ಪ್ರಿಯಾಂಕಾ ಟೆಂಪಲ್​ ರನ್​: ದೇಗುಲದಲ್ಲೂ ಮೋದಿ ನಾಮಪಠಣ

ಪೂರ್ವ ಉತ್ತರಪ್ರದೇಶದ ಕಾಂಗ್ರೆಸ್​ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ಇಂದು ವಿವಿಧ ದೇಗುಲಗಳಿಗೆ ಭೇಟಿ ನೀಡಿದ್ದರು.

ಮಿರಾಜ್​ಪುರ: ಪ್ರಧಾನಿ ಮೋದಿ ಸಂಸತ್​ ಕ್ಷೇತ್ರ ವಾರಣಾಸಿಯಲ್ಲಿ ಜಲಯಾನದ ಮೂಲಕ ಪ್ರಚಾರ ಕೈಗೊಂಡಿರುವ ಪೂರ್ವ ಉತ್ತರಪ್ರದೇಶದ ಕಾಂಗ್ರೆಸ್​ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ಇಂದು ಮಿರಾಜ್​ಪುರದ ವಿಂಧ್ಯಾವಾಸಿನಿ ದೇಗುಲಕ್ಕೆ ಭೇಟಿ ನೀಡಿದರು.

ಇದೇ ವೇಳೆ, ಸೀತಾ ಸಮಾಹಿತ್​ ಸ್ಥಳ ಹಾಗೂ ಖ್ವಾಜಾ ನಾಬ್​ ಇಸ್ಮೈಲ್​ ಚಿಸ್ತಿ ದರ್ಗಾಕ್ಕೂ ಭೇಟಿ ನೀಡಿದರು. ಚುನಾವಣೆ ನಿಮಿತ್ತ ಟೆಂಪಲ್​ ರನ್​ ಮೂಲಕ ಜನರನ್ನು ಸೆಳೆಯುವ ಉದ್ದೇಶ ಅವರದಾಗಿತ್ತು. ಕಾಶಿ ವಿಶ್ವೇಶ್ವರ ದೇಗುಲಕ್ಕೆ ಭೇಟಿಗೆ ಮಾತ್ರ ಅವರಿಗೆ ಅನುಮತಿ ದೊರೆಯಲಿಲ್ಲ ಎಂದು ತಿಳಿದುಬಂದಿದೆ.

ವಿಂಧ್ಯಾವಾಸಿನಿ ದೇಗುಲಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ಪ್ರಿಯಾಂಕಾರಿಗೆ ಶಾಕ್​ ಸಹ ಆಯ್ತು. ದೇಗುಲದಲ್ಲಿ ನೆರೆದಿದ್ದ ಕೆಲ ಭಕ್ತರು ' ಮೋದಿ.. ಮೋದಿ ' ಎಂದು ಕೂಗಿದ್ದು ಕೇಳಿಸಿತು. ಇದರಿಂದ ಪ್ರಿಯಾಂಕಾರಿಗೆ ಇರಿಸುಮುರಿಸು ಉಂಟಾಯ್ತು.

ಲೋಕಸಭೆ ಚುನಾವಣೆಗೆ ಭರ್ಜರಿ ಪ್ರಚಾರ ನಡೆಸುತ್ತಿರುವ ಪ್ರಿಯಾಂಕಾ, ವಿವಿಧೆಡೆ ಭೇಟಿ ನೀಡಿ ಮತಬೇಟೆ ಆರಂಭಿಸಿದ್ದಾರೆ.