂದೆ, ಸಹೋದರ ರೂಪದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂದಿದ್ದಾರೆ.